*كلنا عارفين أن الغش ماشي وسيلة شريفة، وما خلقناش باش نغشّو.* لكن حتى نتي، وأنا، والناس كاملين كيعرفو أن داكشي لي خاصنا نحفظوه ونستوعبوه فالامتحانات *راه بزاف بزاف،* وكيجهد العقل والنفس. وفوق هاد الشي، كتلقى هاد المعلومات فالأخير كتكون ماشي *ذات أهمية كبيرة فالحياة الجامعية ولا فالسوق ديال الشغل…* هادشي علاش أنا ماشي كنلوم الإنسان لي زلق وستخدم الغش، ولكن *كنلومو إيلا ولى الغش عندو عادة، فكل حاجة، فراسو، فخدمتو، فالحياة ديالو.* حيت لي تعوّد على الغش، راه كيولي بحال 🦠 *شي فيروس وسط المجتمع،* وكيصعّب أننا نصاوبو الأمور من بعد، وهادشي أصلاً ماشي من *قيم ديننا ولا تربيتنا كمسلمين✋🏻.* لكن… لي دار مجهودو، *وتوكل على الله*، وخدا الامتحان بنيّة صافية، راه ما كيخافش، لا من نقطة لا من ورقة. وهذاك راه فعينيّا، وفعين الله، راجل ولا مرا عندهم *قيمة كبيرة فالدنيا والآخرة*🤍🫡 وكنتمنا نكون بحالهم، حيت هما ناس فعلاً خاصنا نقتاديو بيهم ومحتاجين ليهم. *فالحالتين،* الامتحان ماشي غير أسئلة وأجوبة، راه اختبار ديال النفس، ديال الثقة، وديال العلاقة ديالك مع الله. وكنتمنى من الله يرزقنا القوة ديال الصبر، والاجتهاد، والتوكل عليه، باش نكونو ديما فالمستوى، وما نبقاوش نحتاجو نفكرو فالغش، لا دابا لا فشي امتحان جاية ✋🏻🙂