Rhapsody Kisii Mon Jun 09 2025 CHINGURU CHIOMOTANG’ANI BW’OGOKORA EBINTO Oyo akanyora ritang’ani Simion momura omwabo omonyene, akamotebia, “Twanyorire Masihi” (okoonchorwa kwaye Kristo). Akamoira ase Yeso. Yeso akamorigereria, akabora, “Aye Simion, omwana o Yohana, norokwe Kefa” (okoonchorwa kwaye Petero, gose egetare) (Yohana 1:41-42). Ase okogendereria emeremo y’Oboruoti bwa Nyasae, omonto omotang’ani naganeirie, na nabo tokorora abanto buna aba ase egetabu gi’Enchili kia Yohana. Aba tari bari bare abakiriru ase okomobwatia Nyasae, korende mbaria bagokora emeremo yaye. Amakora abo nigo akoorokia baria bagochaki ebinto. Omogwekano, ase egetabu kia Yohana 1:40-42, nigo tokorora Anderea, oyomo bw’aborokogwa ba Yohana oria otigete kera egento na komobwatia Yeso. Anderea takiretie okomanya oko kwaye, korende nigo amokwanerete Simioni (Petero), na komotebia, “twanyoire Masihi!” na akamorenta ase Yeso. Amakora aya a Anderea nigo akoorokia enkoro yooria ogochakia ebinto – oria okogendereria emeremo ya Yeso, goetera okobatebia abande igoro yemeremo eyio na kobarenta bayegendererie boigo. Rituko riare kobwatia, Yeso nigo amorangeretie Filipo komobwatia. Na buna Anderea, Filipo nere takirete igo, nigo amonyorete Natanaeli na komotebia, “Twanyorire ere oyo amang’ana aye arigetwe na Musa ase amachiko, naende nababani, Yeso omwana o Yusufu, omonto o Nazareti.”(Yohana 1:45) Natanaeli, nigo arenge ne chitang’u-tang’u ritang’ani, na akaboria, “Egento ekiya nakenyare korwa Nazareti?” Okoiraneria gwa Filipo nigo kwarenge okwororo, korende ogwe chinguru; nigo amotebetie Natanaeli, “Inchuo orore” (Yohana 1:45-46). Echi nachio chinguru chiomochaki ebinto. Anderea and Filipo tibamobwateti Yeso barabwo boka, nigo batebetie abande bakamobwatia boigo. Bakabwatania emeremo ya Mesih n’Abayahudi bamwabo na abegenwa bande, abwo begenete Nyasae. Na kogendereria Oboruoti bwa Nyasae ase amatuko aya, ntoganetie tobe nabanto ba Nyasae abange abwo berwete ase okorandia Enchili. Ngokora tore okorandia Enchili na goikera kera omonto ase omwaka oyo o 2025. Kabe omotang’ani ase emeremo eye. Renta abande na basegete boigo bagendererie emeremo eye emenene yokorandia Enchili. Goika tomanye onye togochia korenta ogoonchoreria okonene ase ense, intwe buna abarwani Abakristo, goika tobwaterane, na kera omonto akore ensemo yaye ase okogendereria Oboruoti bwa Nyasae, mono ase amatuko aya toganyete okoirana kw’Omonene. Prayer / Confession Tata omwanchwa, mbuya mono ase ogonkora koba oria ore omotang’ani ase okogendereria Oboruoti bwao. Goetera inche, abange baretirwe ase Oboruoti bwao na kobarwa koba ase omoganda bw’abarwani bao, na goikerania emeremo yao y’obonyasae na goonchoreria amagima kera ase. Nigo ngotara ase obong’aini ne chinguru chi’Omoika, na kogenderera gosararia chinguru chi’Oboruoti bwao, ase Erieta ria Yeso. Amina. Further study Yohana 1:40-42; Yohana 4:28-30; 2 Timotheo 2:2 1-year bible reading plan Ogokora kwa abatomwa 1:1-26 & 2 Chronicles 1-4 2-year bible reading plan Maliko 16:1-11 & Okoiranerera kwa amachiko 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F