💸 ليه في ناس أقل منك بكتير، بس بتكسب أكتر منك بكتير؟ ممكن تكون أشطر، أذكى، وأكتر التزامًا منهم لكن “سعرك في السوق” لسه صفر! أنا كنت في نفس مكانك… طالب في الجامعة، شايف ناس بتكسب آلاف، وأنا مش عارف أبدأ منين. لحد ما فهمت السر: الفلوس مش بتروح للي بيشتغل أكتر" ولا للي بيصحى بدري ولا حتى للي متفوق في دراسته! "الفلوس بتروح للي فاهمها الفلوس بتروح للي فاهم سيكولوجيتها وفاهم هي بتتحرك إزاي وليه؟ ببساطة الفلوس بتحب الـ attention يعني بتحب تروح للشخص اللي بيعرف يظهر للناس، اللي بيقدم قيمة، اللي عليه طلب 💡 الفلوس مش منطقية اطلاقاً … الفلوس عاطفية جدًا! واللي بيحرك الناس انها تدفع هي مشاعرهم مش عقلهم !! ومعظم اللعب بيكون على المشاعر يعني تفتكر لو أنت مصدع هتتناقش مع شخص عن سعر الباناودل؟🤔 ببساطة: لو الناس حسّت إنك الشخص الصح اللي هتعالج مشاكلهم أو هتحل نقطة ضعفهم، هيدفعوا من غير ما يفكروا كتير، حتى لو في غيرك أرخص أو أشطر منك!! شطارتك أنك تعرف تPOSITION نفسك أنك الحل لمشكلتهم اللي هما بيعانوا منها !! يعني لو أنت عندك مهارة الكتابه وتعرف تكتب !! فأنت ممكن تستخدم المهارة دي تكتب بيها أبحاث في الجامعه بس مهما كان المقال قوي أخرك هتاخد عليها “امتياز” وتقدير من الدكتور. بس محدش هيدفعلك عليها جنيه! لأن المكان اللي قدمت فيه المهارة دي بيقدر المهاراة اكاديمياً طيب لو استخدمت المهارة دي لأني أكتب اعلان للشركات تحفز الناس تشتري، والشركة تكسب! أكيد الشركه هتدفعلي فلوس على المهارة دي!! ✍️ نفس المهارة: “الكتابة” بس الأولى بتشتغل في نظام بيقيم المجهود والتانية بتشتغل في سوق بيقيّم النتيجة! المهارة لوحدها مش كفاية … لازم تكون عارف تستخدمها فين، وازاي تبيعها. 📉 وعشان كده في ناس بتشتغل شغل متعب بـ3000 جنيه وناس تانية بتتكلم من موبايلها وتكسب أضعاف أضعاف الرقم ده الفرق مش في الجهد … الفرق في “قيمة السوق” و”إدراك الناس ليك”