السلام عليكم ورحمة الله وبركاته بخصوص الحتة دى وما يدور حولها، بارك الله في صاحب الرسالة اللى ذكرنى بشئ كنت عاوز أذكره وكنت حدثت فيه شخص قبل كده، جزاك الله خيراً لما حد يقولك حاجة في الدين غريبة أو مسمعتهاش قبل كده أو انت حاسس إن فيها مشكلة قول له هات دليل على كلامك من القرآن أو السنة أو من علماء الدين الثقات. دينك هو لحمك ودمك ودنياك وآخرتك، مينفعش يتاخد من مصادر مجهولة وتمشى ورا أى حد نيجى للسؤال هو صح وخطأ في نفس الوقت يجوز عادي إن واحد يطول في ركعة عن التانية، أو يقرأ في ركعة أكثر من التانية وسنة عن النبي ﷺ إنه كان بيطول في الركعة الأولى عن الثانية، طب لو انت مطولتش عادي مفيش مشكلة ومش حرام، ولكن الأفضل تتبع السنة وإنك تُطيل في الركعة الأولى عن الثانية • ثبت عن أبي قتادة الأنصاري قال: (كان رسول الله صلى الله عليه وسلم يقرأ في الركعتين الأوليين من صلاة الظهر بفاتحة الكتاب وسورتين يطول في الأولى ويقصر في الثانية ويسمع الآية أحيانا، وكان يقرأ في العصر بفاتحة الكتاب وسورتين وكان يطول في الأولى وكان يطول في الركعة الأولى من صلاة الصبح ويقصر في الثانية) "رواه البخاري" والله أعلم وأجل * علي السيد