فيه وجهة نظر كده غريبة اللى بتتاخد عن الشيخ أو الملتزم إنه عايش في قوقعة أو في العصور الحجرية كده في مكان معزول عن العالم. إنما من صفات الداعية أو الشيخ الشاطر هو اللى يبقى عارف اهتمامات الشباب، وينظر على التريندات وغيرها علشان يبقى عنده خلفية وازاى يبدأ يصحح ده. مش شرط يكون الشخص شيخ أو داعية يبقى ميعرفش عن العالم، ده نقطة ضعف طبعاً. وشيوخنا الكبار زى ابن باز وابن عثيمين والصالح الفوزان مطلعين بشكل كبير على عصرهم بكل ما فيه وكل عيوبه ومآخذه وما فيه، علشان كده كنت تآخد منهم الفتوى وانت متطمن إن ده شخص منك عارف بتفكر ازاى ويعرف يقولك النصيحة أو الفتوى حسب المجتمع وما فيه وازاى تتعامل مع الموقف الفلاني وكده فكون داعية أو شيخ منعزل لا يعلم معالم العصر أو المجتمع اللى فيه دى نقطة ضعف فيه `إنما الشباب بيستجيبوا بنسبة كبيرة لشخص عارف الشباب بيفكر ازاى` ربنا يُفقهنا في دينه ويثبتنا ويهدينا يا رب العالمين * علي السيد | مُسلِمٌ يُجَاه‍ِد