Rhapsody Oshikwanyama Mon Jun 09 2025 EENGHONO DOUPENDAFULE Ye tete okwa ka konga manga mumwaina Simon ndee te mu mono, ndee tati kuye, Fye otwa mona Messias, oo ta fatululwa Kristus. Ndee ye te mu eta ku Jesus... (Johannes 1:41-42). Moilonga yokuehenifako Ouhamba wa Kalunga, omapendafule naavo ihava sholola ova pumbiwa, nafye otu shi wete sha yela mOmbiibeli kutya opali ovanhu ovo ve li ngaho, unene tuu nokuli mevaengeli la Johannes. Ava kavali ashike ovalanduli va Jesus Kristus va mwena, ashike ovali ovanandjungu tava longo nokuyukifa komesho ouministeri. Eenghatu davo oda ulika pouyelele omukalo ulili woilonga ye likalekelwa – oupendafule pondodo yopombadaelela. Onga oshihopaenenwa, mu Johannes 1:40-41 fye otu wetemo Andreas umwe womovahongwa va Johannes omushashi, oo a fiyapo ashishe ndee ta shikula Jesus. Andreas ina kaleka nande ehololo eli lipe opo a mono kuye mwene. Ye divadiva okwa ka konga omumwainamati Simon (Petrus) ndee te lombwele tatii, “Fye otwa mona Messias!” Nopo nee ye okwe mu eta (mumwaina) ku Jesus. Onghatu ya Andreas oya ulika lela lela omutima wependafule nomudiinini – umwe oo ta yukifa komesho nokupopyamo ouministeri wa Jesus mokushangifa oovakwao va waimine oshilonga shaYe nokuyukifa oshilongatumo komesho. Efiku la landula Jesus okwa ifana Fillipus e mu landule, ngaashi Andreas, ye ina kaleka Etumwalaka eli Liwa kuye aeke. Ye okwa mona Natanael ndee tatii, “Fyee otwe mu mona, oo Moses momhango novaprofeti va shanga kombinga yaye, Jesus wa Nasareta, omona wa Josef” (Johannes 1:40). Natanael okwali ngoo afa ina itavela petameko ndee ta pua tatii, “Opena ngaa sha shiwa tashi dulu okudja mu Nasareta?” Enyamukulo la Fillipus olali lipuelela, ashike olina omufindo: ye okwa tya ku Natanael, “Ila uka tale” (Johannes 1:45-46). Edi odo eenghono doupendafule noudiinini. Andreas na Fillipus inava landula ashike Jesus, voo nondjungu nonelitulemo ova eta oovakwao kuye. Voo ovakwatakanifa kuYe Ovajuuda oovakwao novalumenhu ovo ve litulamo, ovo va hangwa nale va itavela mu Kalunga, ve va eta koshilonga sha Messias. Sha faafana naanaa naasho, mokuyukifa Ouhamba wa Kalunga komesho monena, fye otwa pumbwa etanga linene lovanhu va Kalunga ovo ve litulamao, ve yadi ohokwe inene noihava sholola mokulitulamo kwavo moshilonga shEvaengeli. Fyee ohatu mane nohatu shakenifa eudifo lEvangeli modula ei yo 2025. Kala umwe womomapendafule novanandjungu kelombwelo eli. Shangifa nokutwa oovakweni omukumo opo va waimine oshilonga eshi eshi hatu wanifapo Etumo Linene. Oshina oshilonga neenghono opo fyee tu dimbulukwe oshinima eshi tu etepo omalunduluko mounyuni, fyee otwa pumbwa etanga olo lina oukumwe umwe lOvakriste, keshe umwe ta longomo oshipambu shaye okuyukifa komesho Ouhamba wa Kalunga, unene tuu nokuli eshi suyo lOmwene lili popepi.. Prayer / Confession Tate omuholike, tangi unene eshi wa ninga nge ependafule nomunandjungu okuyukifa Ouhamba woye komesho. Okupitila mwaame, vahapu otava etwa nokuuya mOuhamba ndee tava shangifwa metanga loye linene, hatu wanifapo oshilalakanenwa shoye oshikwaulu nokulundulula eemwenyo keshe pamwe. Ame ohandi ende meendunge nomeenghono dOmhepo, handi twikile alushe nokutandavelifa enwefemo lOuhamba, mEdina la Jesus, Amen. Further study Johannes 1:40-42; Johannes 4:28-30; 2 Timoteus 2:2 1-year bible reading plan Oilonga 1:1-26 & 2 Omafimbo 1-4 2-year bible reading plan Markus 16:1-11 & Deutronomi 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F