Rhapsody Tok-Pisin Mon Jun 09 2025 PAWA BILONG MAN SAMPION Pastaim em igo lukim brata bilong em Saimon, na tokim em, Mipela painim Mesaia, em i, tanim, Krais. Na em bringim Saimon kam long Jisas (Jon 1:41-42). I nsait long mekim wok long Kingdom bilong God, man igo pas igat nid, na mipela lukim olsem igat wanwan man insait long Baibol, lukim insait long Gutnius bilong Jon. Dispela ino tasol sumatin bilong Jisas Krais tasol ol wokman long igo het lo wok ministri bilong En. Eksion bilong ol soim wanpela kain spesol wok-sampion lo gutpela wok. Long eksampol, insait Jon 1:40-42, na mipela lukim Andrew, wanpela disaipol bilong Jon Baptaist husat i lusim olgeta samting long bihainim Jisas. Andrew ino larim dispela niupela luksave tokhait long em yet. Em wantu go painim brata bilong en, Saimon (Pita), na tokaut long em, “Mipela i painim Mesaia!” Em kisim Pita i kam long Jisas. Na eksion bilong Andrew i soim bel bilong wanpela i tru sampion - wanpela husat igo het na kirapim ministri bilong Jisas long lista ol arapela long joinim Em na karim kisim wok bilong En igo. Na nekst de bihain, Jisas kolim Filip long bihainim Em. Filip, olsem Andrew, i no larim Gutnius long em yet. Em igo painim Nataniel na i tok, “mipela painim Em long husat Moses insait long lo bilong Moses na ol profet i bin rait, Jisas bilong Nasaret, pikinini man bilong Joseph. (Jon 1:45) Na Nataniel, pastaim ino bilip tumas, i askim, “Wanem gutpela samting i ken kamap long Nasaret?” Filip bekim i simpol, tasol gat bikpela pawa; em tok long Nataniel, “Kam na lukim” (Jon 1:45-46). Dispela em pawa bilong sampion. Andrew na Filip ino tasol bihainim Jisas, ol strong long bringim ol arapela kam long Em. Ol konekt wan lain Ju na man igat namba, husat i bilip pinis long God, long sait b’long Mesaia. Wankain tasol, long kisim wok igo het long Kingdom bilong God tude, mipela nidim ami pipol bilong God husat igat komitmen, bel laikim pasin na nogat stop insait long wok bilong ol long Gutnius. Mipela inap tru pinis autim Gutnius dispela yia 2025. Kamap wampela sampion bilong igo pas long dispela wok! Lista na strongim ol arapela long joinim dispela wok olsem bilong inapim tru dispela Bikpela Komision. Em i impoten tru bilong yumi lo luksave long dispela bilong mekim senis insait long wol, mipela nidim tasol wanbel ami bilong olgeta Kristen, wanwan pilaim hap wok bilong ol mekim wok igo het insait long Kingdom bilong God, moa yet olsem kam bek bilong Bikpela i klostu tru. Prayer / Confession Dia Papa, tenk yu long mekim mi wanpela mausman mekim wok insait long kingdom bilong yu. Na long mi, planti i kam insait long Kingdom na lista insait long bikpela ami bilong yu, inapim tru godkain-laip bilong yu na senisim ol laip long olgeta wanwan hap. Mi wokabaut insait long gutpela save na pawa bilong Spirit, oltaim autim gutpela samting bilong Kingdom, insait Jisas Nem. I Tru. Further study Jon 1:40-42; Jon 4:28-30; 2 Timoti 2:2 1-year bible reading plan Aposel 1:1-26 & 2 Stori 1-4 2-year bible reading plan Mak 16:1-11 & Lo 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F