مسلخ المجتهد اليوم صباحاً بعد حادث سير تعرض له اخي و جدتي تم نقلها بشكل مباشر إلى مشفى المجتهد تم استقبالهم في قسم الإسعاف وما ادراك ما قسم الإسعاف صراحة مابعرف عن شو احكي بالضبط على النظافة ام المعاملة ضمن القسم ( يعني بدك تروح تبوس ايد الممرض ليجي لعندك يشوف شو صاير معك ) - معقول ممرض دارس و متعلم مابيعرف قديش كمية الدم يلي بدو يسحبها من المريض مشان يعمل التحليل ( تم سحب الدم من المريض و بعد كم دقيقة قال مابيعرف الكمية المناسبة غلطان بدو يرجع يسحب دم مرة ثانية و ننتظر ليخلص يلي بايدو وهو قاعد ) - قلنالهم للجماعة في صور الأشعة بدنا ياهن نعرضهن على دكتور خاص قال ( ممنوع من قبل الادارة ) فيني اعرف الادارة شو بتستفاد إذا حجزت الصور عندها بعد كل هل قصص قررنا ننقلهم لمشفى خاص مشان نتعامل متل البشر بقولو مافي سيارة إسعاف بالمشفى جيب سيارة على حسابك او اتصل بال 113 مشان ينقلوها المهم دقينا للرقم قال انتظر دورك ايمت بيجي دوري ليموت المريض مثلا معقول مشفى متل هي مافيها إسعاف تنقل العالم يعني لو ما اتصلت باصدقائي بالدفاع المدني يمكن لهلق ما طلعنا من هنيك - هي الصورة ماكنت شوفها غير بالمشافي الميدانية وقت يكون في - ⁠ https://whatsapp.com/channel/0029VakyVwkFcowDbHgnNi1F