*ಮೊಗಿಲಿಚೆರ್ಲ ಅವಧೂತ ಶ್ರೀ ದತ್ತಾತ್ರೇಯ ಸ್ವಾಮಿ ಅವರ ದಿವ್ಯ ಚರಿತ್ರೆ - ನಲವತ್ತು ಒಂದು ದಿನ – ಶ್ರೀಧರರಾವ್ ಅವರ ಮನೆಯಲ್ಲಿ ಉಳಿದಿದ್ದ ಶ್ರೀ ಸ್ವಾಮಿ ಅವರು* ಓದುಗರೆ ನಮಸ್ಕಾರ, ಹೋದ ಭಾಗದಲ್ಲಿ ನಾವು ನಮ್ಮ ಮೊಗಲಿಚೆರ್ಲ ಅವಧೂತ ಶ್ರೀ ದತ್ತಾತ್ರೇಯ ಸ್ವಾಮಿ ಅವರು ನಿರ್ಮಲ ಪ್ರಭಾವತಿ ಅವರಿಗೆ ಮಾಲಕೊಂಡದ ಕೆಳಗೆ ತಿರು ಮಂತ್ರೋಪದೇಶ ಮಾಡಿದದ್ದು, ನಂತರ ಶ್ರೀಧರರಾವ್ ದಂಪತಿಗಳ ಮನೆಗೆ ಬಂದ ಶ್ರೀ ಸ್ವಾಮಿ ಅವರು ಆ ರಾತ್ರಿ ವಿಶ್ರಾಂತಿ ತೆಗೆದುಕೊಂಡು, ಎರಡನೇ ದಿನ ಬೆಳಿಗ್ಗೆ ಶ್ರೀ ಸ್ವಾಮಿ ಅವರ ಮಧುರ ಸ್ವರದಲ್ಲಿ ಭಜನೆ ಹಾಡುತ್ತಾ ಶ್ರೀಧರರಾವ್ ಅವರ ಮನೆಯಲ್ಲಿದ್ದರೆಂದು ಓದಿದ್ದೇವೆ. ಈಗ ಈ ಭಾಗಕ್ಕೆ ಬರುವಾಗ, ಮೊಗಲಿಚೆರ್ಲ ಒಂದು ಕುಗ್ರಾಮವಾಗಿದ್ದರಿಂದ ಶ್ರೀ ಸ್ವಾಮಿ ಅವರು ಶ್ರೀಧರರಾವ್ ದಂಪತಿಗಳ ಮನೆಗೆ ಬಂದ ವಿಷಯ ಸ್ವಲ್ಪ ಸಮಯದಲ್ಲಿಯೇ ಆ ಗ್ರಾಮದಲ್ಲಿ ಹರಡಿತು. ಜನರು ಶ್ರೀಧರರಾವ್ ಅವರ ಮನೆಯ ಮುಂಭಾಗ ಹಾಗೂ ಹಿಂಭಾಗದಲ್ಲಿ ಶ್ರೀ ಸ್ವಾಮಿಯನ್ನು ನೋಡಲು ಸೇರಿಕೊಂಡರು. ಹಲವರು ಶ್ರೀ ಸ್ವಾಮಿಯನ್ನು ದಿಗಂಬರರಾಗಿ ಕಂಡು ಅಪಹಾಸ್ಯವೆಂದು ಕಲ್ಲು ತೂರಿದರು, ಕೆಲವು ಮಂದಿ ಮಾತ್ರ ಶ್ರೀ ಸ್ವಾಮಿಗೆ ತಮ್ಮ ನಮಸ್ಕಾರಗಳ ಮೂಲಕ ಪುಷ್ಪಗಳನ್ನು ಸಮರ್ಪಿಸಿದರು. ಗ್ರಾಮದಲ್ಲಿ ಮತ್ತು ಶ್ರೀಧರರಾವ್ ಅವರ ಬಂಧುಗಳಲ್ಲಿ ಶ್ರೀ ಸ್ವಾಮಿಯ ಆತಿಥ್ಯದ ಬಗ್ಗೆ ಪರಸ್ಪರ ಮಾತುಕತೆ ನಡೆದವು. ಕೆಲವರು ಶ್ರೀಧರರಾವ್ ದಂಪತಿಗಳು ದಿಗಂಬರರನ್ನು ಮನೆಗೆ ಆಹ್ವಾನಿಸುವುದು ಅಶುಭವೆಂದು ಭಾವಿಸಿದರು, ಇನ್ನು ಕೆಲವರು ಶ್ರೀಧರರಾವ್ ದಂಪತಿಗಳು ಗುಪ್ತ ನಿಧಿಗಳನ್ನು ಹುಡುಕಲು ಈ ಸಂನ್ಯಾಸಿಯನ್ನು ಆಹ್ವಾನಿಸಿದ್ದಾರೆ ಎಂದು