🛑 *أبرز ما ورد في تقرير ود المصطفى ليوم الخميس الموافق 30.1.2025 بتوقيت القوات المسلحة السودانية.* العناوين: 🛑 القصر الجمهوري والحاصل بالضبط. 🛑 الجزيرة + بحري + أمدرمان + أم روابة. 🛑 بشريات العودة للمناطق الصالحة للعودة. _____________________________________________________ 📌 أم روابة: ● الجيش دخل أم روابة و أمن أم روابة و بفكر فيما بعد أم روابة ، و أم روابة تماما اترفع للخامسة و وصل ود الحسين و موضعها خلاص انتهى. ● متحرك الصياد مهمتو نظافة و بعد أم روابة الآن الأنظار تتجه نحو الرهد. ● عصابات قطع الطرق حيتم التعامل معاها بإذن الله. ● اليوم إنسان أم روابة بعد اتعرض لإنتهاكات مستمرة و دفع ثمن غالي اليوم ينعم بالأمن و الأمان و البلد دي بدون جيش ما بتبقى. ● أم روابة دي تاني الجنجويد حلم ما يحلموا بيها. ● أمس في عربات كانت مارقة من أم روابة و تم التعامل معاها و الحمد لله. ● متحرك الصياد دا ما حاجة ساهلة ، دا متحرك كبير جدا و جيش جرار. 📌 الرهد : ● عدد 21 عربة مرقت من الرهد ، و يا جنجا ما تخربوا الشغل بالهروب. 📌 الأبيض: ● محاولة مسيرات تم التعامل معاها و إسقاطها بكل سهولة الحمد لله. ● الأبيض حتكون أكبر قاعدة عملياتية تنطلق منها المتحركات للغرب و تنظف بإذن الله. 📌 فاشر السلطان: ● الجنجويد جابوا فكي قال ما بقوم من محلو الا الجنجا يخشوا الفاشر ، اها قومت من محلك ولا لسه؟ ● الفاشر أكتر منطقة استنزفت الجنجويد و حيدت عدد كبير من قيادات. ● الفاشر دي كلاما براهو ، الجنجويد مرات بكون متسللين بقعوا في كمين لما يتفاجؤوا. 📌 محور الصحراء: ● المتحرك الجاي من ليبيا خسر أكتر من 233 عربة من مدمرة إلى مستلمة. 📌 القصر الجمهوري: ● القصر ما فضل فيه أي حاجة. ● مسألة أنو الجيش يخش موقع دي مسألة عادية جدا و متوقعة. ● لم يتم تسجيل دخول للقصر الجمهوري لكن اتضمن و مني ليك داير تحتفل احتفل. ● القصر محاصر و الجنجويد القاعدين الجوة يا إما يرفعوا الراية البيضاء يا يموتوا. ● تحيد أكثر من 22 فرد في التقدم من القيادة العامة. ● مترقب إلتحام و ختوا في حساباتكم. 📌 وسط الخرطوم: #المقرن: ● المقرنجية متقدمين كويس و بتعاملوا مع مواقع القناصة و الجنجويد محاصرين حصار مكتمل. ● مناطق المقرن دي "الأبراج" كانت مكتظة بالقناصين و قناصة أجانب كمان. ● المقرنجية حيدوا عدد 3 عربات خلال اليوم و تحية ليهم. #القيادة_العامة: ● أبطال القيادة العامة شغالين و معنوياتهم فل. ● عدد المواقع التم تحيدها بعد الإلتحام لو حسبتها بالحسابات العسكرية داير 6 شهور ، و لله الحمد تم تحيدهم أكثر من 21 موقع بالجماعة الفيهم. 📌 جنوب الخرطوم: ● الشغل ماشي كويس ما شاء الله تبارك الله. ● الشغل دا استنزاف لما تبقى من الجنجويد القاعدين في الرميلة و القوز و المناطق دي و بإذن الله الصندوق حيقفل بجاي + عدد 2 هدف ثابت تم التعامل معاهم. ● المدينة الرياضية المصدر رصد بوكس مليان الجنجويد مشوا بيهم المقابر. ● أبطال جبرة شغالين ، لكن شغل على خفيف. ● القصف المدفعي اتعامل مع: 🔥 الشعبي. 