*VAIPHEI MIPI TE KIANGA HIATSAKNA* A chiasa date 22nd May 2025, ni ah TGO MEDIA kiti channel group khat a kipat Open Letter to Pu Letsei Vaiphei, Chief of Tuinuphai, Singngat Sub-Division, Churachandpur, ti ah a chung ah diklo tak ah ngawna ahun bawlna chung un TGO MEDIA kiti channel group te thusua hi thu bal leh bâl umlo zuau bulawm ahi dan Vaiphei mipite hiatding ah hilchianna ka hun bawl ahi. A chiasa 17th October 2024, S. Kawtlian mun ah Special Assembly kimat ni Pu Letsei Vaiphei, Chief of Tuinuphai in stage chung ah kampau hawilo chi leh nam kikâl ah kituaklo thei na thumal a sek dawk lam a ki hepuai. Kum 30 val Organisation chuam chuam a kipat i Nam a ding ah ginum tak leh hangsan tak ah pan hung la zing tu Pu Letsei Vaiphei, ni 15 ultimatun kipiak sung ah Pu Jamthang Vaiphei, Moreh leh Pu Thanglianmang Suantak, Torbung te ni chung chang thu ah Justice pia ding ah thupiak kinei hi ngawl huai tak leh nuizat um tak ahi. Zia thu ahin ama tawh kisam kai na bangma a nei puai. I pu i pa thupil in "Ui ngawl in mi a pe leh a pu a ki hawl hi" a kiti gual in i Nam kipumkhat na suksiat nawp ziak ah Ui ngawl gual ah tai vel vel te leh a tîl tu te'n tuni kipat la nunchan uh ala haisan ta ding in thupiak lahiu. Vaiphei Nam kipumkhat na do dâl tu te chung ah Nampi'n action ahung kilak ni tak leh la chung ua thil dawi umlo ahung tun khak leh kuama chung in thasia thei puan la ti un, kuama'n Be leh Phung in la thei puan ah. *SIZO-PAWK KHANGLAI*