ازاي المدفوعة الالكترونية بتم لغاية لما توصل للبنك ؟ في البوست دة هشرحلك رحلة المدفوعه الالكترونية من الموقع اللي بتدفع عليه لغاية لما الفلوس بتتحصل من حسابك و تروح البنك ثم للتاجر اللي عنده موقع الالكتروني بتشتري منه منتج من خلال بطاقة الدفع الالكتروني . في البداية انت قررت تشتري اونلاين منتج زي وليكن Powerbank مثلا ودخلت علي اي موقع بيع الالكتروني و جيت تشتري وهتستخدم الكارت بتاعك الالكتروني زي Debit او Prepaid او Credit من اي بنك فبتدهل علي المنصة بيطلب منك الموقع البيانات التالية زي (رقم البطاقة PAN و تاريخ الانتهاء و رمز الامان CVV واحيانا الاسم و العنوان) بعد كدة الموقع بيبعت البيانات بتاعتك لبوابة الدفع وفية نوعين هنا اما بوابة دفع متعدده زي Paymob او Fawry او اني البنك بيقدم خدمات الدفع الالكترونية من خلال API مثلا زي العربي الافريقي و الاهلي و غيرهم واللي بيفرق النوعين عن بعض هو حجم التعاملات الالكترونية و كمان توفير وسائل دفع اكثر زي وسائل تقسيط و غيرها بعت بياناتك لبنك او بوابة الدفع ، اللي بيحصل بعد كدة اني البنك بياخد بياناتك دي يعملها حاجة اسمها Tokenization او انه بيولد رقم سري امن بدل بيانات الكارت بتاعك يعني خلينا نقول اني بوابة الدفع ما بتحتفظش برقم بطاقتك الحقيقي داخل سيرفراتها بشكل مباشر وهتلاقيهم بيستخدموا جهاز موجود في اغلب البنوك اسمه HSM او Hardware Security Module الجهاز بيولد Token فريد بيمثل رقم الكارت بتاعك و بيخزن الرقم الحقيقي مشفر داخل Tokenization Vault بعدين موقع التاجر بيبعت للوابة الدفع تحضر البيانات و تحولها لرساله بنكية بستخدام بروتوكول اسمه ISO 8583 وبعدين بتبعتها ل شبكات البطاقات اية بقا شبكات البطاقات دي ؟ دي شبكة مسئوله عشان تتكلم مع كل البنوك وتستعلم منها عن ( العميل معاه رصيد و الكارت سليم و هل فيه شبه احتيال او الراجل دة مطابق للشروط و هل في مشكلة مع iScore ) وبعد كدة لو ناجح بيبعت للموقع يقولوا العملية نجحت او اترفضت بـ ISO Code مثلا زي 51 اللي بيقول اني العميل معهوش رصيد مثلا شبكات البطاقات اللي في العالم زي VisaNet و MasterCard Network و Meeza Network و EBC دول مهمتهم تكلم البنوك وترد عليهم ببيانات البنوك و الاكثر استخدام في مصر هي EBC وهي اتحاد بنوك مصر و فية ميزا دي محلية في مصر بس و يونيون باي اللي بشتغل مع بنوك الصين و دول اسيا البنك اتاكد انك معاك فلوس ؟ والشبكة ردت اللي بيحصل اني بوابة الدفع بترجع للموقع تقولوا تم الدفع و ساعتها فعلا بيرجع بـ Callback يقولوا تمام المدفعه تمت هل بقا كدة الفلوس وصلت لمدير المتجر ؟ لا - البنك بيعمل Authorization Hold للمبلغ لفترة ممكن تبقا ساعه او اكثر وبعدين بيعملوا حاجة اسمها Settlement او التسوية المالية بعد ٢٤ ساعه مثلا ولغاية ٧٢ وساعتها التاجر بيطلب Capture للمعامله وبعدين البنك المصدر بيخصم المبلغ من العميل وبعدين البنك ياخد نسبته ويحولها للتاجر كل العمليات دي بتحصل في لحظات انت مش بتحس بيها بمجرد ما تدخل الكارت لغاية لما تدفع بيحصل كل دة في الخلفية ضيف علي كدة في حاجة البنوك بتستخدمها اسمها Three Domain Secure او 3D Secure ودي طريقة البنوك بتستخدمها عشان تحمي صاحب البطاقة لو اتسرقت من اي محاوله استخدام من شخص غير صاحبها زي انها بتبعتلك Notification او SMS تتاكد انك صاحب الكارت علي موبيلك و بيجيلك OTP عشان يتاكد فعلا ولما يتاكد فعلا يقبل المدفوعة بس كدة .. By Mohamed Fathy