રાહુલ ગાંધીએ દશરથ માંઝીના પરિવાર સાથે મુલાકાત કરી: અડગ સંકલ્પને બિરદાવ્યો નવી દિલ્હી: કોંગ્રેસ નેતા રાહુલ ગાંધીએ આજે "માઉન્ટેન મેન" તરીકે જાણીતા દશરથ માંઝીના પુત્ર ભાગીરથ માંઝી અને તેમના પરિવાર સાથે મુલાકાત કરી. દશરથ માંઝીના અસાધારણ જીવન અને તેમની અમર વારસો પ્રત્યે આદર વ્યક્ત કરવા માટે આ મુલાકાત કરવામાં આવી હતી. આ મુલાકાત દરમિયાન રાહુલ ગાંધીએ દશરથ માંઝીના અડગ સંકલ્પની પ્રશંસા કરતા કહ્યું કે તેમનું જીવન એક શક્તિશાળી સંદેશ આપે છે કે જો કોઈ વ્યક્તિ મનોમન નક્કી કરી લે, તો "પહાડ જેવી મુશ્કેલીઓને પણ જડબાતોડ હાર આપી શકાય છે." બિહારના ગહેલૌર ગામના ભૂમિહીન મજૂર દશરથ માંઝીએ, પત્નીને સમયસર તબીબી સહાય ન મળતા થયેલી તકલીફ બાદ, વીસ વર્ષથી વધુ સમય સુધી માત્ર હથોડી અને છીણીનો ઉપયોગ કરીને એકલા હાથે પર્વતમાંથી રસ્તો બનાવ્યો હતો. તેમની અકલ્પનીય દ્રઢતાની આ સિદ્ધિએ વિશ્વભરના લાખો લોકોને પ્રેરણા આપી છે. આઈ ગુજરાત ન્યુઝ #igujaratnews #rahulgandhi #dashrathmanjhi