+ زي ما انتم شايفين الحاله الاقتصاديه بتاعة العالم كله لما يجي الشاب يتقدم لبنتنا منفكرش الشبكه كام عايزين نقلل الحاجه دي + يجي شاب كويس امكانياته الروحيه حلوه متعلم حلو لكن امكانياته الماديه ضعيفه نرفضه علشان كده + انا افرح بالشاب اللي اخلاقه حلوه وتربيته حلوه لبنتي افضل من شاب مادياته حلوه والامور التانيه تعبانه + دبلتين يبدأوا بيهم حياتهم ربنا هيكرمهم ويعمر بيتهم ويديهم اكتر واكتر اللي مش هيجي النهارده هيجي بكره بلاش نفرض علي الشباب شبكه بمبلغ كذا + نقطه تانيه يعني ايه موضوع الهدوم اللي احنا طالعين فيه الايام ده لما يجي واحد يتقدم لبنته اقوله هتجيب هدوم قد ايه ، شاب كويس جاي يتقدم لبنته ادبحه مفيش حاجه اسمها هتجيب هدوم قد ايه ده عار + انا يهمني الشخص اللي هيحب بنتي هيصون بنتي هيحافظ علي بنتي هيربي اولاده تربيه حلوه دي الحاجه اللي تهمنا ده اللي تركزوا عليها تعيش وتعلمنا ياسيدنا نيافة الانبا جوارجيوس اسقف مطاي من له اذنان للسمع فليسمع