بمناسبة اقتراب شهر رمضان حابب استغل وجود عدد متابعين كبير و انصحهم بقطع عادة مشاهدة المسلسلات في رمضان كل سنة. أنت أذكى من كدا ، هيضيعوا وقتك تحت مسمى الدراما. مش هيقدموا حاجه جديده إلا كل رذيلة، نساء متبرجات وعري ورقص وقصص خيانة زوجية وعدم أمانة وشرب مخدرات وكل ده تحت مسمى الدراما. و تقعد تستنى اعلانات بالنص ساعه كان ممكن تقرا فيهم وردك و تصلي صلاة تشفعلك يوم القيامه .. أنت في شهر فضيل، وربنا أنعم عليك بإنك لا زلت حي ترزق فتؤدي فيه من الأعمال الصالحة ما يرضي وينفعك، وتستدرك فيه ما فاتك. ركز كويس وشوف مصلحتك كمؤمن مقيم إقامة مؤقتة في الدنيا وماشي. أنت لا محالة ميت. انوي حالا انك هتقاطع المسلسلات عشان لو مت تؤجر عليها بإذن الله..