🔥 صك العملة. ● عمليات الهروب متواصلة من الأزهري و الجنجويد هناك قلعوا حتى كيبلات الكهرباء. 📌 بحري: ● العمليات كلها شرق و ماشة كويس جداً. ● تم تسجيل الدخول للعزبة ✅️. ● دردوق و نبتة أمرهم حسم ✅️. ● تبقت أجزاء معينة في كافوري و نرصد عمليات هرب من كافوري و قربت تدخل الحذية ✅️. ● مرحلة التأمين و المتعاونين هي المرحلة القادمة ، اي متعاون ثبت أنو اتعاون مع الجنجويد و قدم ليهم أي دعم يتم محاسبته عبر القانون ، ما دايرين ثغرة أو أي تصرفات فردية. ● الداير يرجع يرجع ، و في رأي الناس تنتظر شوية أسبوع أو أسبوعين. ● الجنجويد جروا و خلوا ذخائرهم و ما عندهم اي نية للمقاومة أو الثبات ولا عندهم توجيهات ولا خطط ولا تفكير ، تفكيرهم الآن كلو في الهروب. 📌 شرق النيل: ● ما زالت عمليات الهروب مستمرة و الناس الهربوا من بحري ما استقروا في شرق النيل بمرقوا طوالي اتجاه جبل أولياء. ● كتار من المتعاونين قاعدين في الجبل و دار السلامات. ● لحدي الآن ماف عمليات صريحة و واضحة في شرق النيل ، القصف المدفعي مستمر و المسيرات بتختار بعض الأهداف. ● أكثر من 6 متحركات جاهزة ترفع التمام. ● شرق النيل حتتملص و تتأمن أسرع من بحري. ● ملاحظ أنو عمليات التدوّين قلت من جهة بحري و شرق النيل. ● شفشافة الحاج يوسف و عزة جلال الله ما عندكم أي مفر. ● رصدنا بالأمس عدد 3 جامبو مليانة عفش ناس و جنجا الطيران اتعامل معاهم و ما مرق منه زول .. ● المدفعية حيدت أهداف كويسة و المسيرات حيدت عدد 2 عربة 📌 الجزيرة: ● ماف عمليات أرضية تذكر في الجزيرة. قوة بالعشرات و عدد من العربات سلموا و استفادوا من عفو القائد العام و عندهم 2 عربة قتالة و الباقي ملاكي في أبو قوتة. ● الجنجويد دخلوا قرية نايل و كالعادة قلعوا الناس و في ناس أصيبوا و في واحد استشهد ربنا يرحمه. ● نتوقع زي ما بشرونا أنو يتم رفع التمام بالكامل في مقبل الأيام. 📌 أمدرمان: ● خلال الشهرين الفاتوا ، أكثر خسائر تعرضوا ليها الجنجويد اليوم. ● في شغل في أمبدات و الحمد لله العمل الخاص نافض نفض صاح. ● تحيد عدد 32 فرد غرب أمدرمان. ● بدأ العد التنازلي لسوق ليبيا و تاني شوف دار السلام. ● قائد برتبة مقدم كبرها و بقى مارق. ● متوقع أنو التدوّين يقل مع التقدم غرباً مقبل الأيام. ● علاج التدوّين التقدم الأرضي و كل ما ارتاحوا ، الجنجويد بدونوا المواطنين. ● الجيش ساق الجنجويد غرب أمدرمان سواقة عديل. ● سوق ليبيا بتشاف و مصدري أكد لي "هسي يدوني تعليمات أبلغ سوق ليبيا بس يدوني تعليمات". ● جنوب أمدرمان - المربعات في "جديع" كويس ، لكن ماف عمليات أرضية بقولوا عليها لسه. ● تحية كبيرة للعمل الخاص ، و أبو طيرة "أخوان ياسر" و اليوم قدموا شهيد رائد ليه الرحمة و المغفرة. ________________ إذا وصلت للنهاية لايكك و شيرك بحافظوا على الصفحة ✅️❤️🇸🇩 ♦️إنضـمـ لمـجمـوعآت شـبگة حآلآ نيوز آلإخبآرية علي آلوآتسـآب عبر آلرآبطـ ♦️ https://chat.whatsapp.com/LDQp0wu53oNDGaDCMCYIrZ