Rhapsody Xitsonga Mon Jun 09 2025 MATIMBA YA VUHLOHLOTERI Yena a rhanga a kuma Simoni makwavo, a ku eka yena: Hi kumile Mesiya (hileswaku Kriste Muhlawuriwa). Kutani a n’wi yisa eka Yesu (Yohane 1:41-42). Entirhweni wa ku yisa Mfumo wa Xikwembu emahlweni, ku dingeka vahlohloteri, naswona ha swi vona leswaku vanhu vo tano a va ri kona Ebibeleni, ngopfungopfu eka Evhangeli ya Yohane. Lava a va ngo va valandzeri va Yesu Kriste njhe, kambe a va ri vapfurheteri va Ntirho wa Yena lava tiyimiseleke. Swendlo swa vona swi kombisa muxaka wo hlawuleka wa ntirho lowu – vuhlohloteri lebya xiyimo xa le henhla. Xikombiso, eka Yohane 1:40-42, hi vona Andriya, wun’wana wa vadyondzisiwa va Yohane la nga tshika hinkwaswo ku va a landza Yesu. Andriya a nga titshamelangi na wona mahungu lawa ya ku va a kume nhlavutelo lowuntshwa. U hatlise a kuma buti wakwe, Simoni (Petro) ivi a n’wi byela a ku, “Hi kumile Mesiya!” Kutani a yisa Petro eka Yesu. Swendlo swa Andriya swi kombisa kahle mbilu ya muhlohloteri – munhu la rhangisaka ni ku hisekela ku fambisa ntirho wa Yesu hi ku rhamba van’wana leswaku va joyina ku va tirha swin’we ntirho lowu wa Hosi. Hi siku leri landzelaka, Yesu u vitane Filipi ku N’wi landzela. Filipi, ku fana na Andriya, a nga titshamelanga na Mahungu lawa Lamanene. U kume Nathaniyele kutani a ku, “Hi vonile loyi Muxe a tsaleke timhaka ta yena enawini, ni vaprofeta va ti tsarile; i Yesu wa Nazareta, n’wana Yosefa” (Yohane 1:45). Nathaniele a kanakana eku sunguleni, kutani a vutisa a ku.”Xana xilo lexinene xi nga huma eNazareta xana?” Nhlamulo ya Filipi yi ve yo olova kambe ya matimba swinene; U te eka Nataniele, “Tana u ta swi vona” Yohane 1:45-46). Lawa i matimba ya vuhlohloteri. Andriya na Filipi a va lo landzela Yesu ntsena, va tlhele va rhamba na van’wana leswaku va ta eka Yena. Va hlanganise Vayuda kuloni ni lava tinyiketeleke, lava a va pfumela ka Xikwembu ni ntirho wa Mesiya. Hi ndlela leyi fanaka, loko hi yisa emahlweni Mfumo wa Xikwembu namuntlha, hi dinga vuthu lerikulukumba ra vanhu va Xikwembu lava nga tiyimisela, va hisekaka naswona va nga tlhentlhiki eka ku tinyiketela ka vona eka Evhangeli. Hi hetisisa ku chumayila hinkwako hi lembe leri ra 2025. Vana muhlohloteri wa ntirho lowu hi nga rhumiwa wona! Rhamba, na ku hlohlotela van’wana leswaku va titsarisela eka ntirho lowu loko hi karhi hi hetisisa Ntirho Lowukulukumba lowu hi nga Rhumiwa wona. Swi na nkoka leswaku hi tekela enhlokweni leswaku loko hi lava ku tisa ku cinca emisaveni, hi dinga vuthu ra Vakriste leri nga na vun’we, wun’wana na wun’wana a ri karhi a endla ntirho wa yena eku yiseni Mfumo wa Xikwembu emahlweni, ngopfungopfu leswi se ku vuya ka Hosi ku nga ekusuhi. Prayer / Confession Tatana la rhandzekaka, ndzi khensa ku va u ndzi endle muhlohloteri eku yiseni emahlweni ka Mfumo wa Xikwembu. Ha mina lavotala va ta eka Mfumo wa Xikwembu naswona va titsarisela ku va eka vuthu ra wena lera matimba, va hetisisa makungu ya wena layo hlawuleka na ku cinca vutomi hinkwako. Ndzi famba evutlharini ni le matimbeni ya Moya, ndzi ri karhi ndzi hangalasa nkucetelo wa Mfumo wa Xikwembu, hi Vito ra Yesu. Amen. Further study Yohane 1:40-42; Yohane 4:28-30; 2 Timotiya 2:2 1-year bible reading plan Mintirho Ya Vaapostola 1:1-26 & 2 Tikronika 1-4 2-year bible reading plan Marka 16:1-11 & Dueteronoma 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F