*❗️❗️Do not miss! Read till the end* Holy Quran: *Jo cheez aasmano'n mein hai aur jo cheez zameen mein hai (sab) Khuda ki Tasbeeh karti hain…* (Surah Jumu'a, Ayat 1) *❗️HAR MAKHLUQ KI TASBEEH* *DARAKHT KI TASBEEH* Imam Baqir (as) *se sawaal huwa ke kya sukhe darakht bhi Tasbeeh karte hain? Aap (as) ne farmaya, "Zaroor karte hain. Kya tumne ghar ki khidkiyo'n ko cheekhte huwe (khidkiyo'n ka kikiyana) nahi suna? (have you not heard the house windows making squeaking sound?) Bus yehi unki Tasbeeh hai".* (Irshadaat e Masumeen (as), p92) *PAHAADD KI TASBEEH* Rasule Khuda (saww): *Jo poore yaqeen ke saath Bismillahir Rahmanir Rahim padhta hai to pahaadd bhi uske saath saath Khuda ki Tasbeeh padhta hai, magar wo usko sunn nahi paata.* (Meezan ul Hikmah (Intekhaab o Takhlees), v3, p87) *PARINDO’N KI TASBEEH* Riwayat: *Abu Hamza kehte hain ke main Imam Baqir (as) ki khidmat mein haazir tha aur kuchh chidiya'n (sparrows) chehek rahi thi to Imam (as) ne farmaya, "Abu Hamza! Tum samajhte ho ke ye chiddiya kya keh rahi hain?" Maine arz kiya, "Maula main nahi jaanta". Imam (as) ne farmaya ke, "Ye Khuda ki Tasbeeh bajaa laa rahi hain aur apni aaj ki Rozi ka sawal kar rahi hain".* (Bihaar ul Anwaar, v4, p49; Bihaar ul Anwaar, v6, p32) Imam Sadiq (as): *Koi parinda (bird) nahi pakda jaata siwaaye ke wo Khuda ki Tasbeeh ko bhool gaya ho.* (Mafaatih al Hayaat, p683) *JAANWARO’N KI TASBEEH* Imam Ali (as): *Jaanwar ke chehre par chaabuk na maaro kyun ki ye apne mu'nh se Allah ki Tasbeeh karte hain.* (Hadiyat ush Shia, p600; Mafaatih al Hayaat, p663) Rasule Khuda (saww): *Kisi jaan-daar ke mu'nh par koi cheez na maaro ke wo apne Khuda ki Taarif o Tasbeeh karta hai aur har shai ki ek hurmat hoti hai aur haiwanaat (jaanwar) ki hurmat ye hai ke unke mu'nh par kuchh na maaro.* (Tehzeeb ul Islam, p378) *KAPDO’N KI TASBEEH* Rasule Khuda (saww): *Aye Ayesha! Dono kapdo'n ko dho daalo. Kya tumhe maalum nahi hai ke kapda bhi Tasbeeh e Khuda karta hai, magar jab wo kapda ganda ho jaata hai to uski Tasbeeh ka silsila khatm ho jaata hai.* (Adaab e Islami, v2, p163) Imam Ali (as): *Jab insaan Namaz ki haalat mein hota hai to uska Jism aur Libaas aur aas paas ki har cheez Parwardigaar ki Tasbeeh karti hai.* (Sharh Dua e Kumail) *MAREEZ KI TASBEEH* Rasule Khuda (saww): *Kisi Momin mareez ka karahna (groaning) Tasbeeh hai, uska cheekhna Tehleel (Allahu Akbar kehna) hai, uska bistar par sona Ibadat aur uska pehlu badalna Allah ki raah mein Jihad hai. Agar sehat-yaab (recover) hoga to logo'n ke paas is tarah jayega ke uske zimme koi gunah nahi hoga.* (Ahadees e Rasul (saww), p147) *’AZAA (BODY PARTS) KI TASBEEH* Rasule Khuda (saww): *Jo shakhs kisi aisi qaum ke darmiyaan Roza rakkhe jo khaati-peeti ho to oos (Rozedaar) ke aaza (body parts) uske liye Tasbeeh karte hain aur Farishte uske liye Rehmat talab karte hain aur uski maghferat hoti hai.* (Amaali - Shaikh Sadooq, p548; Sawaabul Aamaal, p115) *FARISHTO’N KI TASBEEH* Imam Sadiq (as) *se sawaal huwa ke kya Farishto'n ki tadaad zyada hai ya Bani Adam ki? Aap ne farmaya, "…Aasmaan mein rehne waale Farishto'n ki tadaad rooy e zameen ke zarraat (sand particles) se bhi zyada hai. Aasmaan ke har goshe mein koi na koi Farishta maujood hai jo Khuda ki tasbeeh o taqdees kar raha hai. Zameen ke har darakht par koi na koi Farishta hai…Jitne bhi Farishte hain wo sab ke sab Ahle Bait (as) ki Wilayat ke zariye se Allah ki nazdeeki haasil karte hain aur hamare mohibbo'n ke liye maghferat talab karte hain aur hamare dushmano'n par la'nat karte hain aur Khuda se darkhwaast karte hain ke Aal e Muhammad (as) ke dushmano'n par azaab naazil kare."* (Tafseer Noor us Saqlain, v7, p394) *KAM-SIN BACHCHO’N KI IBADAT* Rasule Khuda (saww): *Jab tumhare bachche roye to unko mat maro, kyun ki pehle 4 mahine jab wo rote hain to Allah ki Tauheed ki gawaahi dete hain, baad ke 4 mahine wo Muhammad (saww) aur Aal e Muhammad (as) pe Salwaat bhejte hain aur baad ke 4 mahine wo apne Waaledain ke liye Dua karte hain.* (Virtues of Salwaat) *رَبَّنَا تَقَبَّلْ مِنَّا إِنَّكَ أَنتَ السَّمِيعُ الْعَلِيمُ* *اَللَّهُمَّ صَلِّ عَلى مُحَمَّدٍ وَّآلِ مُحَمَّدٍ وَّعَجِّلْ فَرَجَهُمْ* *وَالْعَنْ أَعْدَائَهُمْ اَجْمَعِيْن* #rahenajat_network 🪀 *Follow our official WhatsApp channel* https://whatsapp.com/channel/0029VaftrgG8F2pNCCDXwT1N 📲 +91-8097362110