Rhapsody Kikuyu Mon Jun 09 2025 HINYA WA GŨKORŨO ŨRĨ WA MBERE Ũndũ wa mbere ũrĩa Anderea eekire nĩgũcaria mũrũ wa nyina Simoni, na kũmwĩra atĩrĩ, “Nĩtuonete Mesia” (nĩwe Kristũ). Nake akĩmũtwara kũrĩ Jesũ. Nake Jesũ akĩmũrora, akiuga atĩrĩ, “Wee nĩwe Simoni mũrũ wa Johana. Ũgũcooka gwĩtwo Kefa” (na rĩo rĩgĩtaũrwo nĩ kuuga Petero). (Johana 1:41-42). Wĩra-inĩ wa gũtwarithia na mbere Ũthamaki wa Ngai, nĩ kũbataranagia andũ marĩ na itemi inene, na nĩ tuonaga atĩ nĩ kwarĩ na andũ ta acio thĩinĩ wa Bibilia, na makĩria thĩinĩ wa Injiri ya Johana. Acio matiarĩ o arũmĩrĩri a Jesu Kristo, ĩndĩ maarĩ na kĩyo mũno wĩra-inĩ wa kũhunjia. Ciĩko ciao cionanagia mũbango wa mwanya wa kũruta wĩra. Kwa ngerekano, thĩinĩ wa Johana 1:40-42, nĩ tuonaga Anderea, ũmwe wa arutwo a Johana Mũbatithania ũrĩa watigire indo ciothe nĩguo arũmĩrĩre Jesu. Anderea ndaigana kũhitha ũndũ ũcio. Naake akĩamba gũthiĩ kũrĩ mũrũ wa nyina Simoni, akĩmwĩra atĩrĩ, "Nĩtuonete Mesia". Agĩcoka agĩtwara Petero kũrĩ Jesu. Ciĩko cia Anderea cionanagia ngoro ya mũtongoria wa ma, mũndũ ũrĩa ũtwaraga na mbere ũtungata wa Jesu na njĩra ya kũgucĩrĩria andũ angĩ manyitanĩre na wĩra Wake. Mũthenya ũrĩa warũmĩrĩire, Jesu agĩĩta Filipu amũrũmĩrĩre. O ta Anderea, Filipu ndaigana kũhitha Ũhoro ũrĩa Mwega. Naake Filipu agĩkora Nathanaeli akĩmwĩra atĩrĩ, "Nĩtuonete mũndũ ũrĩa Musa aandĩkire ũhoro wake Ibuku-inĩ rĩa Watho, na nowe anabii maandĩkire ũhoro wake, nake nĩwe Jesũ wa Nazarethi, mũrũ wa Jusufu"(Johana 1:45). Nathanaeli, ũrĩa waambire kũgĩa na nganja, oririe ũũ: "Kũrĩ kĩndũ kĩega kĩngiuma Nazarethi?" Macokio ma Filipu maarĩ mahũthũ, no maarĩ na hinya; akĩĩra Nathanaeli, "Ũka ũkoone" (Johana 1:45-46). Ũcio nĩguo ũhoti wa mũndũ gũkorũo arĩ mũtongoria. Anderea na Filipu matiarũmĩrĩire Jesu tu, no nĩ maatwarire andũ angĩ kũrĩ we. Nĩ maatwarithirie Ayahudi arĩa angĩ na andũ etigĩri Ngai arĩa meetĩkĩtie Ngai harĩ Mesia. O ũndũ ũmwe na ũcio, harĩ gũtwarithia na mbere Ũthamaki wa Ngai ũmũthĩ, nĩ tũrabatara mbũtũ nene ya andũ a Ngai arĩa mehokeire, marĩ na kĩyo na matarĩ na ũgucania harĩ kwĩrutĩra kwao harĩ Ũhoro ũrĩa Mwega. Nĩ tũrarĩkia wĩra wa kũhunjia ũhoro ũrĩa mwega mwaka-inĩ wa 2025. Korũo ũrĩ ũmwe wa arĩa marutaga wĩra ũcio! Gĩa na kĩyo gĩa gwĩkĩra andũ arĩa angĩ ngoro manyitanĩre na ithuĩ harĩ kũhingia Wĩra Ũrĩa Mũnene. Nĩ ũndũ wa bata mũno harĩ ithuĩ kũmenya atĩ nĩguo tũrehe ũgarũrũku thĩinĩ wa thĩ, tũbataraga mbũtũ ya Akristiano ĩrĩ na ũrũmwe, o ũmwe agĩtwarithia na mbere Ũthamaki wa Ngai, na makĩria tondũ gũcoka kwa Mwathani nĩ gũkuhĩrĩirie. Prayer / Confession Ithe witũ, nĩ ngatho mũno nĩ ũndũ wa kũndutĩra itemi harĩ gũtwarithia na mbere Ũthamaki waku. Kũgerera harĩ niĩ, andũ aingĩ nĩ marehetwo Ũthamaki-inĩ na makaingĩra mbũtũ-inĩ yaku nene, makĩhingia muoroto waku wa ũngai na makĩgarũra mĩikarĩre kũndũ guothe. Nĩ ngũthiĩ na njĩra ya ũũgĩ na hinya wa Roho, o ngĩthiĩ na mbere kũheana hinya wa Ũthamaki, thĩinĩ wa rĩĩtwa rĩa Jesu. Ameni. Further study Johana 1:40-42; Johana 4:28-30; 2 Timotheo 2:2 1-year bible reading plan Atũmwo 1:1-26 & 2 Maũndũ ma Matukũ ma Tene 1-4 2-year bible reading plan Mariko 16:1-11 & Gũcokerithia Maathani 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F