*OFFICE OF THE KUKI INPI DELHI & NCR* Nisim: 25.02.2025 *T H U S O* Delhi leh akimvel a khosa Kuki chate jouse ho koma hetsah leh temna nom chu ahileh, ichennau Manipur gamsung boina jeh in achsa Kum 2023 a kipat in Delhi khopia natong, simlai, akhosa nisim in ikibe cheh cheh tauvin ahi. Gampam a khosa ihijeh uvin, society kivaipohna noiya kituptah a umhi thilpha ahi. Adeh a, tuchung nampi boina itojeh uva hi, gampam a um Kuki chate kiseingai leh lungkhat thakhat a pankhom, lamjot khom hi angai dehset in ahi. Sopi ule nau tamtah in kiloikhomna (society leh houbung) ikhohsah uvin, pan jong ilauvin, kipa aumin ahi. Hinlah, KID in avel vel a thuso kibol vanga nahsah louva tunichan geiya KID a membership lalou, enrolled kibollou tamtah ium nalaiyuvin, phamo akisalheh in ahi. Kuki chate Delhi leh akimvel (NCR) tolpi a khosa alhompen mihem 5000 val ki umding ahin, hinlah datmo umtah chu, kiloikhomna nasah louva tunichan geiya KID membership lahohi mihem akeh khat bep ihi nalaiyuvin ahi. 2. Chuleh, igamsung ichennau hibang a boita a, sopi ulenau genthei hahsa toh ho leh asun ajan a gam leh nam huhbit/venbit nadinga hinkho phal a khongah/gamngah aum laiya, Delhi khopi a khamna thei bol a kingolsah leh nopsahna a hinkho mang tamtah ium nalaiyuvin, aphamo lheh in ahi. 3. Hijech chun, gam leh boina inei laiyu ahitoh kilhonin, kivaipohna kitupna ding KID in anoiya kipe thupeh/thumop leh hetsahna ahung kineiyin ahi: i.) Delhi leh akimvel a khosa Kuki chate jousen KID membership ikilah cheh diuvin ikitem uve. Koi tobang, hiche membership drive hi nasah louva boina/hahsatna toh aum leh KID/KWD/KSOD in kiboipi louding ahi. ii.) Nampi boina toh kisaiya don leh kai hihen, mipi kiphinna (peaceful mass rally) etc. ahung kigon teng leh mijouse tomngaitah a ipan cheh diu ahi. iii.) Koimachan khamnathei lou leh aiya kingolsah leh kivei/ajoh a nam min suminse ium theilou diu ahi. KID/KWD/KSOD in hicheho chu akimatdoh leh khoutah a achunguva action kila ding, police khut a kipedoh diu ahi. iv.) Govt. dan toh kitohlopuva natong, adeh a Scam Call Centre a natong leh jou leh naal a milhem chavei (fraudsters), nam min suminse iumthei lou diu, akihetdoh leh Police toh kithoa achung uva action khoutah kilading ahi. v.) Jaan khang jaan vaiya kholai leng, vah chavei chuleh public park dunga ahon a kitit, golnop bol etc. iumthei tah lou ding, hitobang bol a akimatdoh leh KID/KWD/KSOD in achung uva action khoutah kilading ahi. vi.) Amichang a sum bat leh tham thuhoa KID/KWD/KSOD kikikum louding ahi, hijeh chun sum bat a hom/peho nakichih thei diuvin ikihetsah uve. 4.Achung a thupeh/thumop ho hi ikivaipohnau kitupna ding leh nam min suh minset louna dinga mijousen ijuicheh uva ikiseinagi diuvin hetsah leh temna ahung kineiye. Amavang, anahsah lou ium uleh KID/KWD/KSOD in achung uva action khoutah kilading ahi. Sd/- *Lhangsam (KID)*