*SAIKUL LAMPI KISEM VIRAL THUA MIPI HETSAH NA:* _Contractor hi Pu Paojalet Touthang Aigejang Haosapu Ex. BJP MLA Candidate pa ahi._ Lampi hi Saikul Bazar a kipat Keithelman, National Highway kom chan hung kisem ding ahi. Hiche lampi hi akisem pan ahi nalaiyin, akipatni uva hi Head Mistry pa jong aumpon, hijeh achu jannia chu ahoilou phabep ana um dan ahin, tunia kipat in vang akisem dan ahoisel tan ahi. Akipat til a aphalou aselai iki mu doh uhi lampi semho dia jong kihilna ahi. Hiche lampi hi Kuki Inpi Saikul Gamkai lamkai hon akisem dan quality hoile hoilou ahin vetchil jing diu ahi jeh in Kah lah a khat le ni sei set ding hol tapou hite. Ajeh chu eiho tehi aphalai hol a mi seiphat sang a aselai lai hol te ihi uvin, engset na a dim te ihi uve. Tu hibang Gal le tol laitah a life Line a ineiyu KMC le Saikul kijotmatna Kangpokpi District HQ ijot nau lampi Black topping hung kibol hi ikipa diu joh ahi. Contractor pan jong Sum aneija abol ahipon, bat le Tham ma Sum ahol la apha chom them khat akimu thei a igamsung lampi kisemphat na jong hihen tia mi natoh mo sa ahin boipi ahi jeh in tukal aselai ihol2 sang un, kipahcha tou hite. I-dam uva lampi semchai ahung hi Lang leh Kuki Inpi Saikul holeh Contractor pa hung kihou mat un tin, Thangkanphai to Bazar sung chuleh Shongthu Avenue kikah gei extra a eisem peh kit theiju ahiye. *Kisei set, kidemto sang a kipachat kitosot tohi hatna leh machalna ahi.*