عید آئی ہے تو پھر عید منائی جائے رسمِ اُلفت یہ سلیقے سے نبھائی جائے موسمِ غم ہی سہی، شامِ مصیبت ہی سہی بَہَرِ تسکین کوئی بزم سجائی جائے ہاتھ ملنے میں اگر عذر ہے ایسا کوئی اک تبسم سے خوشی کیوں نہ لُٹائی جائے عیدِ قرباں ہے تو قربانی کا جذبہ آئے اپنے جذبات کی قربانی دکھائی جائے جانِ اولاد سے بڑھ کر ہے خدا کی مرضی وہ ابراہیمؑ کی رُوداد سنائی جائے خوں نہیں، گَشت نہیں، رب کی مشیت یہ ہے شمعِ تقوی ہر اِک دل میں جلائی جائے یہ پرستارِ خرد کہتے ہیں: کیا چھوڑو اسے! سنتِ آقا ﷺ ہے، یہ بات بتائی جائے خوں بہانا بھی عبادت ہے، سو اے رضواں! صدق و اخلاص سے مقبول بنائی جائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