Namhlanje, umasipala waseMbhashe uwonge amagosa enkonzo yesiPolisa nathe agqwesa ekwenzeni umsebenzi wawo kumacandelo ohlukeneyo. Lo msitho ubanjelwe kwi-holo i-Parish Hall, eDutywa. Lo masipala ukwenze oku ngethuba bekuzinyaswe umsitho wokuthi ndlelantle kumasitishi obesezintanjeni kwisikhululo saMapolisa saseDutywa uLT Col Tose. Ngethuba enikezela ngembasa uSomlomo weBhunga laseMbhashe uBabalwa Majavu ubulele intsibenziswano phakathi kwenkonzo yesiPolisa kunye nomasipala, wandise ngelithi “Sisoloko siluluntu amapolisa siwathatha njengabantu abangasebenziyo inqabile into yoba ipolisa lingathukwa lifana nje no Ceba"utshilo uSomlomo. Ukanti lonto iyenza intliziyo yabo bakurhulumento inxunguphale nanjengoko bewubona umsebenzi oncomekayo, ekwancoma utata Tose ngokuzinikezela. Oogxa bakhe bebetshintshiselana ngeqonga bemtyibela lo kaTose ngemisebenzi yakhe emihle nokuzinikela kwakhe ekuxelengeni kwinkonzo yesipolisa. Umasitishi uMonwabisi Buzwayo othe wangena ezihlangwini zikaLT Col Tose, uthe uTose ligorha ebeliqhubisana nolwaphulomthetho kwidolophu yaseDutywa.