Rhapsody Medumba Mon Jun 09 2025 GHÙ’ PROTAGONISME A bwôgmbwe mfon mfèl i Simon, ntshob yi ndù: Bag fon Mésia, (yen nà bagt’a ndù Kristô). A lo’ i nèn yi mbwe Yésu (Yohané 1:41-42). Ntùm fà’ neghù Nufen nke nèn mbwe, a bètte ba protagoniste, là be yen mbe tshen lèn benntùn nà na’ be ntùm Bible, ntùm Nkùn mebwô Yohané. Bo na’ ke b’a nda’ ghatàm njam Yésu Kristô, là ghatènte ntùm fà’. Mfà’ mub be la’te ta’ fà’ special –protagonisme num ze bwô. Exemple, ntùm Yohané 10: 41-42 be yèn Andréa, ta’ ngazi’te nu Yohané nganyu’benntùn ntse z’a na’ fang njong tshu fà tàm njam Yésu là. Andréa na’ ke lé’ yen ju swe là tu wul i tu’i. A na’ fon mfèl i, Simon (Petro), ntshob yi ndù : « Bag fon Mesia » là lo’ petro nèn yi Yésu. Mfà’ Andréa nke la’t’a ntù ko’ protagoniste- mènntùn z’a be ghù fà’ Yésu nèn mbwe njam nelo’ tsemo’ se’ tamte num fà’. Mbatte le’njù, Yésu na’ tsiang Filibo a tàm njam Mi. Filibo, mba Andréa là, na’ ke lem nkùn tu wul i. A na’ fon Natanaél tshob yi ndù : « Bag fon Mèn ze Mosé kite nu num I ntùm ntshù’, ghatshob ntshob Nsi bèn ntshob là, Yésu ze Nazarét, mén Yoséf”. (Yohané 1 : 45). Natanaél mba nke magte là bwôgmbwe bètte, “Be ju mebwô tum Nazarét ké?”. Mbùnte Filibo na’ fiage, là dun ghù’; a na’ tshob Natanaél « Se’ njene » (Yohané 1 : 43-46). Yenni b’a ghù’ protagonisme. Andréa bo Filibo na’ ke tàm à nda’ njam Yésu, bo na’ lo’ tsemo’ se’ yi Yi. Bo na’ yab tsemo’ ba Yuda tse bo na’ nja bam Nsi là ntùm nu Mesia. Be ju ntshù’, neghù nufen Nsi nèn mbwe senni, a bètte be ta’ bwông ntshu ntsho nzwiang Nsi tse bo fà wut, ghù nkôni, ke nenyi’te num Nkùn Mebwô là. Be ghù nezwiagte netshob Nkùn Mebwô dun yen ngu’njù 2025 ni. Be ta’ protagoniste yen fà’ li. Lo’ tsemo’ mbèn tswe’te yub bo tamte yen nu li mba be ghù fà’ ndùb bumte là. A be imperatif be nelèn mbe nefà’ bate ntùm njù, a bètte ta’ ntshu ntsho tamte Benkristô, mba we lo nke mfà’ ze fà’ num nufen Nsi nenèn mbwe, mba nebèn se’ Tshùaben be ngebte là. Prayer / Confession Tà ze tanjong, me labte mb’o ghù me be ta’ protagoniste num nengù Nufen su nèn mbwe là. Njam àm, ben yàm se’ ntùm Nufen lo’ dù’ ntùm yu ntshu ntsho ndùb, nke fà’ nu a fe Nsi là mbèn bate yôg njong dù’ fa. Me nke zin à ntùm zenu mba ghù’ Ywèle, nke ngabte fà’ Nufen, num lèn Yésu. Amèn. Further study Yohané 1:40-42; Yohané 4:28-30; Timôtio mbatte bàa 2:2 1-year bible reading plan Mfa’Ghantùm 1:1-26 & Kronika mbatte bàa 1-4 2-year bible reading plan Marko 16:1-11 & Nebwôgte 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F