*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵قلوب مشوهة* *❴🔢❵الـــبـــــــــــ❴الخامس❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #قلوب_مشوهة الجزء الخامس ام سلطان : ما تخافو ما تخافو .. تعالو خلينا نقعد نستنا دورنا أمي : لك شو نستنا دورنا انا ركبي قصفو من الخوف ام سلطان شو عم يصير هون ؟ ومن وين هالصوت الي طلع ؟ ام سلطان : حاجتك اسئلة انا شو بعرفني !!! انا كان عرقي عم يشر مني و عم دور بعيوني من وين اجا هالصوت ، بعد شوي انفتح باب على يميني و طلعت منو وحده ملثمة و قالت الي دورها هلأ تفوت يلا .. قامو اربع نسوان مع بعض ولحقوها وقعدنا نحنا مطرحهن وامي عم تولول وتقلي مشان خلينا نطلع وانا قلها اصبري شوي لنشوف شو عم يصير جوا !! بعد تلات ساعات وصل الدور لعندنا .. فتنا نحنا التلاته ولقينا حالنا بغرفة فاضيه ، سألتنا الملثمة مين صاحبة العلاقة ؟ اشرت علي ام سلطان : هي الملثمة : طيب انتو بتستنو هون وهي بتفوت ، ممنوع كلكن تفوتو مسكتني امي من ايدي : يا بفوت انا وياها يا ما بتفوت الملثمة : لكن يلا لبرا همست لأمي : خلص خليني فوت ما تخافي ، ما في شي بيخوف كل الي فاتو قبلنا طلعو أمي : شو جنيتي انتي ؟ كيف الك قلب تفوتي هالفوتة لحالك ؟ انا رح ينشف دمي من هالمكان خلص ما عاد بدي نشوف هالساحرة قلبي مو مرتاح رنا : خلص امي ازا تأخرت الحقيني .. النا من الصبح ناطرين مو معقول هلأ نرجع ! بعد ما اقنعتها ام سلطان انو هيك عادي وانو (أمنا) وردية بتحب الهدوء والتركيز ..فتت مع الملثمة مشينا بممر طويل ومعتم ، بعدين فتنا لعند أمنا وردية .. كانت قاعده على منصة عالية والغرفة كلها دخان بخور ريحتو بتغب عالقلب .. صرت اسعل واتطلعت على الملثمة لاسألها شو بدي اعمل هلأ .. بس ما عاد لقيتها حوالي .. رنا : مــ ــ .. مرحبا ! وردية : جوزك بدو فك رقبة يا رنا رنا : أ..أ..أنا ؟ .. عم تحكي معي ؟ انا ؟ وردية : تعالي لهون .. ____ _ ___ بعد نص ساعه طلعت من باب تاني ولقيت امي وام سلطان عم يستنوني برا كنت شاردة ومو عرفانه شو احكي أمي : شبك ؟ شو صار ؟ ليش ساكته ؟ شبو وشك هيك اصفر متل الليمونة ؟ ام سلطان : رنا فهمينا مشي الحال ؟ تطلعت فيهن وحكيت بتردد : اي .. يمكن مشي الحال .. رجعنا على البيت وانا كل الطريق شاردة وعم فكر بالي صار جوا ، بحياتي ما تخيلت فوت هيك مكان واتعامل مع هيك بشر ... كنت خايفه حتى فكر بشي سيء لان صرت اتخيل انها ممكن تعرف شو عم فكر .. وصلنا على البيت وفتت نمت لتاني يوم .. كنت تعبانه كتير ما بعرف ليش .. تاني نهار فتت لعند ابي وطلبت منو يحكي مع جلال مشان يجي ياخدني على بيتي أبي : ايوه .. اي سكري عالموضوع بس يجي هو ياخدك بتروحي معو غير هيك ما عندي أمي : جنيتي انتي من وين طالعه بهاد الحكي ؟ رنا : لك شبكون هيك كأني حاكيه شي غلط .. بدي ارجع لعند جوزي مو طالبة شي لا عيب ولا حرام أمي : لكن ليش طلعتي من عندو اه ؟ رنا : أنا .. أبي : ما في داعي للاخد والعطى .. ازا اجا اخدها جوزها ماشي غير هيك ما عندي .. رنا : اووووف ياربي هاد الي كان ناقصني .. أمي : ايه لا .. عنجد جنت البنت عالخالص !! طلعت من الغرفة وقعدت لحالي عم فكر ، بعدين قمت اتصلت من الهاتف على جلال و حكيت معو .. جلال : الو ؟ رنا : الو .. مرحبا جلال هي انا رنا جلال : كيفك ؟ رنا : مشتائتلك .. انت كيفك ؟ جلال : انا .. انا رنا : شو ؟ جلال : انا اسف كتير رنا ما كان بدي يصير هيك رنا : بعرف .. انت بتحبني و احزر شو ؟ انا اهلي رح يعملولي عمليات تجميل على حسابهن ورح ارجع احلى من الاول .. بس ليبيع ابي الأرض .. هلأ تعال خدني لان ما بدي ضل بعيده عنك جلال : يعني سامحتيني ؟ رنا : اي سامحتك وبدي ارجع على بيتي جلال : بس .. قمر قاعده بالبيت .. ضغطت على اسناني بقهر : شو يعني ؟ جلال : يعني بصير تتحمليها شوي لتطلع وترجع على بيت اهلي ؟ رنا : اي ما في مشكلة ، بتحمل ليش ما بتحمل جلال : طيب ايمت اجي اخدك ؟ رنا : هلأ .. بس لا تقول لابي انو انا الي اتصلت عليك لانو زعلان منك وماخد على خاطرو .. جيب مرت عمي وتعالو خدوني جلال : بجي انا لحالي ، امي زعلانه كمان من امك .. رنا : يوووه .. طيب خلص ماشي رح استناك .. سكرت الخط وفتت على غرفتي استنا لشوف شو بدو يصير عالعصر دق باب بيتنا قمت بسرعه لافتح بعدين رجعت قعدت على اساس ما معي خبر بشي .. سمعت صوت جلال على الباب و فوراً نزلو دموعي .. ثواني و فاتت لعندي امي هي ومبسوطة أمي : جوزك اجا .. اكيد بدو ياخدك وما قدر يعيش بدونك .. شفتي مو قلتلك انو بحبك ؟ رنا : ايه شايفه .. ما قدر يعيش بدوني هه ! أمي : قومي البسي وزبطي حالك رنا : هههههههههههههههههههه تلبكت امي وفهمت علي ليش ضحكت رنا : اخخخ الله يصلحك يا امي ، حكياتك بضحكو طلعت من الغرفة بدون ما ترد .. وانا قمت ضبيت غراضي و نطرت شي ساعه اجا ابي وقلي جهزي حالك لتروحي مع جوزك رنا : جاهزة .. اطلع ؟ ابتسم ابي وقلي اطلعي .. طلع من البيت و كان جلال ناطرني بالسيارة برا .. مشيت باتجاهو انا ومنزلة راسي .. وقعدت بالسارة من ورا .. جلال : كيفك رنوش ؟ رنا : منيحه انت كيفك ؟ جلال : انا منيح الحمدلله .. ومبسوط برجعتك بيتك رح ينور بوجودك ابتسمت بخبث : له .. منور بصحابو حبيبي ... كنت عم اتطلع على المراية الأمامية .. ولا لحظة حاول يلتفت يتطلع علي او يسرق نظرة من المرايا .. لهل درجة شكلي بخوف !! وقفت السيارة قدام بيتي .. نزل و فتحلي باب السيارة .. ابتسملي وعيونو بالأرض : تفضلي .. اعطيني الشنتاية عنك .. كانت البرندة مشطوفة من شوي .. و الزريعه مسقيه .. الحياة ماشيه بدوني و بيتي مو ناقصو اي شي .. قبل ما اوصل على الباب سبقني جلال و فتحو : تفضلي فوتي .. بعدين عيط بصوت عالي : يا قمر نحنا وصلنا .. رجفت ايدي وحسيت حالي ما عاد متوازنه .. استندت على الحيط وبلعت ريقي لما سمعت صوت ناعم كتير جاي من جوا : اهلا وسهلا .. تفضلو فوتو رفعت عيوني وتطلعت فيها ، كانت اسم على مسمى .. عنجد قمر ... بنت صغيرة كتير وناعمة ... اخدت الأغراض من جلال و ركضت فيهن على المطبخ جلال : فوتي مسحت جبيني من العرق و فتت .. ريحة البيت فل وياسمين و فيه فرش جديد حطيت ايدي على تمي وصرت ابكي بحرقة و قهر .. جلال : رنا لا تبكي .. خلص طولي بالك .. انا اسف بس يعني رنا : ما تحكي شي .. انا بس تعبانه شوي .. بدي فوت ارتاح مشيت باتجاه غرفتي .. وقفني صوتو جلال جلال : مو هون .. هي غرفة قمر طلعت قمر من المطبخ : لا لا عادي تفضلي ارتاحي فيها .. مو مشكلة جلال مناخود نحنا غرفة تانيه التفتت عليها وتطلعت فيها بقرف .. بس التقو عيوني بعيونها نزلت راسها ورجعت ركضت على المطبخ كأنها خافت مني .. ضحكت انا وعم فكر معقول خافت من شكلي !! فتحت باب الغرفة وفتت .. وقفلت الباب بالمفتاح .. شلحت تيابي و فتحت الشبابيك وقعدت اتفرج على الغرفة حوالي...كلها دباديب و ورود .. متل غرفتي لما كنت عروس .. ما لحقت اتهنى فيها .. راحت بسرعه وراح معها كل شي حلو دق جلال على الباب : رنا يلا تعي خلينا نتغدا سوا رنا : يلا جايه .. مسحت دموعي و تطلعت بالمراية وحكيت مع حالي : شايفه كيف شكلك قاسي ومشوه ؟ لازم كمان تصيري هيك قاسيه ومشوهة من جوا .. مشان تاخدي حقك من الي حرقو قلبك .. وخلوه يصير مشوه .. كان لازم كون قوية كتير ومتماسكة ، رجعتي على البيت ما كانت قرار سهل ابداً .. بس كانت ضرورية مشان نفذ الي طلبتو مني الساحرة وردية ...و بسبب اوامرها رجعت لهون... #يتبع