*218👨🏻‍⚕️ആരോഗ്യസംരക്ഷണം* *●~~~~~~~~~~~~~~~~~~~~~●* ================= *Join WhatsApp* *https://whatsapp.com/channel/0029VaCyEJwAojZ0IHd0vX2g* •••••••┈┈•✿❁✿•┈┈••••••• *💧Part : 218💧* *📌 മറക്കാതിരിക്കുക, നോമ്പിന്‍റെ ആരോഗ്യമാനങ്ങൾ* ✍🏼ഉപവാസം മെച്ചപ്പെട്ട ആരോഗ്യം കൂടിയാണ് ഒരാളിൽ ഉറപ്പാക്കുന്നത്. ആത്മീയഭാവങ്ങൾക്കൊപ്പം ആരോഗ്യ പ്രാധാന്യം കൂടി തിരിച്ചറിഞ്ഞുതന്നെയാകണം പല മതങ്ങളും ഉപവാസത്തിന് പ്രാധാന്യം കൽപിക്കുന്നത്. ഇസ്‍ലാമിലെ ഉപവാസം സൂര്യോദയം മുതൽ അസ്തമയം വരെ നീളുന്ന ഒന്നാണ്. ആത്മസംസ്കരണം, സമർപ്പണം എന്നീ ചൈതന്യങ്ങൾ നിറഞ്ഞ മഹിത ദിനരാത്രങ്ങളായി മാറുകയാണ് റമളാൻ. ജീവിതശൈലീരോഗങ്ങളെ മറികടക്കാനുള്ള പ്രായോഗിക വഴിയായും വ്രതകാലത്തെ മാറ്റിയെടുക്കാം. ഉഷ്ണകാലത്താണ് റമളാൻ ഇക്കുറിയും. നാട്ടിലേതുമായി തട്ടിച്ചു നോക്കുമ്പോൾ ഗൾഫിൽ ചൂടിന് കുറവുണ്ട്. തിരസ്കാരത്തിലൂടെ നോമ്പിന്‍റെ ആത്മാവ് വീണ്ടെടുക്കാൻ കഴിയണം. ഭക്ഷണ പാനീയങ്ങൾ ത്യജിച്ചതു കൊണ്ടു മാത്രമായില്ല. മെച്ചപ്പെട്ട മാനസികാരോഗ്യം ഉറപ്പാക്കാനുള്ള അവസരത്തെ നാം എങ്ങനെ പ്രയോജനപ്പെടുത്തുന്നു എന്നതാണ് മുഖ്യം. ആഹാരരീതികളിലും ജീവിതശൈലികളിലും ബോധപൂർവം മാറ്റങ്ങൾക്ക് നാം തയാറാകണം. പകൽനേരത്ത് ആഹാരം ഉപേക്ഷിക്കുന്നു എന്നു കരുതി രാത്രികാലങ്ങളിൽ പരിധി വിടുന്ന പ്രവണതയുണ്ട്. ഉപവാസത്തിന്‍റെ ചൈതന്യത്തെ കെടുത്തുന്ന ഒന്നാണിത്. പ്രമേഹം, രക്തസമ്മർദം, കൊളസ്ട്രോൾ ഉൾപ്പെടെ ജീവിത ശൈലീരോഗങ്ങളെ ഫലപ്രദമായി നിയന്ത്രിച്ചുനിർത്താൻ ഉപവാസകാലം സഹായിക്കും. ശരീരഭാരം കുറക്കാൻ താൽപര്യെമടുക്കുന്നവർക്കും ഇത് മികച്ച അവസരം. *📍ഉപവാസം ആരോഗ്യദായകമാക്കാം; ചില ടിപ്സുകൾ* ◉ 1) ഉപവാസകാലത്തെ നമ്മുടെ ഭക്ഷണരീതിയും ജീവിത ശൈലിയും ബോധപൂർവം ക്രമീകരിക്കുക. ◉ 2) രോഗികൾ മരുന്നുകൾ ഉപേക്ഷിക്കരുത്. ഡോക്ടറുടെ സഹായത്തോടെ മരുന്നുകൾ സേവിക്കേണ്ട സമയം ക്രമീകരിക്കണം. ◉ 3) പിരിമുറുക്കവും സമ്മർദവും ഉപേക്ഷിക്കുക. രാത്രികാല ഭക്ഷണം കുറക്കുക. ◉ 4) പുകവലി ഉപേക്ഷിക്കാനുള്ള നല്ല സമയമാണ് റമളാൻ. രാത്രിയിലും പുകവലിക്കാതിരിക്കുക. ◉ 5) ഇഫ്താർ പരമാവധി ലളിത സ്വഭാവത്തിലുള്ളതാക്കുക. എണ്ണ കലർന്ന ഭക്ഷ്യവിഭവങ്ങൾ ഒഴിവാക്കുക. ◉ 6) ഉഷ്ണകാലം മുൻനിർത്തി രാത്രി പരമാവധി വെള്ളം കുടിക്കണം. മാംസാഹാരം കുറക്കുക. ജലാംശം നിറഞ്ഞ വിഭവങ്ങൾക്ക് മുൻതൂക്കം നൽകുക. ◉ 7) ഉറക്കം അവഗണിക്കരുത്. ശരിയായ ഉറക്കം നഷ്ടപ്പെടുന്നത് ഉപവസിക്കുന്നവരുടെ ശാരീരിക, മാനസികാരോഗ്യത്തെ ബാധിക്കും. ◉ 8) സുഹൂർ ഉപേക്ഷിക്കരുത്. ലളിത വിഭവങ്ങൾ കൊണ്ടെങ്കിലും സുഹൂർ നിർബന്ധമാക്കുക. ◉ 9) സാധ്യമായ അളവിൽ സഹജീവികൾക്ക് തുണയാവുക. *_✍🏼ഡോ. ഷമീമ അബ്ദുൽ നാസർ_* *☝🏼അല്ലാഹു അഅ്ലം☝🏼* 🌹 *اللَّهُمَّ صَلِّ عَلَى سَيِّدِنَا مُحَمَّدٍ* *وَعَلَى آلِ سَيِّدِنَا مُحَمَّدٍ* *وَبَارِكْ وَسَلِّمْ عَلَيْه* 🌹 ⚜⚜⚜⚜⚜⚜⚜⚜⚜⚜