Komiti kgolo ya dikgosi e ne e kopane le baemedi ba lekala la Unibesiti ya Bokone Bophirima. Mme Makhuduga Mosenogi go tswa kwa Unibesiti o ne a tlhagisa ka kholokhiamo mme o tlhalositse fa maitlhomomagolo a kopano e, e ne e le go tla ka mokgwa o o ka dirisiwang go somarela setso le puo ya setswana ka go dirisana mmogo le dikgosi. Kholokhiamo ke tiriso kana mokgwa o moshwa wa go ka tla ka ditlhabololo, maano, ditshono tse di ka dirisiwang go boloka puo ya Setswana moo le yone e ka bonwang e tlhagelela mo mafaratlhatleng a tshwana le bo google. Modula setilo wa ntlo ya dikgosi, Kgosi Thari Maotwe o amogetse pegelo eno ka ga Kholokhiamo e go lebeletsweng fa e tla tlhabolola puo ya Setswana.