Rhapsody Tshiluba Mon Jun 09 2025 BUKOLE BUA BUMUNTU BUA NSHINDAMENU Wakadianjila kupeta muanabu Simona, wakamuambila ne, Tuakusangana Masiya, mmumue ne: Kilisto, wakalua nende kudi Yesu (Yone 1:41-42). Mu mudimu wa kubandisha Bukalenge bua Nzambi, badi dijinga ne bantu banene, ne tudi tumona ne: kuvua bantu ba nunku mu Bible, nangananga mu Evanjeliyo wa Yone. Aba kabavua anu bayidi ba Yezu Kristo ba patupu to, kadi bavua bakankamija mudimu wende ne tshisumi. Bienzedi biabu bidi bileja mudimu wa pa buawu—bumuntu bua mushinga mutambe buimpe. Tshilejilu, mu Yone 1:40-42 , tudi tumona Andele, umue wa ku bayidi ba Yone Mubatiji wakalekela bionso bua kulonda Yezu. Andrew kakalama dibuluibua dipiadipia edi kudiye nkayende to. Diakamue wakapeta muanabu Simona (Petelo) ne kumuambilaye ne: “Tudi bapete Masiya!” Pashishe wakalua ne Petelo kudi Yezu. Bienzedi bia Andele bidi bileja mutshima wa muntu mulelela—muntu udi ulombola ne ukolesha mudimu wa Yezu pa kubikila bakuabu bua kubuela mu tshilumbu tshiende ne kukumbaja mudimu wende. Dituku diakalonda, Yezu wakabikila Filipo bua amulonde. Filipo, pamo bwa Andele, kakalama Lumu Luimpa kudiye nkayende. Wakasangana Natanaele, kumuambilaye ne: “Tudi basangane muntu uvua Mose mufunde mu mikenji ne baprofete, Yezu wa mu Nazaleta, muana wa Jozefe.”(Yone 1:45) Natanaele uvua ne dielakana ku ntuadijilu, wakakonka ne: “Kudiku tshintu tshimpe tshidi mua kupatuka mu Nazaleta anyi?” Diandamuna dia Filipo divua dipepele, kadi dia bukole; wakambila Natanaele ne, "Luaku umone" (Yone 1:45-46). Ebu mbukole bua bumuntu bua kumpala. Andele ne Filipo kabavua anu balonda Yezu to, bavua balua ne bakuabu kudiye ne tshisumi. Bavua balamakaja bena Yuda nabu ne bantu bavua bitabuja Nzambi, ne tshilumbu tshia Masiya. Bia muomumue, bua kuya kumpala kua Bukalenge bua Nzambi lelu, tudi dijinga ne tshiluilu tshinene tshia bantu ba Nzambi badi badifile, badisuike ne kabayi balekela mu didifila diabu ku Evanjeliyo. Tudi tujikija diyisha dia Evanjeliyo dijima tshidimu etshi tshia 2025. Ikala muena mudimu wa mudimu eu! Enza ne ukankamije bakuabu bua kubuela mu bualu ebu patudi tukumbaja mudimu munene. Bidi ne mushinga bua tuetu kumanya ne: bua kushintulula malu pa buloba, tudi dijinga ne tshiluilu tshia bena kilisto tshidi mu buobumue, yonso wa kudibu wenza mudimu wende bua kubandisha Bukalenge bua Nzambi, nangananga bu mudi dipingana dia Mukalenge pabuipi. Prayer / Confession Tata munanga, tuasakidila bua munvuije muena mudimu munene mu dienda dia Bukalenge buebe kumpala. Ku butuangaji buanyi, ba bungi badi babuela mu Bukalenge ne badibueja mu tshiluilu tshiebe tshinene, bakumbaja disua diebe dia Nzambi ne bashintulula nsombelu ya bantu miaba yonso. Ndi ngenda mu meji ne bukole bua Nyuma, ntungunuka ne kutangalaja bukole bua Bukalenge, mu Dina dia Yezu. Amen. Further study Yone 1:40-42; Yone 4:28-30; 2 Timote 2:2 1-year bible reading plan Bienzedi 1:1-26 & 2 Chronicles 1-4 2-year bible reading plan Mako 16:1-11 & Dutelonome 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F