*PAITE MIPITE KIANG A THEIHSAKNA* Dated : 27th May, 2025 Tulai in i gamsung a bikin Lamka khopi sung ah ZRO makaih in veng chih ah defence committee te leh VA te tungtawn in veng mipi te meeting neih pih in omsek hi. Lamka khosung ah veng khenkhat Vengnuam, Vengnuam South leh Kanaan Veng chihte zoh in omta hi. Hiai hun ah ZRO apan Ketheos Zomi lawi in thugenna hun zang in veng mipite kiang ah *_"Kuki leh Hmar ten hon dou sawm uh ahi, huai dia i kiging ding uh ahi, nou veng inle na ki humbit na di ua galvan poimoh nahi uh"_* chiin veng defence committee te tungtawn a galvan lei na di chih suanlam in sum don ding thu genpih sek uhi. Himahleh hiai thu toh kisai Kuki leh Hmar ten hon dou sawm uh chih thu a chetna(proof) koimah ah muh ding leh taklat ding neilou uhi. Mipite a brainwashed theihna ding un 97 buailai thu pansan pi pen in neisek ua, mipiten ZRO/ZRA ah muanna a neih ua, a support ua Kuki te a huat theihna ding uh ahihnakleh chih lungsim a nei in hun paisa a bangmah thu leh laa gen leh sak om nawnlou dia Kuki Inpi leh Zomi Council in 1998 a kilemna suai ana kaihsa uh, 97 buaina toh kisai khangthak bangmah theilou te, a diak a 97 nung a piang te thuzoh theihna din pansan a nei in gen sek uhi. Hiai thu toh kisai Lamka Media team in suizuina hoihtak a kineih nung in Paite nam it bangzahhiam toh kimukhawm in maban ah panlak ding dan kingaihtuah khawm hi. Paite nam a piang a Paite ka hi kichi peuhmah in maban ah Zomi ten buaina a neih uleh neutral tak a om ding in hoih kisa hi. Tulel a Zomi min zang a mipite brainwashed sawm ten Paite pau mah zang tangpi ahihna uah, hiai toh kisai unau Kuki leh Hmar te apan kuate Paite support hi ua kuate Zomi support hi uhiam chih hon identify theihna ding un maban ah buaina a om ngei ngei leh Paite mipite a ding liauliau in *PAITE IDENTITY CARD* khat bawlkhiak hoih kisa hi. Hiai Paite I-Card ahihleh Paite kampau zang teng kiang ah issue ahikei ding a, Paite hihna ah dingkip a Zomi vai ah buailou leh namdang toh kituaktak a tonkhawm lunggulh a Paite hihna zumpih lou te kia in a neithei ding uhi. Hiai toh kisai unau namdang ten le hon na theihpih ding in i ngen ngal hi. *LAMKA MEDIA*