ಅಪಹಾಸ್ಯ ಮಾಡಿದರು. ಶ್ರೀಧರರಾವ್ ಅವರ ಕುಟುಂಬವು ಮೊದಲಿನಿಂದಲೂ ವಿವಿಧ ರೂಪಗಳಲ್ಲಿ ಸಾಮಾಜಿಕ ಜೀವನವನ್ನು ನಡೆಸಿದ್ದರಿಂದ ಇಂತಹ ವಿಭಿನ್ನ ಅಭಿಪ್ರಾಯಗಳು ಅವರಿಗೆ ಕಿಂಚಿತ್ತೂ ಕಾಡಲಿಲ್ಲ. ಶ್ರೀಧರರಾವ್ ಅವರ ತಾಯಿ ಸತ್ಯನಾರಾಯಣಮ್ಮ ಅವರು ಆ ದಂಪತಿಗಳಿಗೆ ಬೆಂಬಲವಾಗಿ ನಿಂತದ್ದು ಅವರಿಗೆ ಬಹಳಷ್ಟು ಬಲವನ್ನು ನೀಡಿತು. ಶ್ರೀ ಸ್ವಾಮಿಯ ಅವರನ್ನು ನೋಡಲು ಜನರು ಶ್ರೀಧರರಾವ್ ದಂಪತಿಗಳ ಮನೆಗೆ ಬರುತ್ತಿದ್ದರು. ಆದರೆ, ಎಷ್ಟೇ ಜನರು ಬಂದರೂ ಆ ದಂಪತಿಗಳಿಗೆ ತೊಂದರೆಯಾಗಲಿಲ್ಲ, ಶ್ರೀ ಸ್ವಾಮಿ ಅವರ ಅವರನ್ನು ದೇವಾಲಯವೆಂದು ಭಾವಿಸಿ ಅವರ ಮನೆಗೆ ಬಂದು ನೆಮ್ಮದಿಯನ್ನು ಕಂಡು ಸಂತೋಷಪಟ್ಟರು. ಶ್ರೀ ಸ್ವಾಮಿಯವರ ಸಾಧನೆಯ ವಿಷಯಕ್ಕೆ ಬಂದರೆ, ಸಾಮಾನ್ಯ ಮಾನವ ದೃಷ್ಟಿಕೋಣದಿಂದ ನೋಡಿದರೆ, ಶ್ರೀ ಸ್ವಾಮಿಯವರ ಸಾಧನೆಗೆ ಒಂದು ನಿರ್ದಿಷ್ಟ ಸಮಯ ಇರಲಿಲ್ಲ, ದೇವರ ಮನೆ ಮಾತ್ರ ಶ್ರೀ ಸ್ವಾಮಿಯವರಿಗೆ ತಿಳಿದಿತ್ತು, ಅದಕ್ಕೆ ಅನುಗುಣವಾಗಿ ಅವರು ಸಾಧನೆ ಮಾಡುತ್ತಿದ್ದರು. ಶ್ರೀ ಸ್ವಾಮಿಯವರು ಒಮ್ಮೆ ಧ್ಯಾನದಲ್ಲಿ ಮುಳುಗಿದರೆ, ಸಾಮಾನ್ಯ ಲೋಕದೊಂದಿಗೆ ಅವರಿಗೆ ಸಂಬಂಧ ಇರಲಿಲ್ಲ, ನಿದ್ರೆಗೆ, ಮಾತಿಗೆ, ಆಹಾರಕ್ಕೆ ಕೇವಲ ಧ್ಯಾನ ನಂತರ ಪ್ರಾಮುಖ್ಯತೆ ಕೊಟ್ಟರು. ಶ್ರೀ ಸ್ವಾಮಿಯವರಿಗೆ ಎಷ್ಟೊಂದು ಮನಶುದ್ಧಿ, ಏಕಾಗ್ರತೆ ಇತ್ತು ಎಂದರೆ ಕೆಲವು ಗಂಟೆಗಳ ಕಾಲ ಅಥವಾ ಕೆಲವು ದಿನಗಳ ಕಾಲ ನಿರಂತರವಾಗಿ ಧ್ಯಾನದಲ್ಲಿ ಕಾಲ ಕಳೆದರು. ಅವರ ಧ್ಯಾನ ಸ್ಥಳವು ಒಂದು ಶಕ್ತಿಧಾಮವಾಗಿ ರೂಪಿತವಾಯಿತು, ಆ ಸ್ಥಳವು ಸುಗಂಧಗಳಿಂದ ತುಂಬಿತ್ತು, ಒಂದು ನೀಲಿ ವಲಯವು ಆ ಸ್ಥಳದ ಸುತ್ತುಮುತ್ತಲೂ ಮೂಡಿತು, ಗಿಳಿಗಳು ಆ ಸ್ಥಳವನ್ನು ಆವರಿಸುತ್ತಿದ್ದವು, ಒಂದು