Rhapsody Kenyan-Kamba Mon Jun 09 2025 KŨTETHYA WĨA VAMWE NA NGAI WIYUMĨTY’E Mbee, 'nĩwamwonie mwana-a-inyia, Simoni, na amwĩa, Nĩtũmwonie Masia' (ũalyũlo wayo nĩ, Klĩsto). Na amũtwaa kwa Yesũ (Yoana 1:41-42). Nĩ kana wĩa wa kũtavany'a ĩũlũ wa Ũsumbĩ wa Ngai ũendeee, no nginya kwĩthĩwe na andũ meyumasya matetheesye. Mayaĩ aatĩĩi ma Yesũ Klĩsto me oka, ĩndĩ maĩ na kĩthito kingĩ mũno ũtavany'anĩ. Ũndũ ũsu wĩonany'a kana kĩla mũndũ e kĩvathũkany'o na ũla ũngĩ. Kwa ngelekany'o, ĩandĩko ya Yoana 1:40-42 yaĩtye kana Anderea aĩ ũmwe wa amanyĩw'a ma Yoana Mũvatisi ala matiie syĩndũ syoo syonthe nĩ kana mamũatĩĩe Yesũ. Andrew ndaatinda aiweta ũndũ ũsu ĩndĩ nĩwesie kũvindũka kĩlĩko. Na ĩndĩ eeta mwana-a-inyia weetawa Simoni, na amwĩa atĩĩ, "Nĩtũkwona Masia". Na ĩndĩ atwaa Vetelo vala ve Yesũ. Meko ma Andalea meonany'a kana mũndũ ũsu nĩwatw'ĩte vyũ kwĩanĩsya wĩa ũla wanengetwe nĩ Yesũ, naw'o nĩ kũthangaasya angĩ matethye wĩa ũsu wake. Mũthenya ũla waatĩĩe, Yesũ nĩweeie Vilivu amũatĩĩe. O ta Andalea, Vilivu ndaĩ na kĩima kya kũtavya andũ ala angĩ ũvoo mũseo. Na amwona Nathanaeli, na amwĩa, Nĩtũmwonete ũla Mose waandĩkie nthĩnĩ wa ĩla mĩao, na athani o vamwe, nake nĩ Yesũ wa Nasaleti, mwana wa Yosevu.(Yoana 1:45) Nathanaeli amũsũngĩie ate na nzika na asya: "Nasaleti nĩvatonya kuma kĩndũ kĩseo?" Ũsũngĩo wa Vilivu waĩ o mũvũthũ, ĩndĩ waĩ na vinya. Amwĩie Nathanaeli atĩĩ, "Ũka ũsisye".(Yoana 1:45-46) Ũsu nĩw'o ũndũ ũla wĩ vinya. Andalea na Vilivu nĩmaendie vala ve Yesũ na mamũthengeea. O na ĩngĩ, nĩmasyokeleeasya angĩ mũĩkĩĩo woo. O ta ũu, ũmũnthĩ nĩ kana twĩanĩsye kwenda kwa Ngai no nginya twĩthĩwe na andũ meyumĩtye vyũ matethye wĩa wa kũtavany'a. Mwaka wa 2025 ũkilyĩ kũthela, na tũi na nzika kana Ũsumbĩ wa Ngai ũkasumbĩka nesa kwĩ silikalĩ o na yĩva ĩũlũ wa nthĩ. Ĩthĩwa wĩ ũmwe wa ala meũtongoesya wĩa ũsu! Tetheesya ala angĩ makue kĩ-veva o ũndũ ũkwĩka. Nĩ ũndũ wa vata mũno tũelewe kana nĩ kana kwĩthĩwe na moalyũku ĩũlũ wa nthĩ, no nginya Aklĩsto methĩwe na ngwatanĩo. Kĩla ũmwe woo e na kĩanda kyake ũseũvyonĩ wa Ngai. Na mũno mũno yu nũndũ ĩvinda ya kũka kwa Mwĩaĩi yĩ vakuvĩ vyũ. Prayer / Confession Ĩthe wakwa, nĩngũũtũngĩa mũvea nũndũ wa kũndonyethya ngwatĩĩe maũndũ ma Ũsumbĩ waku. Kwondũ wakwa andũ aingĩ nĩmavikĩtw'e Ũsumbĩnĩ na makatavany'a ĩũlũ wa kĩeleelo kya Ngai na kũalyũla mĩkalĩle ya andũ ĩũlũ wa nthĩ. Nĩendaa nthĩnĩ wa ũĩ na vinya wa Veva, na nĩendeee kũnyaĩĩkya ũvoo wa Ũsumbĩ wa Ngai, syĩtwanĩ ya Yesũ. Ameni. Further study Yoana 1:40-42; Yoana 4:28-30; 2 Timotheo 2:2 1-year bible reading plan Meko Ma Atumwa 1:1-26 & 2 Mavinda 1-4 2-year bible reading plan Maliko 16:1-11 & Kûtûngílíílwa Kwa Míao 7 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F