*පලා බබා ඕනේ: පළාත් සභා ක්‍රමය කඩිනමින් ප්‍රතිසංස්කරණය කරන ලෙස පුරවැසි ව්‍යවස්ථා සභාව ජනපතිගෙන් ඉල්ලයි‼️* පුරවැසි ව්‍යවස්ථා සභාව විසින් අවධාරණය කර ඇත්තේ පළාත් සභා ක්‍රමය ප්‍රතිසංස්කරණය කිරීම සඳහා රජය වහාම පියවර ගත යුතු බවයි. මේ සම්බන්ධයෙන් ජනාධිපතිවරයාගේ කඩිනම් අවධානය අත්‍යවශ්‍ය බව ඔවුන්ගේ අදහසයි. පුරවැසි ව්‍යවස්ථා සභාවේ සම කැඳවුම්කරු රාජිත අබේගුණසේකර මහතා ප්‍රකාශ කළේ වසර 38ක් පැරණි ශ්‍රී ලංකාවේ පළාත් සභා ක්‍රමය තවදුරටත් නොසලකා හැරිය යුතු කාරණයක් නොවන බවයි. "සුදු අලියා සුද්ද කරමු" යන තේමාව යටතේ පුරවැසි ව්‍යවස්ථා සභාව විසින් පසුගියදා (10 වැනිදා) කොළඹ මහජන පුස්තකාල ශ්‍රවණාගාරයේ පැවති මාධ්‍ය හමුවකදී අබේගුණසේකර මහතා මේ බව පැවසීය. "පළාත් සභා පද්ධතියේ ව්‍යවස්ථාමය සංශෝධන අවශ්‍යයි. නිසි පළාත් පාලනයක් සඳහා නව නීති සම්පාදනය කිරීමෙන් ශ්‍රී ලාංකික ජනතාවට සැලකිය යුතු ප්‍රතිලාභ ලබා ගත හැකිය." පාර්ලිමේන්තු මන්ත්‍රී නීතිඥ දයාසිරි ජයසේකර මහතා විසින් පාර්ලිමේන්තුවේ මහලේකම්වරිය වෙත ඉදිරිපත් කර ඇති පෞද්ගලික මන්ත්‍රී පනත් කෙටුම්පත් තුනක් කෙරෙහි අවධානය යොමු කරන ලෙස අබේගුණසේකර මහතා ඉල්ලා සිටියේය. "මෙම පනත් කෙටුම්පත් තුනේ ප්‍රධාන අරමුණ වන්නේ පළාත් සභා පද්ධතිය වඩාත් කාර්යක්ෂම සහ ප්‍රජාතන්ත්‍රවාදී ක්‍රමයක් බවට පත් කර ජනතාවට ප්‍රයෝජනවත් සේවාවක් ලබා දීමයි. අපගේ සංවිධානය ද මෙම පියවර අනුමත කරයි." "මෙම පනත් සම්මත කරන ලෙස අපි රජයෙන් ඉල්ලා සිටිමු. වසර 38ක් තිස්සේ පළාත් සභා ක්‍රමය ක්‍රියාත්මක වන නමුත් එය අකාර්යක්ෂමයි. එබැවින් මෙම පනත් කෙටුම්පත් මගින් යෝජිත ප්‍රතිසංස්කරණ ක්‍රියාත්මක කරන ලෙස අපි රජයෙන් ඉල්ලා සිටිමු. පළාත් සභා ක්‍රමය ජනතාවට අත්‍යවශ්‍යයි." පුවත් දැන ගන්න එකතු වෙන්න >>>> WhatsApp: https://bit.ly/4cJ0Ivk #lka #news #srilanka #infosrilankanews #infosrilankalk