ದೊಡ್ಡ ಹಾವು ಆ ಸ್ಥಳದ ಸುತ್ತಲೂ ತಿರುಗುತ್ತಿತ್ತು. ಈ ವಿಷಯಗಳನ್ನು ಕಂಡ ಸತ್ಯನಾರಾಯಣಮ್ಮ ಅವರು ಶ್ರೀಧರರಾವ್ ದಂಪತಿಗಳಿಗೆ ಶ್ರೀ ಸ್ವಾಮಿಯವರ ಸಾಧನೆ ಮಾಡುವ ಸಂದರ್ಭದಲ್ಲಿ ತಾವು ನೋಡಲು ಬಯಸಿದರು. ಶ್ರೀಧರರಾವ್ ದಂಪತಿಗಳು ಶ್ರೀ ಸ್ವಾಮಿಯವರ ಅಡಿಗೆ ಮನೆಯ ಹಿಂಬದಿಯ ಕಿಟಕಿಯಿಂದ ಶ್ರೀ ಸ್ವಾಮಿಯವರ ಸಾಧನೆಯ ದರ್ಶನ ಮಾಡಿದರು. ಆ ಸಮಯದಲ್ಲಿ ಶ್ರೀ ಸ್ವಾಮಿಯವರ ತೇಜೋಪ್ರತಾಪ ರೂಪವನ್ನು ಕಂಡ ಸತ್ಯನಾರಾಯಣಮ್ಮ ಅವರು ಆ ದಂಪತಿಗಳಿಗೆ "ಅವರು ಸಾಮಾನ್ಯ ಯೋಗಿ ಅಲ್ಲ, ಸಾಕ್ಷಾತ್ ದೇವ ಸ್ವರೂಪ, ನಮಗೆ ಇಂತಹ ಮಹಾನುಭಾವರ ಸಂಗತಿಯನ್ನು ಅನುಭವಿಸಲು ಇದು ಪೂರ್ವಸುಕೃತ" ಎಂದು ಹೇಳಿದರು. ಆದ್ದರಿಂದ, ಓದುಗರೇ, ಮೊಗಲಿಚೆರ್ಲ ಶ್ರೀ ದತ್ತಾತ್ರೇಯ ಸ್ವಾಮಿಯವರ ಮಂದಿರದಲ್ಲಿ ನೀಡುವ ಚಿತ್ರಗಳಲ್ಲಿ ಶ್ರೀ ಸ್ವಾಮಿಯವರ ರೂಪದ ಸುತ್ತಲೂ ಇರುವ ಕಿರಣಗಳು ಉಪಮಾನವಲ್ಲ, ಅತಿಶಯೋಕ್ತಿಯಲ್ಲ, ಅದು ಶ್ರೀ ಸ್ವಾಮಿಯವರ ಸಾಧನೆ ಫಲದಿಂದ ಉಂಟಾದ ದಿವ್ಯ ಸುಗಂಧವನ್ನು ಪ್ರತಿಪಾದಿಸುತ್ತವೆ. ನೀವು ಎಲ್ಲರೂ ಈ ಶ್ರೀ ಸ್ವಾಮಿಯವರ ಮಂದಿರವನ್ನು ಭೇಟಿ ಮಾಡಿ ಅನುಭವಿಸಿರಿ ಎಂಬುದು ನನ್ನ ವಿನಂತಿ. ಸರ್ವಂ, ಶ್ರೀ ದತ್ತ ಕೃಪ, ಪವನಿ ಶ್ರೀ ವಿಷ್ಣು ಕೌಶಿಕ್, ರಚನೆಗೆ ಸಹಕಾರ ನೀಡಿದವರು: ಶ್ರೀ ಪವನಿ ನಾಗೇಂದ್ರ ಪ್ರಸಾದ್ ಮತ್ತು ಶ್ರೀ ಪವನಿ ನಿರ್ಮಲ ಪ್ರಭಾವತಿ, ಕನ್ನಡ ಅನುವಾದ ಸಹಕಾರ:ಶ್ರೀಮತಿ ಶ್ವೇತ ಡಿ. ----- (ಮಂದಿರ ವಿವರಗಳಿಗಾಗಿ: ಪವನಿ ಶ್ರೀ ವಿಷ್ಣು ಕೌಶಿಕ್..ಶ್ರೀ ದತ್ತಾತ್ರೇಯ ಸ್ವಾಮಿ ಮಂದಿರ.. ಮೊಗಿಲಿಚೆರ್ಲ ಗ್ರಾಮ.. ಲಿಂಗಸಮುದ್ರ ಮಂಡಲ.. SPSR ನೆಲ್ಲೂರು ಜಿಲ್ಲೆ.. ಪಿನ್: 523114.. ಸೆಲ್: 9182882632)