Rhapsody Tongan Mon Jun 09 2025 KO E MĀLOHI ‘O E MĀTEAKI Pea tomu’a ‘ilo ‘e ia hono tokoua ‘o’ona ko Saimone, ‘o ne pehē kiate ia, Kuo mau ‘ilo ‘a e Misaia ko hono ‘uhinga, ko e Kalaisi. (Sione 1:41-42). ‘I he ngāue ‘o e fakalahi ‘a e Pule’anga ‘o e ‘Otuá, ‘oku fiema’u ‘a e kau māteaki, pea ‘oku tau sio na’e ‘i ai ‘a e kakai pehē ‘i he Tohitapu, tautautefito ki he Kosipeli ‘a Sione. Ko kinautolu ni na’e ‘ikai kenau muimui noa’ia pē ‘ia Sisū Kalaisi ka ko e kau pouaki longomo’ui ‘o ‘Ene ngāue. Na’e fakahāa’i he’enau ngāue ha fa’ahinga ngāue makehe – ko e tu’ukimu’a ‘o e māteaki. Ko e fakatātā, ‘ia Sione 1:40-42, ‘oku tau sio kia ‘Anitelū, ko e taha ‘o e kau ako ‘o Sione Papitaiso na’a ne li’aki e me’a kotoa ke muimui kia Sisū. Na’e ‘ikai ke tauhi ‘e ‘Anitelū ‘a e fakahā fo’ou ni ma’ana pē. Na’a ne fakahā fakafokifā ia ki hono tokoua, Saimone (Pita), mo fakahā kiate ia, “Kuo mau ‘ilo ‘a e Misaia!” Pea ne ‘omi ‘a Pita kia Sisū. Ko e ngāue ‘a ‘Anitelū ne fakahā ai ‘a e mafu mo’oni ‘o e māteaki – ko e tokotaha ‘oku fakalahi mo hakeaki’i ‘a e ngāue ‘a Sisū ‘aki hono fakakau mai ‘a e ni’ihi kehe ki he ‘Ene taumu’a mo fakahoko ‘Ene ngāue. Ko e ‘aho ‘e tahá, na’e ui ‘e Sisū ‘a Filipe ke muimui kiate Ia. Ko Filipe, hangē ko ‘Anitelū, na’e ‘ikai ke ne pukepuke ma’ana ‘a e Ongoongo Leleí. Na’a ne ‘ilo ‘a Nataniela mo pehē, “Kuo mau ‘ilo Ia ‘a ia na’e hiki ‘e Mōsese ‘i he lao mo e kau palōfita, ko Sisū ‘o Nāsaleti, ko e foha ‘o Siosefa.”(Sione 1:45) Na’e ‘uluaki lotolotoua, ‘a Nataniela, ‘o fehu’i, “’E tupu nai ha lelei mei Nāsaleti?” Na’e faingofua ‘a e tali ‘a Filipe, ka na’e mālohi; na’a ne pehē kia Nataniela, “Ha’u pea mamata” (Sione 1:45-46). Ko e mālohi ia ‘o e māteaki. Na’e ‘ikai ke muimui pe ‘a ‘Anitelū mo Filipe ‘ia Sisū, ka na’a na longomo’ui hono ‘omi ‘a e kakai kiate Ia. Na’a ne fakafehokotaki ‘a e kau Siú mo e kau tangata faivelenga, kuo ‘osi tui ki he ‘Otuá, ki he ngāue ‘a e Misaia. Ko e me’a tatau, ‘i hono fakalahi ‘a e Pule’anga ‘o e ‘Otuá he ‘aho ni, ‘oku tau fiema’u ha kau tau tokolahi ‘o e kakai ‘a e ‘Otuá ‘oku lī’oa, lotovela mo ta’eufi ‘i he’enau tukupā ki he Kosipeli. Te tau fakakakato ‘a hono malanga’i kakato ‘a e Kosipeli ‘i he ta’u ko ‘eni ‘o e 2025. Ke ke hoko ko e māteaki ‘o e fekau ni! Fakakau mo fakalotolahia ‘a e kakai kehé ke kau ki he ngāue ni ‘i he’etau fakakakato ‘a e Fekau Lahí. ‘Oku mahu’inga mo’o kitautolu ke fakatokanga’i ke fakahoko ha liliu ‘i māmani, ‘oku tau fiema’u ha kau tau Kalisitiane uouongataha, ‘oku nau fakahoko honau fatongia tāutaha ‘i hono fakalahi ‘a e Pule’anga ‘o e ‘Otuá, tautautefito vave mai ‘a e foki mai ‘Eikí. Prayer / Confession ‘Apā Tamai, ‘oku ou fakamālō’ia hono ngaohi au ko e māteaki ‘i hono fakalahi ho Pule’angá. Fou ‘iate au, ‘oku ‘omi ‘a e tokolahi ki he Pule’angá mo fakakau ki ho’o kongakau, ‘o fakakakato ho’o taumu’a faka-‘Otua mo liliu ‘a e ngaahi mo’ui ‘i he potu kotoa. ‘Oku ou ‘a’eva ‘i he poto mo e mālohi ‘o e Laumālie, ‘o fakamafola ma’u ai pē ‘a e fakahoko liliu ‘a e Pule’angá, ‘i he Huafa ‘o Sisū. ‘Emeni. Further study Sione 1:40-42; Sione 4:28-30; 2 Tīmote 2:2 1-year bible reading plan Ngāue 1:1-26 & 2 Kalonikali 1-4 2-year bible reading plan Ma’ake 16:1-11 & Teutalōnome 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F