*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵قلوب مشوهة* *❴🔢❵الـــبـــــــــــ❴السادس❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #قلوب_مشوهة الجزء السادس طلعت لعندهن وكانو حاطين السفرة وعم يستنوني .. قعدت انا وساكته .. اعطتني قمر رغيف خبز هي ومبتسمة قمر : جلال قال انك بتحبي البامية وعملتلك بامية برز وبامية ببندورة و بامية مقلية وصينية بامية بالفرن ضحك جلال : هههههههههه بربي انتي مجنونة ما ضل الا تعمليلنا بامية بالعسل .. مشان التحلاية يعني صفنت قمر شوي كأنها مو فهمانه : ليش ما قلتلي كيف بتنعمل كنت عملتها ! جلال : هههههههههههههه قمر : شبك عم تضحك ؟ انتبه علي جلال انو عم اتطلع فيهن بعصبية .. صار يسعل و حط عينو بالأكل : يلا بسم الله الرحمن الرحيم خلونا ناكول .. اكلت كم لقمة وحسيتهن و قفو بحلقي وما عاد نزلو .. كانت قمر كل الوقت عم تحكي ما سكتت ولا لحظة .. بتحكي بكل شي وحكي فاضي و تافه كانها ما بتعرف شي بالحياة .. وجلال يحاول يختصر المواضيع و يحكي معي .. رميت الخبز من ايدي وقمت .. قمر : وين رايحه ضرتي معقول الاكل ما عجبك ؟ رنا : انا مو ضرتك وليه انا مو ضررررررررررتك صرخت فيها بصوت عالي وتركتهن وفتت وسمعت صوتها هي وعم تبكي برا .. بنت صغيره جابها و فضلها علي و تركني واجه مصيري لحالي .. كل شي كان كذب .. كل الحب الي حكالي عنو و الوعود طلعت كذب .. هلأ صار يعاملني كأني اختو مو كأني مرتو .. مخليني عندو شفقة .. كلهن بيستاهلو الحرق .. كلهن .. كلهن .. كانت النار عم تكبر بصدري و الوجع عم ياكلني اكل ، بعد يومين قمر ضبت غراضها وراحت على بيت اهلو لجلال .. بس ما كان يقعد عندي يرجع من شغلو لعندها ياكول و يجي ينام العصر و بس يصحى يرجع يطلع وضل ببيت اهلو للساعه تنتين بالليل يجي لعندي .. وبيوم من الأيام .. لما رجع لحقتو قبل ما ينام وحكيت معو رنا : جلال ليك قبل ما تنام بدي قلك شغله .. جلال : اي شو في ؟ رنا: كنت بدي روح على بيت اهلك .. بدي اعتذر من امك مشان الي صار جلال : ما في داعي امي مو زعلانه منك لتروحي تعتذري رنا : خلص لكن بروح بسلم عليهن ؟ لا امك ولا اختك اجو لعندي من وقت ما رجعت .. يا زعلانين مني .. يا قرفانين يشوفوني جلال : لا حول ولا قوة الا بالله رنا : لك شبك ممنوع روح على بيت اهلك يعني ؟ ازا ممنوع قلي ! اعطاني ضهرو وتغطى : لا مو ممنوع خلص اعملي الي بدك ياه رنا : ايه ماشي لكن بكرا بروح لعندهن وانت بالشغل .. تصبح على خير .. حطيت راسي لنام و بلش قلبي يدق بسرعه من الخوف ، لازم جيب الي طلبتو مني وردية و اخدلها ياه .. تاني نهار الصبح ضبيت البيت ونزلت على بيت حماي ، كانو لسه عم يفطرو وتوترو كتير من جيتي لعندهن .. حاولت كون طبيعيه بس صوت ضحكة هالة و قمر كان متل سكاكين عم تقطعني ... كانو عم يشتغلو سوا و يضحكو و ييتناقرو ويضربو بعض .. وانا عم اتأمل جمال قمر و شعرها الطويل الي عاملتو جدولة وعم يتحرك وراها وانا شعري كلو محروق و مقطع .. قمت ساعدهن بالشغل .. فتت انا و هالة على المطبخ كانت هي عم تجلي و وقفت انا وراها .. رنا: هالة .. هالة : اي.. رنا : ليش عملتي فيني هيك ؟ وقع الصحن من ايدها .. نزلت على الأرض وبلشت لملمو : انتي الي جبتي قمر .. عرفت انها اخت رفيقتك .. مو على اساس كنتي تحبيني ؟ على الأقل كنتي خبريني ... بتعرفي اديش بشع اعرف انو الكل مخبين عني وعم يضحكو علي وانا متل الهبلة ؟ لو حكيتولي كان احسن بكتير .. لو خليتولي بس شوي من كرامتي اخدها و فل وبعدين اعملو الي بدكن ياه .. هالة : _ _ _ وقفت وحطيت بقايا الصحن على المجلى وقربت منها تطلعت بعيونها : صحيح انا مشوهة .. بس لسه بحس و بتوجع متل اي مرا هالة : انا .. انا رنا : انتي شو ؟ هالة : قمر مسكينة كتير وهي ما دخلها يعني هي بعدا طفلة ، و امها كانت بدا تجوزها لختيار مشان تاخود بدالها مصاري لانو ما معهن يعيشو .. وانا خفت عليها لانو البنت ما بتعرف شي و رنا : و قلتي خلص رنا صارت للزبالة ما عاد تنفع بجوز اخي ببسطو وبجيبلو بنت حلوة بدال الحلوة الي كانت عندو واحترقت ؟ فتلت وشها عني : رنا لو سمحتي لا تعتبري الموضوع شخصي .. اخي هيك هيك كان رح يتجوز بس ما كان في وقت مع قمر .. بعدين خليكي واقعيه انتي مو بشعه انتي صرتي بتخوفي بكفي اخي مخليكي عندو شو بدك اكتر من هيك ... حطيت ايدي على شعرها شوي شوي .. و قطعت تلات شعرات بسرعه .. هالة : آآآخ ..شبك ! رنا : اسفه اسفه .. سوراتي حلقت بشعرك ... خلص انسي انتي معك حق .. الي عملتيه انتي صح .. انا بدي ارجع على بيتي ارتاح شوي هالة : خليكي تغدي معنا ازا بدك رنا : لا ما في داعي .. يلا سلميلي على جلال لانو بيرجع لعندك قبل ما يرجع لعندي .. طلعت من عندهن بسرعه انا وماسكة شعرات هالة بايدي منيج ، اول ما فتت على بيتي تطلعت عليهن وتأكدت انو قطعتهن من الجذور .. لان وردية قالتلي لازم يكونو بجذورهن .. اتصلت فوراً بام سلطان و طلبت منها تاخدني لعند وردية لان كنا متفقين على شغل وطلبت منها ما تقول لأمي ، اعتذرت مني ام سلطان وقالت انو عندها شغل وما فيها تروح.. بس وعدتها اعطيها مصاري و هددتها انو ازا عرفت وردية بتزعل منها كتير .. كان لازم اخود الشعرات بنفس اليوم .. بعد ما اتفقت مع ام سلطان التقيت انا وياها بالطريق و وقفنا سيارة ... و مشينا على المكان الي رحنا عليه اول مره .. وكل الطريق وانا طقطق اصابعي و اتطلع حوالي بخوف .. ام سلطان : رنا ليش ما خبرتي امك ؟ وشو الشغل الي بينك وبين امنا وردية ؟ رنا : اه ؟ .. لانو .. يعني ما بدي غلب امي بهل شغله المكان بعيد وامي صحتها مو مساعديتا .. بعدين ما فيني قلك شو الشغل الي بيناتنا لانو أمنا وردية بتزعل مني ومنك .. حطت ايدها على تمها : اي اي خلص ما تحكيلي .. خلص متل ما بدك .. مع انو اخدنا ساعتين لوصلنا بس حسيت وصلنا بسرعه ، نزلت انا وخايفه كتير و حاضنه شنتايتي .. وكملنا مشي لوصلنا على المكان .. كان البيت كلو مصبوغ بأحمر ومتغير عن المره الماضيه .. فتنا لجوا ونطرنا دورنا .. لوقت ما اجت الملثمة وفوتتني لجوا .. وفتت لعند الساحرة الي كانت عم تستناني .. مدتلي ايدها هي ومنزله وشها ما قدرت شوف ملامحها رنا : شو ؟ وردية : اعطيتني الشعرات رنا : اي حاضر .. طلعتهن من الشنته وكنت لاففتن بمحرمة .. اعطيتا ياها .. سحبت ايدها لورا وصرخت فيني : طلعين من المحرمة واعطيني ياهن طلعتن انا وعم ارجف وحطيتن بايدها .. وردية : طيب...قلتيلي بدك نوقف نصيبها و ما تتجوز بعمرها رنا : ايه مزبوط يا أمنا .. بدي احرق قلبها متل ما حرقت قلبي وجوزت جوزي علي .. و قلتيلي بيطلع بايدك مزبوط ؟ سكتت وما ردت علي ... كان قدامها حجر اسود .. حطت الشعرات عليه وصارت تحط شغلات فوقهن .. حاولت شوف شو الي عم تحطو .. كانت الريحة بشعه كتير و في دم .. قربت شوي منها وشفتها مسكت حجر وبلشت تدق كل شي مع بعضو والريحة تصير ابشع كتير لدرجة لعت نفسي و معدتي وجعتني .. صار الدخان يزيد كتير بالغرفة .. و صارت الساحرة تصرخ بصوت عالي كأنها بتنادي على حدا .. رجعت خطوة لورا .. صرخت فيني وقالتلي ضل واقفه مطرحي وما اتحرك .. جمدت مطرحي وصرت ابكي وغمضت عيوني ... حسيت كأنو في حدا تاني معنا بالمكان وما عم افهم شي من الي عم تحكيه الساحرة .. بعد دقايق ما عاد تحملت ... وغبت عن الوعي .. __ _ أم سلطان : رنا .. لك رنا ... قومي الله لا يوفقك بدك تجيبيلي مصيبه رنا : وين انا ؟ شو صار ! أم سلطان : قومي خلينا نمشي .. قومي موتيني رعبه سندتني ام سلطان و قومتني ... كنا بالشارع برا وانا كنت ممدده بالطريق .. وقفنا سيارة و طلعنا و انا حاطه راسي على كتف ام سلطان ومو قادرة احكي ام سلطان : كنت رح موت من رعبتي فكرتك متي .. رنا : فهميني شو صار ؟ ام سلطان : ما بعرف ... كنت ناطرتك برا و طلعتك لعندي الملثمة وانتي بهي الحالة .. سكتت شوي ورجعت كملت : اي واعطتني شغله قال اعطيكي ياها رنا : شو هي ؟ طلعت من شنتتنا كيس صغير من القماش لونو اسود .. مسكتو بايدي و فوراً رجعت رميتو لان ريحتو بشعه كتير ام سلطان : لك لا ترميه على الأرض .. رنا : شو هاد شو بدي اعمل فيه ؟ ام سلطان : شو بعرفني انا شو هاد .. انتي الي كنتي عندا جوا رنا : شو فيه طيب ؟ ام سلطان : ازا مستغنية عن حياتك افتحيه و شوفي شو فيه ؟ رجعت اخدتو و حطيتو بالشنته : ما حكتلك شي تاني ؟ ام سلطان : اي قال ارجعي ادفعي الحساب احسن ما تبعتلك حدا ياخدو رفعت حواجبي : شو يعني ؟ ام سلطان : يعني احسنلك ارجعي بلا ما تبعلك رفقاتها يجيبو المصاري غصب عنك حطيت ايدي على راسي و غمضت عيوني : طيب طيب .. ماشي .. وصلتني ام سلطان على بيتي واعطيتها المصاري مشان ما تحكي شي لامي .. كانت الدنيا مغرب .. فتت على البيت و حسيت في حركة جوا .. وصلت لغرفتي وسمعت فيها صوت .. فتحت الباب فوراً ولقيت جلال و قمر جوا شهقت وسكرت الباب فوراً وركضت طلعت من البيت ... قعدت برا وانا حاسة الدنيه عم تفتل فيني و طبول عم تدق براسي .. و عم اتمنى لو بايدي سكينة اقتلو فيها هو وياها .. بعد ساعه طلع جلال لعندي هو ومتلبك : اهلين رنا .. شو كنتي ببيت اهلك ؟ رنا : _ _ _ جلال : يعني انا ما فكرت ترجعي بسرعه .. ضحكت وما رديت عليه ، الي طالعه من الصبح وراجعه المغرب وهو بقلي ما توقعت ترجعي بسرعه .. رنا : جلال ليك انا عندي حل جلال : حل لشو ؟ رنا : انتو خدو البيت مشان تاخدو راحتكون .. وانا بقعد بالغرفة الي ببيت اهلك .. اصلاً نحنا مو بحاجة البيت ههههههههه يعني عادي مو لازمنا جلال : _ _ _ رنا : شو عجبك الإقتراح ؟ جلال : يعني الي بريحك .. المهم تكوني مرتاحه رنا : راحتك هي راحتي ، خلص انت انبسط هيك وروق .. وما تعتل همي .. انا هلأ رايحه على بيت اهلك وبكرا باخود كل اغراضي جلال : لا لا خلص منرتب الموضوع على مهل رنا : لا دخيلك انا بحب كل شي اعملو بسرعه .. بحب بسرعه .. بخطب بسرعه .. بتجوز بسرعه .. بتشوه بسرعه .. وجوزي بتجوز بسرعه .. اساساً نحنا بعصر السرعه ي ا قلبي هههه حملت حالي ومشيت باتجاه بيت عمي .. فتحت الشنتاية شوي وتاكدت انو الكيس بعدو معي .. فتحتلي هالة وبس شافتني انصدمت ابتسمتلها وفتت : مفااااااااااجئة .. هالة : اهلين .. امي رنا اجت لعنا رنا : هالمرة ماني جايه ضيفه .. خلص بدي صير من اهل البيت ههههههههههههه هالة : اهل البيت ؟ ههه كيف يعني ؟ رنا : انبسطتي صح ؟ يعني جايه عيش معكون ونصير عيلة وحده ضميتها بقوة وبوستها : خلص رح نعيش مع بعض هههههه فتت و شرحتلهن على اتفاقي انا و جلال ، و هالة و حماتي يتطلعو ببعض و يبتسمولي ببرود .. وانا ما اهتميت بردة فعلهن .. كنت عم فكر كيف بدي استخدم الكيس الي معي .. قررت جرب حطو بغرفة هالة وازا ما مشي الحال ارجع لعند وردية لاعرف كيف بدي استخدمو .. بالليل قبل ما ننام استغليت فرصة انو هالة فاتت تتحمم ، وفتت على غرفتها لشوف وين بدي حط الكيس ... كان حجمو قد كفة الأيد يعني تخبايتو مو سهلة .. تطلعت بكل مكان ما عرفت وين بدي روح فيه ، سمعت صوت هالة طلعت من الحمام ما لقيت حالي الا رميتو من ايدي فوق خزانتها وتأكدت انو مو مبين و فتلت وشي لاطلع فوراً من الغرفة بس لقيتها بوشي وعم تطلع فيني باستغراب هالة : شو عم تعملي هون ؟ رنا : نعيماً هلوووشة .. طالعه عم تلمعي بعد الحمام هههههههههههههه هالة : ؟؟؟ رنا : اممم كنت بدي بيجامة .. مشان نام يعني .. هالة : ماشي .. مشت لخزانتها و طلعت بيجامة واعطتني ياها : بدك شي تاني ؟ رنا : لا سلاااااااااامتك .. نامي منيح .. تصبحي على خير طلعت من الغرفة بسرعه .. واخدت نفس وايدي على قلبي !! هلأ ضل علي اقعد واتفرج على النتيجة ... !!