*"في وقت معين من حياتك، هتقف وتقول: "أنا عملت اللي عليا، بس مش فاهم ليه الأمور مش ماشية زي ما توقعت…"* *وساعتها، ربك بيطبطب على قلبك بالآية دي:* *﴿ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ﴾* *مش كل تأخير ضدك، ومش كل ضيق بيكسر… أحيانًا ربنا بيبعدك علشان يحميك، أو بيأخر رزق علشان يختبر صبرك، أو بيأجلك لحاجة أعظم.* *طول ما قلبك متعلق بالله، فأنت في أمان.* *الدنيا هتتغير، والناس هتتبدل، والمواقف هتعدي…* *بس ربك، هو الثابت، هو السند، هو اللي مش بيخذلك أبدًا.* *اعمل اللي تقدر عليه، وسيب الباقي على كريم ما بينساش حد. متخليش التعب يسرق منك رضاك، ولا تخلي الظروف تغيّر قلبك… وخلي يقينك دايمًا: "لو الخير في اللي راح… مكانش راح، ولو الشر في اللي جاي… ربك مش هيجيبه."* *صلي، وادعي، واشتكي للي بيده الأمر كله، وصدقني… الجبر جاي، والفرح قريب، والعوض فوق ما تتصور 💙* *❇️((قناه لنشر الخير على الواتساب))❇️* https://whatsapp.com/channel/0029VadpRcbD38CS2Vm5Aq23 *❇️قروب لنشر الخير على تيليجرام❇️* https://t.me/Islamic2030group *الجمعة 1446/11/25هـ الموافق 2025/05/23م*