*A buai lo lai subuai tu Vaiphei hingal a ki Zomi sak te* Hun chiasa te i nung thîl kit chun Vaiphei nam sung ah kuama buaina siam um lo in, Zomi pawm lo te'n le buaina a siam pua'u ah, Zomi ka pawm pawm puau ti'n le WhatsApp leh social media chuam chuam in VPC GHQ President demna bangma a gen kha puau. Hotu/puitu a zâ dan teu i ngaitua chun a ettawn tak mama ui. A hinla, VPC GHQ Zomi apat a pawt ni apat in pawt ding utlo ah Vaiphei chu kuama thunei na nuai a um talo ah kivaihawm di dawilo te'n VPC President nicheng in a dem zing ui! VPC President dem na WhatsApp channel ah a post lo ua leh sum leh pai, nek leh chak mulo ding hileu kilawm khawp in a dak kal phial in Nampi President demna thu a kimu mai hi chu khangto malak in khangsuk lam hi Vaiphei ten i manaw deu deu ui ti a hiat thei hi. VPC Zomi nuai ah a umlai ah Zomi utlo te'n le puitu zâ dan thiam tak in a hel puau, buaina le a siam kha puau, VPC President te le a su minsia kha puau. Tu hun gual ah Vaiphei Nampi kikhaikhawmna President musit tak a dem a um lam het ahi puai. Bang ati leh mani dawi dan ah thil a chialo ziak mai ah nam dang zosia mu ding ah i nam puitu te hi la hiti suk minsiat ziang uh ahem? Puitu pha i dawn sek ua, zuitu pha i hi masak lo leh puitu pha bang ti nei di ahem? Zia gual a VPC president dem zing thei te hi *nam ngaina* la hi puau ah Nampi musit la hiu. Nam damna ding a chun Puitu te gensiat ding ahi pua, suk minsiat ding ahi pua, a thu'u zawp ah ei pui dan dan ua um zawk di ahi.