20 سؤال في إنترفيوهات React وإجاباتهم لو رايح إنترفيو React، غالبًا هتقابل أسئلة نظرية جنب الأسئلة العملية. علشان كده، جمعت لك 20 سؤال متكرر مع إجابات مختصرة علشان تكون جاهز: 🔹 يعني إيه React؟ مكتبة JavaScript بتساعدك تبني واجهات المستخدم بسهولة باستخدام الـ Components. 🔹 إيه الفرق بين React و Angular؟ • React: مكتبة بتتعامل مع الواجهة فقط. • Angular: إطار عمل كامل فيه مزايا إضافية زي الـ Routing وإدارة الحالة. 🔹 إيه الفرق بين Component و Element؟ • Component: دالة أو كلاس بيرجع عنصر React. • Element: الوصف اللي بيحدد الحاجة اللي هتتعرض على الشاشة. 🔹 إيه الفرق بين Functional و Class Components؟ • Functional: دوال تستخدم الـ Hooks. • Class: تعتمد على الكلاسات وthis.state. 🔹 إيه هي Props؟ بيانات الأب بيبعتها للإبن علشان يكون قابل لإعادة الاستخدام. 🔹 إيه هو الـ State؟ كائن بيخزن البيانات المتغيرة داخل الـ Component وبيسبب إعادة الرسم لما يتغير. 🔹 إمتى نستخدم useState؟ لما نحتاج نخزن قيمة متغيرة جوه Component وظيفي ونتابع تحديثاتها. 🔹 إيه الفرق بين Props و State؟ • Props: بيانات ثابتة بتيجي من الأب. • State: بيانات متغيرة جوه نفس الـ Component. 🔹 إيه هو useEffect؟ Hook للتعامل مع التأثيرات الجانبية زي جلب البيانات أو التفاعل مع الـ DOM. 🔹 إيه الفرق بين useEffect و componentDidMount؟ • useEffect: يستخدم في المكونات الوظيفية. • componentDidMount: خاص بمكونات الكلاسات. 🔹 إزاي نمنع useEffect من إنه يشتغل كل رندر؟ نضيف [] كمعامل ثاني علشان يشتغل مرة واحدة عند التحميل. 🔹 إيه هو Virtual DOM؟ نسخة خفيفة من الـ DOM الحقيقي، بتساعد في تحسين الأداء عن طريق تحديث التغييرات فقط. 🔹 React بيحدث Virtual DOM إزاي؟ بيقارن بين النسخة القديمة والجديدة، وبيعدل اللي اختلف بس في الـ Real DOM. 🔹 إيه فايدة الـ Keys في React؟ بتحسن الأداء في القوائم وبتساعد React يتعقب العناصر بكفاءة. 🔹 إيه الفرق بين Controlled و Uncontrolled Components؟ • Controlled: البيانات داخل React State. • Uncontrolled: البيانات داخل الـ DOM باستخدام ref. 🔹 إيه هو Context API؟ طريقة لمشاركة البيانات بين المكونات بدون تمرير Props لكل مستوى. 🔹 إيه الفرق بين Redux و Context API؟ • Redux: لإدارة الحالة المركزية مع إمكانيات متقدمة. • Context API: لحالات أبسط بدون تعقيد. 🔹 إمتى نستخدم useMemo؟ لتحسين الأداء عن طريق تخزين نتائج العمليات التقيلة بدل إعادة حسابها كل مرة. 🔹 إيه الفرق بين useRef و useState؟ • useRef: يحتفظ بالقيمة بدون إعادة رندر. • useState: يسبب إعادة رندر عند التغيير.