السلام عليكم ورحمة الله وبركاته. كام نقطة عايزة اتكلم فيهم: ١/ رمضان وصلاة التراويح مش بتتراح بعباية كمها مبين نص ايدك. ٢/ ولا بطرحة نص شعرك باين منها. ٣/ مش لازم تعرفينا إنك اشتريتي بدي اسبلاش جديد وتخرجي متعطرة (كبيرة هاا). ٤/ بنروح علشان نصلي مش علشان أشوف صحابي، وقصدي هنا الصحبة السوء اللي طول ما أنتوا قاعدين دي فلانة عملت وفلانة خلت ودي اتجوزت ودي اطلقت. ٥/ تذكري إن صلاة المرأة في بيتها أفضل يعني لو تعرفي تصلي في بيتك يكون أفضل. ٦/ المسجد ليه حرمته يعني ماينفعش أروح أهزر وأضحك بصوت عالي وفي خطبة شغالة. ٧/ ياريت كل واحدة تعلم أولادها إن ده مسجد مينفعش اللي بيحصل في المساجد من الأطفال ده الله يرضى عنكم. ٨/ مش بروح المسجد وأنا حاطه تنت خفيف أصل شكلي مرهق من الصيام مع احترام لكل الناس اللي ممكن تكون بتتعب من الصيام فعلاً وبيكون باين عليها بس دي مش حجة وحرام. ٩/ صلاة التراويح من أكثر الحاجات اللي رمضان معروف بيها استثمري ده وإن كل الناس ما شاء الله بتصلي وحاولي تخشعي في الصلاة وتعزمي على عدم العودة لترك الصلاة. ١٠/ وأخيراً ادعوا لكل المسلمين المستضعفين في الأرض ولا تنسوا أهلكم من دعائكم ولا تنسوني فضلاً.