*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵قلوب مشوهة* *❴🔢❵الـــبـــــــــــ❴الثالث❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #قلوب_مشوهة الجزء الثالث حاولت افتح عيوني بس ما قدرت .. فتحت عين وحده وضرب الضو مباشرة بعيني رجعت غمضت .. كان تمي ناشف كتير .. همست بصعوبة : بدي مي الممرضة : الحمدلله على السلامة مدام خليني انده للدكتور و لزوجك و والدتك رنا : مين انتي ؟..انا وين ؟ الممرضة : هلأ الدكتور بفهمك كل شي .. عن اذنك لحظة .. سمعت صوت خطواتها وهي طالعه من الغرفة ، بعد دقايق فات اكتر من حدا و مسكت امي ايدي هي وعم تبكي : الحمدلله على سلامتك يا روحي الف الحمدلله على سلامتك جلال بصوت مهزوز : رنوش هيك خوفتيني عليكي ؟ رنا : امي انا وين ؟ الدكتور : الحمدلله على سلامتك مدام رنا ، انتي بالمستشفى للاسف كان في حريق ببيتك واسعفوكي لعندنا رنا : بدي مي امي : دكتور بصير شربها ؟ الدكتور : اي بس كمية قليلة .. اول ما لمست المي شفايفي حسيت كأني الي سنين مو شربانه و صرت اشرقها كأني ولد صغير .. سحبت امي الكاسة قبل ما ارتوي بليت شفافي و تطلعت بعيني على جلال : انا اسفه .. نسيت الاكل على النار .. ما بعرف كيف هيك صار ... انا ما بعرف جلال : بسيطة طولي بالك المهم انتي منيحه الدكتور : مدام رنا انتي هل أ صاحية وما بدي ياكي تتوتري او تخافي .. انتي بأمان والك يومين عندنا تحت التخدير مشان ما تشعري بأي ألم .. وهلأ رح نضل نعطيكي مسكنات بشكل مستمر رنا : جلال .. جاسة جسمي كلو مشدود .. رفعت ايدي ولمست عيني الي مو قادرة افتحها لقيت عليها شاش وضماد : وعيني ليش مضمدينها ؟ رفعت ايدي بالهوا و قدرت شوفها .. اكيد هي مو ايدي لأ ! حركت ايدي يمين وشمال ولحقتها بعيني .. رجفو شفافي .. مسكت امي ايدي ونزلتها : ما تخافي كل شي رح يصير منيح بلشت حرك عيني لفوق وتحت عم حاول شوف اي شي ، رفعت ايدي التانيه كانت مضمدة .. كنت خايفه كتير اسئل .. وبنفس الوقت حابة اطمن .. سكتت شوي و صرت اتذكر اللحظات الأخيرة الي كنت واعية فيهن ، النار مسكت بتيابي انا وعم حاول طفيها .. وما قدرت اطلع من البيت بسبب الدخان الي خنقني و خلاني افقد وعيي رنا : جلال شو صار بالبيت ؟ امي : شو هالسؤال هاد ؟؟ بالحقيقه انا سألت هالسؤال لراقب ردة فعل جلال .. كنت متمنية يكون معصب و زعلان لانو احترق البيت .. بس هدوئو خوفني .. الظاهر في مصيبة اكبر من حريق البيت .. حطيت ايدي على شفافي و مررت اصبعي عليهن .. جزء حسيتو طبيعي وجزء كان فيه انتفاخات وملمس خشن .. خلال يومين ما لقيت حدا يحكيلي الصراحه و شو وضعي ، بس كانت الممرضة عم تعطيني دوا و المغذي معلق جنبي كل الوقت .. جلال يفوت لعندي يقعد معي ويحكي بقصص المدرسة و مواضيع تافه كتير وانا ساكته وما عم احكي شي .. باليوم التالت فتحت عيوني الصبح كان الدكتور و الممرضه و جلال و امي وابي و اختي موجودين كلهن بالغرفة .. الدكتور : صباح الخير رنا : شو في ؟ قربت الممرضة لعندي : اليوم بدنا نشيل الضماد عن وشك وان شاء الله بتقومي بالسلامة و بتتخرجي من عندنا بيومين تانين رنا : ايه والكل جاين يتفرجو علي يعني ؟ اختي : تضرسي بدل مو جاين نتطمن ؟ رنا : طيب يلا .. اتطمنو وطمنوني .. جلست ضهري و قرب الدكتور و بلش يفك الضماد شوي شوي و حسيت بوجع كأنو عم يشدلي بشرتي بس ما عملت اي حركة او صوت .. قبل ما حدا يحكي شي بلشو ينزلو دموعي لأني كنت حاسة انو في شي مو طبيعي عيني التانيه ما كنت قادرة افتحها بالكامل .. مررت ايدي على وشي وحسيت بملمس غريب جلال....اعطيني المراية بدي شوف وشي...لا تخاف علي بوعدك كون قوية بس ضلك جنبي....اعطيني ياها لو سمحت!! جلال : دكتور ممكن نحكي شوي برا ؟ رنا : جلال عم احكي معك ! جلال : رنا اسكتي شوووووووووي ... دكتور بدنا نحكي .. الدكتور : جلال طول بالك نحنا ما اتفقنا هيك جلال: بدي احكي معك كلمتين بتطلع معي ولا بحكي هون؟ الدكتور للممرضة : جدديلها الضماد لو سمحتي طلع هو وجلال من الغرفة و تطلعت بأهلي لقيتهن عم يهربو بعيونهن مني قربت مني الممرضة رفعت ايدي بوشها وصديتها ... : لو سمحتي لا تقربي انتبهت بوقتها على ايدي الي كانت مضمدة .. شهقت وصرت ابكي واصرخ : امي .. اميييييييييييي ... حضنتني امي هي وعم تبكي .. صار جسمي كلو يرجف و دموعي تحرق وشي .. لثواني كان قلبي رح يوقف .. قرب ابي لعندي و صار يهديني :لا تخافي ابي هي حروق بتتعالج بس بدها شوية وقت طولي بالك اختي : لو سمحتي اعطيها مهدئ ازا بتريدي الممرضة : يا خالة ممكن تبعدي عنها لنحطلها الضماد و نخليها ترتاح ! صرخت فيها : جيبيلي مراااااااااااااااااايه ... جيبيلي مرايه بدي شوف وشي على صوتي فات الدكتور و وراه جلال .. بلشو الكل يهدوني و ما رضيو يعطوني مراية ، ما كنت مستوعبة الي عم يصير ... كنت نام واصحى وان امو حاسه على حالي .. مجرد ما فتح عيوني ارجع حس بنعس ونام ..ضليت هيك اليوم كامل وبعد هاليوم لما صحيت تمنيت لو ابقى هيك العمر كلو .. يوم واحد قلب حياتي ، مجرد يوم .. كنت عروس الكل عم يحكو بجمالها .. رجعت على غرفة ببيت عمي وانا مغطاية و خايفه حدا يشوفني .. وقت ورجوني حالي بالمستشفى صرخت صرخه حسيت قلبي طلع من مطرحو حطت اختي ايدها على تمي و سكتنني وبكيت معي .. قرب مني جلال و قلي ما تخافي انا معك .. ما خاف من شو !! ما خاف من حالي !! ضلت امي نايمة عندي اسبوع ببيت حماي ، كنت ضل بتختي نايمة تحت الغطا وما بدي حدا يشوفني ودمعتي ما عم تنشف .. امي : امي رنا .. حبيبتي خلص طولي بالك كل شي بيتصلح .. هاد كلو من العين يخرب بيتهن داقت بعيونهن فرحتك حسبي والله ونعم الوكيل رنا : ماما خلص انتي ارجعي على البيت ما تشيلي همي امي : انا بدي ارجع مشانا تروك مجال لجوزك يفوت ويقعد جنبك رنا : شو صار ببيتي ؟ أمي : جلال جاب شغيله و عم يرممو البيت وينظفوه .. قولي من هون لشهرين بترجعو على البيت رنا : لهل درجه ؟ .. يلا بسيطه على الأقل البيت رح يترمم .. بس انا ! أمي : حاجه تحكي هيك .. انا رح شوفلك وصفات من الطب العربي و بترجعي متل الفلة ما تخافي طلعت راسي و تطلعت فيها : يعني في امل ارجع متل ما كنت ؟ أمي : اي طبعاً في امل .. حتى الدكتور قال ازا قررنا فينا نعمل عمليات تجميل بترجع بشرتك متل ما كانت بس بال أول منجرب الطب العربي والوصفات الطبيعيه رنا : مشان الله يا امي تساعديني .. حاسه حالي رح موت ما حدا حاسس فيني ببوس ايدك تعملي اي شي مشان الله أمي : لا تبكي تئبريني لا تبكي من بكرا رح جيبلك خلطة و امسحلك وشك وجسمك وبتشوفي بدك ترجعي احلى من قبل رنا : الله يسمع منك .. ان شاء الله راحت أمي من عندي و ضليت لحالي بالغرفة على طلبي ، ما كنت حابه شوف حدا و لا احكي حدا ... دورت على مراية بالغرفة بس ما لقيت .. المسا اجا جلال رميت حالي بحضنو وصرت ابكي رنا : صرت بشعه كتير مو قادر تطلع فيني صح ؟ جلال : لا تحكي هيك يا رنا رنا : لكن ليش ما عم شوفك جنبي ؟ جلال : عم اركض بين المدرسة و البيت .. عم ضل واقف فوق راس الشغيله ليخلصو بسرعه مو حابب نضل قاعدين هون رنا : بس انا بحاجتك كتير جلال .. كتير بحجاتك حاسه النار لهلأ شاعلة بجسمي ما عم اقدر نام ولا اكول شي .. كل ما غمض عيوني بتزكر المنظر الي شفتو .. يا ريتك ما تركتني هداك اليوم يا رييييييييييت ضميتو بقوة اكتر .. بس هو كان جامد كتير .. كأنو ما بدو قرب منو او كأنو مجبور على قربي .. رجعت شوي لورا وبعدت عنو : انا اسفه بعرف كل شي صار بسببي جلال : خلص لا تبكي حبيبتي رنا : امي قالت انو هي الحروق بتتعالج وبدها تجيبلي دوا جلال : دوا شو ؟ رنا : طب عربي بكرا بدها تجيبلي .. وازا ما مشي الحال منعمل عملية تجميل الي قال عنها الدكتور ؟ جلال : العملية بتكلف كتير رنا .. ما معي نص المبلغ الي بتكلفو خلص طولي بالك لنشوف شو بصير و ان شاء الله الحروق بتروح على الدوا الي حكت عنو امك.. فتلت وشي على الحيط وانكمشت على حالي وكملت بكي .. تمدد جلال جنبي بدون اي حركة .. بس عم اسمع انفاسو و حاسستو صاحي .. بنص الليل هديت بعد ما تعبت من البكي .. جلال : رنا نمتي ؟ رنا : _ _ _ قام من جنبي و طلع من الغرفة .. قمت ولحقتو و فتحت الباب شوي .. لقيتو رمي حالو على الكنباية الي بالصالة ونام .. رجعت لمكاني و كملت بكي .. #بعد_مرور_شهرين رنا : امي .. مرق شهرين وما استفدت على اي دوا جبتيه لك شو اعمل بحالي شووووووو اعمل شو اعممممل مسكت امي ايدي و هدتني مشان ما ضل اضرب بحالي : لك كتير خفو الحروق عن قبل انتي مو ملاحظة بس هن كتير اخف من قبل رنا : امي ما تضحكي علي ... انا جسمي بقرف .. و وشي مشوه جوزي ما عم يطيق يقرب علي عم يقرف مني ما عم ياكول شي من طبخي لك انا ما عاد متحمله بدي اتطلق بدي ارجع على البيت لك بدي موت لحالي وارتااااااااااح امي : لك يا مجنونة جوزك بحبك بس هو تعبان من زعلو عليكي ، كبري عقلك وبلا جنان لو واحد غيرو كان هو طلقك بس جوزك بحبك رنا : معقول ؟ امي : اي اصلا هو وصاني مشان جيبلك دوا منيح ، المهم ايمت راجعين على بيتكن ؟ تنهدت بتعب : الاسبوع الجاي منقدر نرجع بس مو حابه ارجع..عم اتسلى مع هالة تعودت عليها .. مو حابه اقعد لحالي صرت خايفه كتير ابقى لحالي بالبيت .. على الاقل هون ما بفوت المطبخ بنوب أمي :شو هالحكي هاد ؟ لازم تساعدي حماتك وبنت حماكي ! رنا : عم ساعدهن والله .. بس المطبخ ما بفوتو .. أمي : طيب طيب .. كملي انتي على هاد المرهم وبكرا راجعه لعند ام سلطان شوف شو عندها خلطات تانيه رنا : مل قلبي من الخلطات .. خلينا نعمل العملية وخلص مشان الله أمي : حبيبتي امي وحياتك عندي ازا ما مشي حال الكريمات والمراهم الك علي بيع دهباتي وخلي ابوكي يبيع الارض ونعملك العملية .. ولا بخليكي هيك تدبلي قدام عيوني رنا : عنجد امي ؟ أمي : اي طبعاً كيف لكن .. بس انتي اسمعي كلمتي وما تشيلي هم شي .. وجوزك ضلك سايريه لتمرق هالمشكلة بعد ما طلعت امي من عندي فاتت هالة .. هالة : شو طمنيني ؟ رنا : شوفة عينك .. متل ما انا هالة : رنوش ... جبتلك شغله رنا : شو ؟ طلعت كيس من وراض ضهرها واعطتني ياه رنا : شو هاد ؟ هالة : افتحيه اخدتو و لقيت فيه فستان حفر وقصير .. رنا : لمين هاد ؟ هالة : الك ! ما لحقتني تتهني بجهازك و شايفتك مو فاضيه تحكي راسك .. شفت هاد بالسوق وقلت بجيبلك ياه رنا : انا .. شو .. شو بدي اعمل فيه ؟ هالة : لك البسيه لجلال ! اخي بعدو عريس ما لحق يتهنى يعلي عليه نشف دمي وما عرفت رد شي .. انا دايماً عم البس لبس طويل وكامل رغم انو بختنق من الشوب بس ما برضى اكشف اي شي من جسمي .. تطلعت بالفستان بحرقة وهمست : بس انتي بتعرفي وضعي هالة :ممممممممم يمكن معك حق سحبتو من ايدي بقوة : خلص انسي اعطيني ياه بخبيه ألي .. ما رح ينفعك تطلعت فيها وانا ساكته .. اكيد عم تمزح ! هالة : ما بدك تتغدي انتي ؟ رنا : امبلى بس كأنو تأخرتو بالغدا ؟ هالة : يوووه نحنا تغدينا من ساعه و جلال تغدا ونايم برا رنا : ليش ما ندهتولي ؟ هالة : امك كانت عندك رنا : وإذا .. شو يعني ؟ هالة : ما بعرف ما حبينا نزعجكن ! رنا : خلص ما بدي اتغدا مو حاسة حالي جوعانه . . رح نام شوي ____ ____ ____ بقول المثل لا تقول عن المنيح منيح إلا كل يوم بيومو .. يمكن هالة كانت متعاطفة معي بأول فترة بس بعدين بلشت تتغير .. بعد فترة رجعت طلعت على بيتي كان فرشو بسيط كتير عكس اول مره فتت عليه .. حتى غرفة نوم ما جاب جلال .. رنا : جلال كأنو البيت مو جاهز ؟ جلال : مزبوط بس هاد المتوفر حالياً منمشي حالنا رنا : تمام المهم نكون مع بعض .. قربت لعندو ولفيتو بايدي : اشتقتلك كتير .. ضمني لصدرو ومسح على راسي : وانا مشتاقلك كتير رنا .. يا الله شو مشتاقلك .. لهلأ ما عم سدء الي صار .. حاسس حالي ضايع .. مخنوق .. سامحيني انا بعدني تحت تأثير الصدمة .. انا تركتك الصبح منيحه ما فيكي شي .. كانت حياتنا بتجنن و رجعت لقيت كل شي رماد رنا : انا مو رماد ... انا موجوده .. يمكن شكلي تغير بس بعدني رنا الي بتحبك كتير .. وانتب تحبني صح ؟ جلال : ايه بحبك بس تعبان كتير ... تحمليني لارتاح شوي و استوعب الي صار .. بعد ايدي عنو و اعطاني ضهرو : انا اسف رنا : جلال جلال : اي ؟ رنا : ازا بدك تطلقني طلقني .. التفت علي و رد بصوت عالي : شو عم تخبصي انتي .. مستحيل طلقك رنا : لانك شفقان علي ؟ انا رح اتعالج وبرجع احسن من اول مع الوقت عادي كل واحد منا يشوف طريقو ويكمل فيه جلال : بلا هالحكي الفاضي .. فايت ارتاح جوا مشان نروح نتعشا عند اهلي رنا : منتعشا هون جلال : لا ببيت اهلي رنا : بتقرف تاكول من تحت ايدي ؟ جلال : رنا رنا : حاج تصرخ كلنا منعرف نصرخ جلال ... احكي بصراحه شو المشكلة .. بتقرف من طبخي ؟ جلال : لا بس ما بدي تفوتي على المطبخ رنا : عذر بايخ جلال : هاد الي عندي .. _ ___ ___ حياة باردة ، وايام بدون طعمة ... والبنت الي كانت كلها حياة و امل ما عاد الها نفس تعيش .. عم جرب كل المراهم والكريمات .. كل الاعشاب و الوصفات ... و جلال عم يبعد عني اكتر و اكتر ... لدرجة صار يغيب بالأيام وانا لحالي بالبيت قاعده عم اتطلع بالمرايه بلشت اتعود على شكلي ... مو بشع كتير ! .. مو منظر مخيف .. ليش جلال عم يهرب مني ؟ ... المشكلة روحي معلقه فيه كل ما فكر اطلع من هالبيت بيوجعني قلبي بكفيني شم ريحتو و حس انو موجود حوالي ! اكيد بس ارجع لطبيعتي رح يرجعلي جلال الي بحبني وبعشقني .. اكيد ! سمعت جرس البيت ورحت فتحت كانت امي على الباب رنا : اهلين امي امي : ورجيني كيف صرتي رنا : ههههههههه متل ما انا امي : بسيطة بسيطة هالمرة جبتلك حل مضمون رنا : شو خير ؟ وصفه جديده ؟ امي : لا ... سألت كتييييير واخر شي بعتوني لعند وحده بتقدر تساعدنا رنا : دكتورة يعني ؟ أمي : لأ رنا : لكن ؟ قربت امي لعندي وهمست : ساحرة رنا : ههههههههههههه ممتاز أمي :شبك؟؟؟؟؟؟ رنا : عم تحكي عنجد انتي ؟ أمي : لك ايه ...هي الساحرة الها سمعة وسيط .. وبتقدر تعمل كل شي ومكشوف عنها الحجاب .. بدنا نستأجر سيارة واخدك لعندها لنشوف ازا بتقدر تساعدك .. بس ما بدنا نحكي لحدا رنا : امي ... ساحرة ساحرة عنجد ؟ امي : يوووه خلص انتي ما عليكي الا تنفذي رنا : انا سايرتك وما خليت شي ما حطيتو على جسمي بس ما بتوصل فيني روح على ساحرة ، انتي وعدتيني ازا ما فادو المراهم تعملولي عملية التجميل مو هيك وعدتيني ؟ أمي : وانا عند وعدي بس منحاول اخر محاولة رنا : لا ما بدي روح خلص صرت حاسة حالي فأر تجارب بكفي مشان الله بكفي ارحميني فتت على المطبخ وتركتها .. لحقتني وهي عم تحكي بعصبية : هلأ صار الحق علي عم اركض كل النهار مشان نلاقيلك حل بهل مصيبه الي عملتيها بحالك ؟ جوزك متل الفلة رح يطير من ايدك .. وبيتك شوفي شو عملتي فيه وحياتك كلها موقفه .. وهلأ عم تدللي رنا : ماشي ماشي معك حق بس ما بتوصل نروح لعند ساحرة .. الساحرة ما رح تعطيني جلد جديد ... امي : بس ممكن تفك عنك العين والحسد لان كل شي صار فيكي بسبب عين حسودة رنا : كيف ؟ أمي : اي متل ما عم قلك ... الكل جن من جمالك الله لا يوفقهن وهي المرا بدها تعرفلنا مين حسدك و تفك الحسد رنا : _ _ أمي : وينو جوزك ؟ رنا : ما بعرف عند اهلو .. مين قلك انا بشوفو لجوزي .. ضلت امي ايام تروح وتجي وتحكي بالموضوع وانا ارفض لان ماني مقتنعه بنوب .. جلال : رنا شو صار معك انتي وامك ؟ رنا : بشو ؟ جلال : شو بشو ؟ رنا : شوفة عينك .. بس يصير شي فوراً رح تعرف .. جلال : ايوه .. خير لكن .. انا رايحه لعند امي رنا : جلال وين رايح الساعه 11 !!! جلال : اي بسهر عندهن رنا : وليش ما تسهر عندي ؟ ولا وشي ما بيساعد للسهر؟ جلال : رجعنا لنفس النغمة رنا ؟ رنا : خلص روح .. روح معك حق .. انا لو مكانك ما بتحمل شوف حالي عنجد معك حق .. نزلت دمعتي .. وقرب لعندي وضمني : لا تحكي هيك يا عمري رنا : شو اعمل ازا ما عدت حلوة ... معقول ما في ولا شي تاني حبيتو فيني ؟ جلال : طيب خلص هاد كلو مشان السهرة ؟ هي احلى سهرة هلأ لعيونك رنا : رح تسه ر معي ؟ جلال : اي مو هيك بدك ؟ رنا : اي طبعاً بدي .. خليني قوم حط شوية نقرشات ؟ جلال : ماشي .. قمت على المطبخ و حطيت فواكي و موالح .. فكرت اعمل شاي بس يمكن موجاي على بالو خليني روح اسألو .. رجعت على الغرفة وقبل ما وصل على الباب جلال بهمس : اي حياتي جهزيلي حالك شي ساعه ساعتين بجي لعندك يا قطة .. بس لتنام رنا حبيبي ما بتأخر عليكي