السلام عليكم ورحمة الله وبركاته غض البصر أصبح من أعظم الجهاد في هذا الزمن. الموضوع مش مقتصر على النظرة الأولى وإنك تغض بصرك عن التانية! لأن النظرة الأولى دي بيبقى فيها واحدة في كامل تبرجها بتطبع جوا قلبك، بتحاول تصرفها بالاستغفار والذكر، فَما أن تشيح بنظرك عنها، تلاقي واحدة تانية شبيهة لها أو أسوأ منها! بقى المشوار البسيط العادي فيه جهاد عظيم على نَفْسَك إنك متنجرفش وراء الفِتَن دي! هل البنات دي كلها متعرفش إنهن على خطأ عظيم وذنب كبير؟ طيب هل ناسيين الموت والكفن وضمة القبر؟ وإنها هتيجي يوم القيامة مكبلة بذنوب لا حصر لها بسبب كلمة من صاحبتها اللي قالت لها: إنت لسه صغيرة! أو من أمها؟ بتواكبوا الموضة والدنيا وفي سباق طويل وجري مُنهِك علشان تظهروا بأحدث صيحة وأحسن شكل، وغفلتوا تماما عن عقاب ربنا سبحانه وتعالى؟ الموضوع بقى كارثي وصعب، وللأسف معظم المقلدات بيمشوا تبعاً لمعيار الأغلبية! (الكل بيعمل كده) فَبتاخد حقنة مهدئة شوية من عذاب الضمير اللي ممكن ينقح عليها، وبتستمر على لبسها بالمنظر ده!! حرام! والله العظيم حرام اللي بتعملوه في نفسكم وفي شباب الأمة. استقمن يرحمكن اللّه. الموضوع آخرة وجنة ونار، مش بس دنيا.. والسلام!🩵 https://solo.to/na_bd