🔴 بسبــب كتابة "الآنسة" بدل "السيد" في دبلومه ▫️ يُكلــف جامعـــة عبــد المالك السعدي 20 ألف درهم بعد حرمان طالب من فـــرص التوظيف في واقعة وقعات فجامعة عبد المالك السعدي، طالب حاصل على ماستر في "العلوم الجنائية والأمنية" من كلية الحقوق بتطوان، تصدم ملي تسلم الدبلوم ديالو ولاحظ أنهم كاتبين عليه "الآنسة" بدل "السيد" الخطأ الإداري هذا، خلاه ينتظر عامين كاملين باش يصحّحو ليه الدبلوم، وهاد التأخير خلاه يضيع فرص كثيرة ديال التوظيف وحتى التسجيل فالدكتوراه، خصوصا أنه كان فسن حساس (42 سنة) والعدد من المباريات كيطلبو سن أقل من 45 الطالب ما سكتش، وقرر يمشي للقضاء باش يطالب بحقه. وبعد مراسلات كثيرة تم إصلاح الخطأ حتى أبريل 2023، المحكمة الإدارية بطنجة حكمات لصالحو، وفرضات على الجامعة تعويضو بـ 20 ألف درهم بسبب هاد الإهمال، اللي المحكمة شافت أنه خالف مبدأ حسن تسيير المرافق العمومية ✅ القضية درس كبير للمؤسسات اللي ما زال كتتهاون فالتعامل مع وثائق الطلبة، وخا الخطأ يكون بسيط، النتائج ديالو قد تكون كارثية.