UPA TINKHOLAM VAIPHEI OF BISANMUAL President VPC Lingsiphai Block apat demna leh thuhilna Dated 21/05/2025 zingkal lam dak 3:00 AM tuam a khawlai ah ka chenna In ahung hawlnau tawh kisai ah, ka hung gen nawp ahi leh Kei kua ka hem ei he chian nailo le um ding in ka gincha, ka pian na pa ahileh (L) Pu Soizahen Chief/Chairman of Bisanmual ahi. Kei uh hi kapu kapa khang ua Kochuam vai hileh Nampi vai hileh thupeng pel lo ah, pawlpi vaihawm na nialkal ngailo te insung ka hiu.Kei le kum 65 val ka hi ta thiamna lam ale kuama phalo maleng le hun chiasa ah VPC Block a ding ah hun ala mang ta ka hi. Dated 15/04/2025 Lingsiphai Block by-election ah Unit tin te dawisakna zal ah tel kai ah um ka hi. Ka hun gennawp ahi leh kei ut ziak le hilo ah Nule Pate’n tawmngai hun suan ei tina ziak ua zia mawpuakna hi kalak ahi. Tuma sang in Inthang ah meithal long 5 (bullet) ei hung kap khum ua, tuzingkal dak thum tuam in Block President pa In khawitak ahem tin ahung dawng uh ahi. Ka In he ngal ah helo lahiu leh ka mobile No. KB kiang ah la unla ei hung call le chun uh ken hung hil mai ding ka hi. Block President ka hina ah kua nek ding lai ka nek ah um a bang ka bawl khial aum ah ahem? Hethiamlo ah bawl khial aum tak in le, khawvak ah hawitak ah genkhawm ka ut hi. Achu tilo leh ki naupang dai dai puai tiu, Nampi vai ah I bawl khial khak ding uh lau aum hi, ziak achun ka chung ah thiltung te hi demna leh maban ah chingthei ta ding ah thuhilna ka hung bawl hi. Uicha le idai dai leh ei pet ziang sek ahi. Maban ah lachit theilo ua la chung ua thilsia atun leh nangmau in amaw la kipuak ding uh ahi. Zia ka thil hunsua hi keima mimal ngaidan bep hilo ah khawsung VWA leh YVA hetpina ka hunsua ahi. Genkhial aum leh ngaidam, I Nam damna ding leh la hetthiam thei na ding un ka hun pauchap piak zing hi.