*🛑 أبرز ما ورد في تقرير ود المصطفى ليوم الأربعاء الموافق 5 فبراير 2025 بتوقيت القوات المسلحة السودانية.* العناوين: 🛑 أخبار سارة و للجنجا ضارة. 🛑 بشريات شرق النيل. 🛑 مقاطعة الخرطوم. _____________________________________________________ 📌 أخبار سارة و للجنجا ضارة: ● الجنجويد أمورهم جايطة و ما عندهم قائد داير يثبت ، في مناطق خشاها الجيش ما لقى جنجا ، مشوا وين الله أعلم. ● الجنجويد مخلين عربات في الرميلة و القوز و المنطقة الصناعية عربات كتيرة جداً جداً استلموها ناس المدرعات و أيضا عربات كتيرة تم إستلامها في شرق النيل. ● اليوم الجيش دخلت عدد 2 متحرك من وين الله أعلم. ● عسكرياً الجنجويد انتهوا ما عندهم أي حاجة. ● الجيش لما يمرق "ما شاء الله " ماف حاجة بتقيف قدامو ، عتاد أكثر من الجنجويد و عدد أضعافهم. 📌 بشريات شرق النيل. ● سوبا من كل الجهات محاصرة و الكبري قفل قفلة طرشاء. ●الجيش و القوات المساندة نظفوا: الوادي الأخضر ✅️ رام الله ✅️ ● إستلام عدد من العربات و عدد من الجنجويد و إستسلام عدد 4 عربات. 📌 بحري: ● مربعات معينة في كافوري شغال فيها الجيش و شغال شغل نوعي. ● الجيش استلم ذخائر و مخازن سرية فيها ذخائر و أسلحة و عربات [أكثر من 3 مخازن سرية]. ● عدد 2 عربة تم تدميرها. 📌 وسط الخرطوم: ● موضوع وسط الخرطوم حسم و أي حتة مهمة تم تحيدها و تم تجفيف خطوط الإمداد و الفزع مع أنو ماف زول بفزع تاني. ● العربي دا بنقلعوا منكم يا جنجا و المقرن بنصلوا بإذن الله و أبطال المقرن براهم ما مقصرين. ● الجنجويد الفي خرطوم 2 و المناطق ديل لو جمعوهم كلهم ما بعملوا 50 عربة. ● المتحرك الغربي للقيادة دا متحرك مشى سريع و حيد مناطق كبيرة و أدى مهمتو و الآن حارس القصر و منتظر التعليمات. ● المتحركات الشرقية للقيادة لسه ما بدت الشغل بتاعها بصورة رسمية. 📌 جنوب الخرطوم: ● أبطال الدروع قاموا بعمل كبير جداً و في دخلوا 3 مناطق تعتبر أكبر مناطق: الرميلة ✅️ القوز ✅️ المنطقة الصناعية ✅️ ● أكثر من 17 عربة تم تدميرها و عشرات العربات تم إستلامها. ● الليلة في الرميلة المجنزرات ماشة مشي و ما بتتقابل ، الجنجويد لما شافوها قاموا هربوا نحو المنطقة الصناعية و في المنطقة الصناعية جاتهم أخبار أنو الجيش جاي عليهم اشتبكوا معاهم شوية و لما شافوا الشغل كاتم قالوا احسن نهرب و اسي مرقوها في العربي لما وصلوا العربي لقوا ناس "مديخر" اشتبكوا مع الجنجويد الجاين قالوا ليهم "انتوا جايبين لينا الجيش" و دقوا بلي في بيناتهم بسلاح تقيل [23 و 14.5 و دوشكات] لمدة 3 ساعات و الجيش بجاي بلملم في الغنائم و بوزع في مواجهاتهم. ● اتجاه الصحافة و المناطق دي في شغل تدويّن و في متحركات حتتقدم بإذن الله. ● في شغل كبير جاي اتجاه جبرة. ● متعاونين مايو و السلمة و الإنقاذ و الأزهري و المناطق دي #أرنب_استعد مرفوعين بـ لستة ما شغل تشفي. 📌 أمدرمان: ● السيطرة في أمدرمان اليوم اتحرك اتجاه حي الجامعة و المناطق دي. ● ناس أمبدات شغالين كويس. ● يا سيطرة أمدرمان ما لم تنظفوا غرب الحارات و أمبدات و سوق ليبيا و تنظفوا دار السلام و ترتكزوا فيها و تمشوا صالحة ، التدوّين دا ما بقيف. ● الجيش وصل حتى مدارس أباذر الكودة. ● تحية عدد 5 عربات في أمدرمان و في شغل مدفعي مشرف جداً و تحية لأبطال المدفعية. 📌 الجزيرة: ● ما يشاع عن أبو قوتة غير صحيح، قرى كتيرة حولي أبو قوتة اترفع تماما لكن أب قوتة لسه ما اترفع تماما. 📌 شمال كردفان: #الرهد ● متحرك الصياد ماشي كويس و نظف بعض القرى حولي الرهد و وجهتو الرهد. ● جنجا الرهد أنتوا ما أكثر من جنجويد أم روابة لا عتاد ولا عدد. ● المسيرات اتعاملت مع عدد من الأهداف المتحركة حولي الرهد. ● رصدنا عدد 7 عربات [3 قتالية و الباقي ملاكي] تتبع لمجموعة حسنين أب شنب هربت من الرهد. #الأبيض: ● الأمور تمام الحمد لله و الناس عايشين في آمن و سلام ياهو إشكالية التدوّين لكن الأبيض عسكريا ما عليها خوف الأبيض فيها هجانة. 📌 كادقلي: ● الحلو "قحاتي" كسروا ليه عشان يشغل الجيش في الفرقة 14 و الفرقة 14 جاهزة بكل ألويتها "لواء". ● اللواء 54 بمرق و بنفذ عمليات خاتفة بستلم أسلحة و برجع. 📌 النيل الأبيض: ● ناس الأعوج أسقطوا مسيرة. ● أمس الجنجويد كان بحشدوا بهدف الهجوم على الجيش في ود الزاكي و الطيران دبل ليهم و أيضا في نعيمة الطيران دبل ليهم. ● مهمة 18 جبل أولياء و نتوقع تحرك كبير. 📌 النيل الأزرق: ● ناس الرابعة عندكم الدالي و المزموم ، الكلام دا ما بجي 📌 الفاشر ● الجوية نفذت ضربات إستباقية لمجموعات للجنجويد حولي الفاشر. ● عدد 11 عربة تم تسجيل خروج نهائي لها بمن فيها و البقية هربوا. 📌 نيالا: ● قبل يومين الجنجويد دخلوا إمداد متمثل في منظومات و عدد كبير من المسيرات دخلوها و إمداد تم توزيعه و الطيران اتعامل معاهو. ● الجنجويد أثناء تحليق الطيران بدوّنوا أحياء المدنيين ، الطيران لو استهدف بيت ما بخلي فيه باقي. ● أي إمداد بجي و بتم توزيعه في المدراس دا هدف مشروع ● نصيحتنا لأي مواطن لو شوفت أي إرتكاز أو تجمع للجنجويد أو نقل للإمداد أبعد منهم ، ماهو ما ممكن نخليهم يدخلوا إمداد يدونّوا بيه ناس الفاشر المساكين. _____________________________________________________ ♦️إنضـمـ لمـجمـوعآت شـبگة حآلآ نيوز آلإخبآرية علي آلوآتسـآب عبر آلرآبطـ ♦️ https://chat.whatsapp.com/JVjSbC0G23GCZK5pvPyUYy