Habal day🤭 عيد الحب "هابي هبل داي" عيد الحب هو حاجة مش موجودة أصلا، حاجة اخترعها بشر وكمان غير مسلمين، نيجي احنا يا مسلمين ونحتفل معاهم طب والله عيب، طب هو دلوقتي عملوا عيد للحب ف أنا ايه مش هحبك دلوقتي وهستني عيد الحب واجيبلك في هدايا ودباديب حمراء بعد لما العيد يخلص بقي مش هحبك هو انتو ماشيين ازاي بجد ايه علاقة الدب في عيد الحب 😂 "د/هالة سمير". ايه التفاهة دي يعني أنا لو هحب حد ومش بقتصر هنا إنه يكون ولد انا بتكلم علي اي حد هستني يوم معين عشان أقوله بحبك. حبك لأي شخص دايما بيبان في المواقف والأفعال بيبان في صلاحك تجاه الشخص بمعني.... إنك تحسني لمامتك وباباكي، تكوني صحبة صالحة لأصحابك، وأعلي حاجة بقي إنك تحبي ربنا وفي أعلي من أنك تحبي ربنا هو إن ربنا يحبك ويرضي عنك ولا انتي هتيجي يوم ١٤ وتجيبي هدية لربنا استغفر الله يعني، وبعدين طبعا إننا عارفين إن الارتباط حرام بتعملي حرامين في نفس الوقت، إنتي شايفة كمية الذنوب في الموضوع انتي ليه مش معززه نفسك والشخص اللي بتكلميه في السر من ورا أهلك عشان خايفة منهم ومش خايفة من ربنا هو أصلا مش بيحبك هتقوليلي اسكتي اسكتي ده بيقولي يا كبدي وكليتي والهبل ده😂، حبيبتي هو لو بيحبك بجد مش هيكلمك إنتي هيخش يكلم أهلك يخش من الباب مش ينط من الشباك زي الحرامي، خلوا بالكوا اللي عاملين عيد الحب ده نشروه كدة قصدهم يوقعونا اه والله اسمعوا كدة قول الله تعالي" ولن ترضي عنك اليهود والنصاري حتي تتبع ملتهم" يعني هما هيفضلوا كدة ورانا لحد م نبقي زيهم ونتبعهم م الاخر عايزين يكرهونا في الدين بتاعنا بخرافتهم اللي بيعملوها واحنا معلش يعني زي الهبل بنمشي وخلاص إلا من رحم ربي، إحنا عندنا عيدين هما عيد الفطر وعيد الأضحى ولو هيبقي في عيد ثالث ف هيبقي يوم الجمعة بس. وحضرتك يعني جوزك مستني اليوم ده عشان يجيبلك هدية وتعرفي إنه بيحبك ولا إنتي بردو مستنية اليوم ده، هو انتو كدة بقي بتكرهوا بعض طول السنة؟! فوقوا يا جماعة إحنا بناخد ذنوب علي شوية حاجات تافهه ملهاش اي تلاتين لازمة والله في غني عنها اووي لو زوجك لو صحبتك دخلوا عليكي بيقولولك happy Valentine's day قوليلهم معلش حرام وقولي لزوجك متجبليش حاجة في اليوم ده واقولك ولا في الشهر ده حتي، اصلا الدنيا غليت اتقي الله...... لا يوجد شيء يسمي عيد الحب ف نحن مسلمون، وتذكروا فلسطين هتحتفلوا ازاي اصلا وهما بيموتوا كده ده لو في عيد اصلا 🇵🇸