عمرك فكرتي إن الحل لأكتر مشاكل بتعاني منها في البرطمان اللي جوه التلاجة!👀 وصلنا لنهاية رحلتنا وللكنز الخامس والأخير من كنوز الطبيعة، وهو خل التفاح الطبيعي🍎 واللي مش بس مكون موجود بالمطبخ، ولكنه إكسير جمال مخفي، ورا ريحته القوية سر بيحب بشرتك وشعرك وتأثيره عليهم زي السحر✨ للبشرة: ينظم معدل الـpH للبشرة وبيقلل اللمعان الدهني الزايد. ✓يقلل الحبوب والبقع. ✓يشد المسام وينظّفها. 💡طريقة الاستخدام (اخلطي معلقة خل تفاح طبيعي مع ٣ معالق مية، وامسحي بيه بشرتك بقطنه نظيفة مرة لمرتين بالأسبوع، أو معلقة صغيرة يتعجن بيها مع ماسك الطمي المغربي مرة أسبوعيًا هتفرق كتير جدًا في شكل ونضارة بشرتك) للشعر: ✓بينظف فروة الرأس بعمق من التراكمات والزيوت. ✓بيحافظ على نعومة الشعر وبيقلل الهيشان. ✓بيساعد في تنظيم الزيوت لفروة الرأس الدهنية. 💡طريقة الاستخدام: بعد الشامبو، اغسلي شعرك بمحلول خل التفاح مخفف (ملعقة في كوبين مية) واستمتعي بالفرق لشعر لامع وخالي من القشرة. خل التفاح الطبيعي كنز بسيط ولكن تأثيره كبير، بس أهم حاجة يكون طبيعي أو عضوي ومن مصدر موثوق، ودايمًا تخففيه بالمياه قبل الاستخدام، وتجربيه الأول على جزء صغير من الجلد💧 وفي نهاية رحلتنا مع كنوز الطبيعة..اتأكدنا مع كل كنز إن الجمال مش دايمًا في العبوات الغالية، ولا الروتينات المعقدة.. أحيانًا بيكون في حاجات بسيطة حوالينا، بس محتاجة بس نرجع للطبيعة ونشوفها بعين مختلفة🩷 قولي لنا، إيه أكتر كنز في الرحلة دي حسيتي إنه مفاجأة ليكي؟ ولو لسه في مكون نفسك نكتشفه سوا، اكتبيه في الكومنتات حالًا!🌸 #ارجعي_للطبيعة #ارجعي_للأصل