Rhapsody Xhosa Mon Jun 09 2025 AMANDLA OKUBA NGUMDLALI OPHAMBILI Yena ufumana kuqala owakhe umzalwana uSimon, athi kuye, Simfumene uMesiya, oko kukuthi, ngentetho evakalayo, uKristu. Wamsa kuYesu (UYohane 1:41-42). Emsebenzini wokuqhubela phambili ubuKumkani bukaThixo, oongqaphambili bayafuneka, kwaye siyabona ukuba babekhona abantu abanjalo eBhayibhileni, ingakumbi kwiVangeli kaYohane. Aba yayingengobalandeli nje bakaYesu Kristu abangenzi nto kodwa yayingabakhuthazi abakhutheleyo bolungiselelo lwaKhe. Izenzo zabo zibonisa udidi lomsebenzi okhethekileyo—ukuba ngumdlali ophambili ngokugqibeleleyo. Umzekelo, kuYohane 1:40-42, sibona u- Andreya, omnye wabafundi bakaYohane umBhaptizi washiya yonke into khon’ukuze alandele uYesu. UAndreya akazange asigcine kuye esi sityhilelo sitsha wasifumanayo. Kwangoko wakhawuleza wafumana umntakwabo, uSimon (Petros), waza wathi kuye, “Simfumene uMesiya!” Wamsa uPetros kuYesu ke. Izenzo zikaAndreya zibonakalisa intliziyo yomdlali ophambili ngokwenene—ongahlehliyo kodwa uqhubela phambili kwaye ekhuthaza inkonzo yobulungiseleli kaYesu ngokubiza abanye ukuba bazibandakanye nenjongo yakhe uYesu kwaye babeyinxalenye yokwenza umsebenzi waKhe. Kusuku olulandelayo, UYesu wabiza uFilipu ukuze amlandele. UFilipu, njengo- Andreya, akazange azigcine kuye iiNdaba eziLungileyo. Wafumana u- Nataniyeli wathi, “Simbonile lowo uMosisi wabhala ngaye emthethweni ekwabhalwa ngaye nangabashumayeli, nguYesu, unyana kaJosefu waseNazarete” (UYohane 1:45). UNatanayeli, wabuza, “Kungakho nto ilungileyo inokuphuma eNazarete?” Impendulo kaFilipu yaba lula, kodwa yaba namandla; wathi kuNataniyeli, “Yizani nibone” (UYohane 1:45-46). La ngamandla obuntshatsheli. UAndreya noFilipu zange basuke bamlandele nje uYesu, kodwa ngokukhuthala babesizisa abanye kuYe. Banxulumana namanye amaYuda namadoda azinikeleyo, awayesele ehleli ekholelwa kuThixo, nakwinjongo kaMesiya. Ngokukwanjalo, ekuhambiseleni phambili ubuKumkani namhlanje, sidinga umkhosi omkhulu wabantu abazinikeleyo, abanothando nabangayekeleliyo ekuzinikeleni kwabo kwiVangeli. Sigqibezela ukushunyayelwa ngokupheleleyo kweVangeli kulo nyaka ka 2025. Ukuba liqhawe sisigunyaziso! Bhalisa kwaye ukhuthaze abanye ukuba babeyinxalenye yale njongo njengoko sizalisekisa owona Mthetho Mkhulu. Kunyanzelekile ukuba sikuqonde ukuba ukwenza inguqu ehlabathini, sidinga umkhosi oyimbumba wamaKristu, ingulowo edlala indima yakhe ekukhuliseni ubuKumkani bukaThixo, ingakumbi njengokuba ukubuya kweNkosi kusondele nje. Prayer / Confession Bawo endimthandayo, ndiyakubulela ngokundenza ungqaphambili ekukhulisweni kobuKumkani bakho. Ngam, abaninzi baziswa ebuKumkanini kwaye babhaliswa emkhosini wakho omkhulu, ndizalisekisa injongo yakho yobuThixo ndiguqula ubomi babantu ndawo zonke. Ndihamba kubulumko namandla kaMoya, ndiqhubeka ndisasaza impembelelo yobuKumkani, eGameni likaYesu. Amen. Further study UYohane 1:40-42; UYohane 4:28-30; EyesiBini kuTimoti 2:2 1-year bible reading plan IZenzo 1:1-26 & EyesiBini YeziKronike 1-4 2-year bible reading plan UMarko 16:1-11 & IDuteronomi WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F