*ادعم المنتج السوري… لأنك عم تدعم بيتك ومستقبل ولادك* 💫 اليوم، وبعد تخفيف جزء من العقوبات، عم نشوف غزو كبير للبضائع الأجنبية مثل سنيكرز، بيبسي، كيت كات، والألبسة الأجنبية... مغرية بالسعر والشكل، بس خلونا نسأل: 📌 *مين المستفيد الحقيقي؟* مو نحنا. 😞 لما تشتري منتج أجنبي، عم تطلع مصاريك برّا البلد، بوقت نحنا فيه بأزمة سيولة خانقة، والقطع الأجنبي شبه مفقود، والاقتصاد عم ينزف. * شو يعني هالشي؟ * وكيف بيأثر علينا مباشرة؟ ركّز معي شوي 🥺 * يعني ما في مصاري كفاية تدور بالسوق. * الشركات، المؤسسات، والمصانع بتخفف إنتاج، *وبتوقف توظيف* ، ويمكن تضطر تنزل الرواتب أو تأخرها. لأن ببساطة: ما في مبيعات = ما في دخل. والقطاع العام كمان بيتأثر، لأن الدولة ما عم يدخلها عملة صعبة كفاية لتغطي كل التزاماتها... ومن بين هالالتزامات: *رواتب الموظفين* . لما تشتري منتج أجنبي، حتى لو كان أرخص، عم تساعد بتخفيض فرص شغل، وبتأخير رواتب، وحتى بخسارة وظائف. لكن لما تشتري منتج سوري، حتى لو أغلى شوي: ▫️عم تعزز دورة المال داخل البلد ▫️عم تساعد الشركات والمعامل تشتغل وتوظف وهاد بينعكس على ثبات أو حتى تحسن الرواتب تدريجياً *دعمك للمنتج السوري مش بس واجب وطني، هو _وعي اقتصادي_ .* الصناعة المحلية عم تكافح، وكل منتج محلي بتشتريه يعني: ▫️فرصة عمل عم تبقى ▫️معمل عم يشتغل ▫️ *عائلة سورية عم تعيش بكرامة* ▫️واقتصاد عم يسترد عافيته شوي شوي الاستيراد العشوائي، خاصة للسيارات والسلع الكمالية، عم يسحب القطع الأجنبي بدل ما يُستخدم لتحسين الإنتاج، الرواتب، والخدمات الأساسية. ✨ أخيراً: كل مرة بتختار فيها المنتج السوري، عم تعطي الاقتصاد السوري نفس جديد، وعم تحمي مصدر دخلك بشكل مباشر. خلينا نكون واعيين… *خلينا نختار بلدنا قبل الماركة* . #ادعم_الصناعة_السورية #رواتبنا_مسؤوليتنا #منتجك_وطني #اقتصادنا_بحاجتنا #خلي_مصرياتك_بسوريا _____________________________________________________________ *Aleppo Community Club - نادي حلب المجتمعي*