صدق أو لا تصدق .. اعتبره زي ما تعتبره .. كلام تحفيز .. كلام مبالغ فيه .. كلام غير واقعي .. و لكن .. هي الحقيقة الوحيدة فيما يتعلق بالتعامل مع معطيات الحياة .. كل شيء في الحياة .. mindset .. برمجة عقلية و طريقة تفكير معينة و رؤية أنت بتحط أبعادها لنفسك .. كل شيء له وجهين حتى في أصعب الحالات .. و طريقة تعاملك و رؤيتك للشيء هي اللي بتحدد اختيارك للسعادة أو التعاسة .. حتى الأيام اللي بتكون فيها حزين و مطفي (مش مكتئب لأن الاكتئاب مرض لازمله علاج) .. حتى اللحظات و الساعات دي بتكون ليها قيمة لما تتعامل معاها برفق و حنية و أنت فاهم أنه "عادي" أنه أبقى حزين لفترة ما .. عادي .. أنا إنسان .. لازم أحزن .. ده جزء من تكويني النفسي .. عادي لو تخنت شوية .. أنا جسمي بشري ..مش بلاستيك عادي لو اترفضت .. احنا مختلفين .. أنا مش مناسب للحاجة دي .. و عادي أنك تضايق شوية أنك اترفضت .. كان نفسي في الحاجة دي و محصلتش .. عادي لو عاشرت ناس و طلعوا مش كويسين ف النهاية .. احنا على الأرض مش الجنة .. و غيره و غيره .. و العادي هنا مش في دايرة "البرود و اللامبالاة " .. و لو إن هيكون فيه مواقف لازم يكون فيها لامبالاة .. لكن العادي هنا في دايرة ال "متاح" .. ده ممكن يحصل .. مش مصيبة .. مش كارثة .. مش نهاية العالم .. العادي اللي يخليك ثابت معظم الوقت من غير ما تفقد شتات عقلك .. العادي اللي يخليك متتخلاش عن نفسك و تهون عليك روحك .. العادي اللي يخليك "إنسان" متقبل فكرة محدودية قدراته في أنه يغير نواميس الكون و يستمتع بفكرة الفرص الجديدة اللي بتيجي بالتوازي مع كل شيء محصلش .. و ممكن يحصل بطريقة تانية بشكل تاني في مكان تاني مع ناس تانية في وقت تاني .. العادي اللي يخليك طول ما أنت عايش تبدأ من تاني .. عادي ❤️ #الكلمه_بتفرق #رسايل_من_حياتنا #البدايه_عندك_انتى