بكرة ان شاء الله اول يوم تراويح.. عايزك تعرف انك ممكن تكون سبب كبير في ان اللي جنبك في الصلاة يخشع، او تخليه عايز يخلص ويمشي بأسرع وقت.. بلاش سبحان ربي الأعلي وسبحان ربي العظيم بصوت عالي، بلاش بسبسبسبسبس اللي بتتقال بسرعة اوي دي، بلاش دعاء بصوت عالي، بلاش تلعب في صوابعك وتترقع صوابعك، وياريت بلاش تدوس علي رجل اللي جنبك هكون شاكر ليك جداً، بلاش حركة كتير.. ومصلي النساء الواحد بيسمع بلاوي، مش لازم البامبرز في المصلي يعني محبكتش، مش لازم الحكاوي اللي بنبقي قاعدين في اول الصف وسامعينها.. نراعي بعض شوية، الواحد حرفيًا اوقات كتير جدا بيفقد اي احساس بالخشوع او التركيز في الصلاة بسبب اللي جنبه.. ربنا يتقبل مننا جميعاً💗'.