Rhapsody Kikongo Mon Jun 09 2025 NGOLO YA PROTAGONISME Yandi monaka ntete mpangi na yandi Simoni, yandi tubilaka yandi nde: "Beto me mona Mesia, disongidila Kristu." Yandi nataka yandi na Yezu (Jean 1:41-42). Na kisalu ya kunata Kimfumu ya Nzambi na ntwala, bantu ya mfunu kele mfunu, mpi beto kemona nde bantu ya mutindu yina kuvandaka na Biblia, mingimingi na Evanzile ya Yoane. Bantu yai vandaka kaka ve balongoki ya Yezu Kristu yina vandaka kusala ve ata kima mosi kansi bo vandaka bantu yina vandaka kupesa maboko na kisalu na Yandi. Mambu yina bo kesalaka kemonisaka mutindu mosi ya kisalu ya sipesiali —kuvanda muntu ya mfunu na kiteso ya kuluta mbote. Mu mbandu, na Yoane 1:40-42, beto ke mona Andre, mosi na kati ya balongoki ya Yoane Mbotiki yina yambulaka bima yonso sambu na kulanda Yezu. Andre ka lunda nsangu zazi zampa ko kwa yandi kibeni. Na mbala mosi yandi kutanaka ti mpangi na yandi, Simoni (Piere), mpi zabisaka yandi nde: “Beto me mona Mesia!” Na nima yandi nataka Piere na Yezu. Mambu ya Andre ke sala ke monisa ntima ya muntu ya kieleka yina ke salaka mambu —muntu yina ke kwendaka na ntwala mpi ke pesaka lukumu na kisalu ya Yezu na kubingaka bantu ya nkaka na kuvukana na kisalu na Yandi mpi na kusala kisalu na Yandi. Na kilumbu yina landaka, Yezu bingaka Filipo na kulanda Yandi. Filipo, bonso Andre, kubumbaka ve Nsangu ya Mbote sambu na yandi mosi. Yandi monaka Natanaele mpi tubaka nde: “Beto me mona Muntu yina Moize sonikaka sambu na yandi na mukanda ya Bansiku mpi yina ya bambikudi sonikaka, Yezu, mwana ya Yozefi, muntu ya Nazareti.”(Yoane 1"45) Natanaele, yina vandaka ti keti-keti na luyantiku, yulaka nde, “Keti kima mosi ya mbote lenda basika na Nazareti?” Mvutu ya Filipo vandaka pete, kansi yo vandaka ngolo; yandi tubaka na Natanaele nde: “Kwisa kutala” (Jean 1:45-46). Yai kele ngolo ya kimfumu. Andre ti Filipo kulandaka kaka ve Yezu, bo nataka bantu yankaka na kikesa yonso na Yandi. Bo vandaka kuvukisa banduku na bo Bayuda mpi bantu ya lusambu, yina vandaka kukwikila dezia na Nzambi, ti kisalu ya Mesia. Mutindu mosi, sambu na kunata Kimfumu ya Nzambi na ntwala bubu yai, beto kele na mfunu ya kimvuka ya nene ya bantu ya Nzambi yina me kudipesaka, kele ti nzala ya ngolo mpi ke lembaka ve na kudipesa na bo na Nsangu ya Mbote. Beto ke manisa kusamuna Nsangu ya Mbote ya mvimba na mvula yai 2025. Vanda muntu ya ntete ya kisalu yai! Binga mpi siamisa bantu ya nkaka na kuvukana na kisalu yai ntangu beto ke lungisa Kisalu ya Nene. Yo kele mfunu nde beto zaba nde sambu na kusala nsoba na inza, beto kelomba kimvuka ya basoda ya Bakristu yina kele na bumosi, konso muntu kusala kisalu na yandi sambu na kunata Kimfumu ya Nzambi na ntwala, mingimingi sambu kuvutuka ya Mfumu mefinama. Prayer / Confession Tata ya luzolo, matondo sambu nge me kumisa mono muntu ya ntete na ntwala ya Kimfumu na nge. Na nzila na mono, bantu mingi ke kotaka na Kimfumu mpi ke kotaka na kimvuka na beno ya nene ya basoda, ke lungisaka lukanu na beno ya kinzambi mpi ke sobaka luzingu ya bantu bisika yonso. Mono ke tambula na mayele ti ngolo ya Mpeve, mono ke panza ntangu yonso bupusi ya Kimfumu, na Zina ya Yezu. Amen. Further study Yoane 1:40-42; Yoane 4:28-30; 2 Timoteo 2:2 1-year bible reading plan Bisalu 1:1-26 & 2 Bansangu 1-4 2-year bible reading plan Marko 16:1-11 & Kulonga 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F