يوم عرفة إيه اللي نصومه !! من سنة بالظبط، السوبر ماركت بتاعي حصل فيه ماس كهربائي، وولعت أكتر من تلت أربع البضاعة! كان قبل يوم عرفة بيوم، متخيل داخل علينا العيد وشغلي وحالي ومحتالي بح .. يعني لا فيه عيدية ولا عيد مفيش غير ديون .. هقضي العيد عليا بديون، وكنت لسه عريس جديد مبقاليش شهرين البضاعة اللي راحت بمبلغ كبير، أبيع مراتي اللي لسه عروسة دهبها ولا أستلف !! أروح للناس عشان أستلف كله يقولي - دى دخلت عيد يا طلعت معلش اعذرني اللي أقدر أعمله هعمله وكله على هذا الحال، لميت من معارفي وصحابى ٨٠٠ج، ودول بالنسبه للبضاعة نقطة في بحر! جه جاري عدى عليا وأنا ماشى - كل سنة وانت طيب يا أستاذ طلعت صيام بكرة متنساش ''أنا بيني وبين نفسى'' = ياعم صيام إيه أنا ناقص وجع قلب المهم زوجتي حبيت تواسيني فطلبت منط نخرج ونتمشى ووو حصل فعلاً، والخروجة مكانتش حلوة عشان اللي حصلى وحالي اللي وقف ! '' واحنا مروحين '' - مش هتجيب سحور ! = سحور !! - بكرة عرفة = احنا في إيه ولا في إيه - ربنا قدر كده وأكيد مش هينساك بس الصيام لابد منه ''المهم أصرت إني أصوم، وصومنا جينا ساعة الإفطار '' - ادعي = أدعي؟ - آه = بإيه - باللي نفسك فيه = نفسي فى ١٥ ألف جنيه، هدعي وينزلوا من السما - اللي خلق السما قادر على كل شيء '' مدعيتش طبعا وكبرت دماغي .. دعوة إيه اللي هتتستجاب بالطريقه دي '' '' بعدها بساعة رن واحد زميلي '' - طلعت انزلي على القهوة عاوزك '' نزلت على القهوة قابلته '' - بقولك يا طلعت مش هلاقي أنسب منك في كده = خير - واحد صاحبي قبض جميعة وعاوز مشروع يشغله قولت أهو فكرة لو تكلمه ويستسمر فلوسه معاك فرحت جدا كلم الراجل ونزلنا على القهوة = انا معايا ٣٠ ألف جنيه، ومحتاج أستثمرهم - انا السوبر ماركت بتاعى محتاج ١٥ ألف أجيب بيهم بضاعة ايه رأيك تحط نص الفلوس فى البضاعة والنص التاني فى تجديد المحل وليك ٥٠٪ مكسب من بعد ما تلم ال ٣٠ ألف جنيه تانى = ودول تضمنهملب في قد إيه - في ٣ شهور بإذن الله وعلى هذا الحال اتفقنا وجددت الماركت وكنت يومها ميت من الفرحه قبل اللي حصلي بأسبوع أمى جالها كانسر وعملنا تحاليل نتيجتها كانت يوم عرفة طلعت النتيجه بالسلب، يعني أمي مطلعش مريضة عاوز أقولكم إن أمي لما عرفت كدة عيطت اليوم كامل من كرم ربنا خلاص السوبر ماركت اشتغل وأمي طلعت سليمة نختم اليوم بقى مراتي رنت عليا تعالى عوزاك روحت البيت مالك أنا طلعت حامل في أول ابن لينا '' وهي يتنطط من الفرحه فجأه قالت '' شوفت الدعاء والصوم ليوم عرفة؟! الدنيا كله اسودت في وشي وجه في بالي إنس مدعيتش وإن كل ده حصل وكان ربنا بيقولى رغم إنك مدعيتش بس وقفت جنبك وفرحتك بدل المرة اتنين وتلاتة .. اتعلمت يومها الأدب درس من المولى عمرى ما هنساه هو جنبنا واحنا بنعبده، وجنبنا حتى وإحنا بعاد عنه ربنا كريم وقلبنا متعلق بيه وعمره ما يسيبنا كده لا حول لنا ولا قوة .. شوف رغم اني استهزءت بالدعاء ومكانس في نيتي الصيام .. وحصل كل ده! بعدها عدى العيد أهو وكنت بصلي فرض وعشرة لأ برضوا رغم كل اللي ربنه وقف جنبى فيه فلما ال ٣٠ ألف جنيه لما جيت ترجعهم لصاحبهم طلعت الحكايه مختلفه تماما اتصلت بيه عشان أديله فلوسه بعدها ب٣ شهور - بصراحة الفلوس دي مش بتاعة صاحبى دة ولا حاجه الفلوس دى بتاعت واحد مطلعها لله عشان مراته خفيت من الكانسر ! = يعني محدش عاوز مني فلوس ؟! لأ دي بتاعتك انت .. يومها روحت ودخلت اوضتي وفضلت أبكي بكاء الأطفال وكأن ربنا بيرد عليا ها عاوز مفاجآت تاني؟ كل لما أتخيل كرم المولى في حياتي رغم اني مش قريب منه أبكي، أبكي وأعيط على حسرة الوقت اللي فات فى الولا حاجة عرفة يعني ايه دعاء يوم عرفة، ويعني إيه صوم يوم عرفة أنا عرفت يعني ايه كرم المولى لمجرد إنه حاسس بيك 💗