*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵قلوب مشوهة* *❴🔢❵الـــبـــــــــــ❴السابع❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* 📚كتب||روايات||منوعة📚: #قلوب_مشوهة الجزء السابع نمت بغرفة قمر وجلال .. كانو لسه مو ماخديني اغراضهن .. تمددت على الفرشة .. شميت ريحة جلال فيها .. عرفت وين الجنب الي بنام عليه وعرفت انو وحده وسادتو .. اخدتها وحضنتها وضليت عم شم ريحتها وابكي ، غمضت عيوني و صرت اتذكر ايامنا مع بعض .. ما كان يخليني ابعد عنو ابداً يقلي بدي اشبع منك و ملي عيوني بشوفتك .. اشتقت لاسمع كلمة حلوة .. اشتقت لكون انسانة طبيعيه ،اشتقت لكل ثانية بحياتي الحلوة الي كانت قبل هداك الحادث البشع .. غفيت بعد ما تنفخو عيوني وتعبت من البكي ، كانت الساعه 3 لما نمت .. الساعه 3.30 حست بحركة .. كأنو في شي عم يتحرك على جسمي .. بس من التعب ما قدرت فتح عيوني وفكرت حالي عم اتوهم .. قلبت للجهة التانيه و حسيت ايدي اجت على جسم بني ادم .. فتحت عيوني بسرعه وانا قلبي مقطوع و شفت هالة نايمة جنبي على الفرشة ومفتحه عيونها قمت من مكاني وانفاسي عم تتسارع وجسمي عم يرجف : هالة .. شو في شبك ؟ تجلست شوي شوي وردت ببرود : ما في شي شبك هيك ارتعبتي ؟ انا بس حسي تشوب كتير بغرفتي وجيت نام بغرفتك .. رنا : بسم الله الرحمن الرحيم ... شبك فيكي شي ؟ هالة : لا .. نعسانه .. بدي ارتاح .. وحطت راسها على المخده و غمضت عيونها .. رجعت قعدت جنبها وضليت اتطلع عليها .. ما عاد قدرت ارجع نام من الرعبة .. ضليت قاعده عم عض اصابعي و اتطلع فيها لاتاكد انها نايمة ... مع طلوع الضو فتحت عيونها و قامت طلعت من عندي من الغرفة بدون ما تحكي ولا كلمة .. حاولت نام شوي ما قدرت .. ضليت اتقلب بفرشتي ساعات لاجت حماتي وقالتلي قوم ساعدها لان هالة نايمة وشكلها تعبانه .. قمت وبلشت شغل بالبيت و هالة نايمة بالصالة .. خلصنا شغل و حطيت فطور لنفطر و لما حطيت الأكل دق باب البيت ورحت افتح .. لقيت قمر على الباب رنا : يا عيني اهلا وسهلا .. حماتك بتحبك ها قمر : عنجد ؟ هي قالت ؟ رنا : لا ما قالت حبيبتي .. فوتي فوتي ريتو مية اهلا وسهلا ... فاتت قمر و قبل ما تقعد على الأكل راحت تصحي هالة ، بس هالة ما رضيت تقوم وقالت انها نعسانه كتير وتعبانه وما بدها حدا يصحيها .. قعدنا انا وقمر وحماتي على الأكل .. وبلشت قمر تحكي عن جلال بدون ما توقف و لا لحظة .. ما عاد قدرت اكول ولا لقمة بسبب حكيها الي بهز البدن و حماتي تعض على شفافها وتغمز لقمر و قمر ما كانت تسكوت .. ضلت تحكي وتحكي وتحكي .. كيف جلال بينام وكيف جلال بياكول وكيف جلال بيقعد .. لوقت ما تلفت اعصابي و قلبت صينية الأكل كلها و صرخت فيها : حاااااااااااااج بقى بكفي بكفي بكفي ، لسه جلال عمل و جلال قعد و جلال حكى ... خلص خلص ما بدي اسمع شي بكفييييييييييييييي بكفييييييي ام جلال : رنا شبك شو صرلك وطي صوتك رنا : وطي صوتي ؟ هاد الي بهمكن انو وطي صوتي ؟ التفتت على قمر الي كان لون وشها مخطوف وعم تطلع فيني بدون ما تحكي ولا حرف .. رفعت اصبعي بوشها وحكيتها بحرقة : ليكي .. شايفه جمالك هاد كلو ؟ ما بيجي نقطة ببحر جمالي .. و جلال زتني وما سأل عني .. بكرا بس تمرضي او تتعبي .. او حتى يمكن تتشوهي .. وقتا خلص جلال بيزتك وبجيب و حده غيرك ينبسط معها .. لا تفرحي فيه كتير و لا تسدئي حكيو لان كل شي كذب .. اسأليني انا.. نزلت الشال الي بضل غطي فيه راسي وصرت اضحك : انا الي بعرف كل شي .. شوفي .. شوفي كان شعري متل الحرير وطويل كتييييييير و وشي .. كانو الكل يحكو بجمالي و بحسني .. انا احلى منك فهمانه ؟ انا احلى منك بمليووووووووون مره احلى منك انا صحيت هالة على اصواتنا و وقفت بيناتنا عم تسأل شو في .. تركتهن وفتت على غرفتي .. بعد دقايق كانت حماتي حاكيه لهالة شو الي صاير .. سمعت صوت هالة هي وعم تعيط بصوت عالي لتسمعني : اتركيني امي ، خليني فوت اتفاهم معا لشوف شو بدها هالمجنونة .. شو مفكرة حالها بدها تتحكم فينا وتعيشنا على مزاجها ... ما بكفي متحملين شوفة وشها بكفي قرف خليني فوت اتفاهم معا .. كنت عم شد على ايدي و اسناني وهز ضهري لقدام و ورا و اتمنى شوفهن كلهن عم يحترقو .. جواتي كره عم يكبر كتير الهن .. ازا بيموتو قدام عيوني ما رح ازعل عليهن ... ما رح ازعل على اي حدا منهن ... ابداً ... مرقو اسبوعين بعد الموقف الي صار ، كانت تجي امي تزورني وتطل علي و تتأكد ازا انا منيحه و تجيبلي معها كريمات وانا اخدوه و ارميهن بالخزانة قمر ما عاد اجت لعندنا و جلال يجي يسلم علي و يعطيني مصروف و يروح ... وهالة كان وضعها غريب كتير ... كانت يوم عن يوم تبين تعبانه كتير و شاحبة ، تضل نايمة كل النهار و اكلها قليل كتير و كلامها قليل .. ومرت عمي تضل تحكي معا وهي ما ترد الا بعد وقت طويل .. اما انا ما كنت احكي معا ابداً بس كنت راقبها وفكر .. معقول حالتها هي الها علاقه بالسحر ؟ كنت مخططة روح الاسبوع الجاي لعند وردية بس عم انطر لبيع الدهب الي معي واخدلها المصاري الي طلبتهن لان المبلغ ما كان متوفر معي لسه ، واستفهم منها اكتر كيف بدي اعرف ازا السحر جاب نتيجة او لأ .. بالصدفة كنت طالعه من غرفتي لاشرب مي ، مرقت وكانت هالة قاعده عم تحكي على التليفون مع رفيقتها .. وقفت بالمطبخ لاتسمع عليها من باب الفضول .. هالة : اي شمس معك معك انا بس تعبانه مو قادرة احكي .. هالة : لا الله يسامحك كيف يعني ما فرحت ، جلال اخي الوحيد وناطف قلبي لشوف ابنو بس راسي كتير عم يوجعني والله ما بعــ ــ ـ وقعت كاسة المي من ايدي و انكسرت .. سمعت هالة الصوت و انهت المكالمة هالة : ليكي شمس برجع بحكي معك ، شكلو الي ما رح يفرح بالخبر سمع هلأ ... تضرسي دايماً بتنقي و بصير الشي السيء الي بتحكيه .. روحي لشوف هالمصيبه روحي .. كنت لسه جمدانه بمكاني وعم اتطلع بالارض وعيوني ما عم يرمشو .. ما خطر ببالي الا لما كان جلال يقلي انو بدو ولاد كتير مني وبدنا نعمل احلى عيلة .. تذكرت ضحكاتنا و أحلامي .. مرقت صورتي القديمة قدامي انا وبطني كبير و حوالي ولاد كتار وجلال عم يلاعبهن .. صحيت من هي الصور و هالة عم تنكشني من كتفي : لك ردي علي شو كنتي عم تتسمعي على حكيي ؟ تطلعت فيها شوي .. كان وشها اصفر اصفر و في دوائر سوده حوالين عيونها .. مشيت بدون ما جاوبها ولا حرف .. انجرحت رجلي بالبلور الي على الارض .. كملت مشي وفتت على غرفتي .. فتحت الخزانة وطلعت كل علب الكريم الي فيها ، كل شي استخدمتو من وقت اتحرقت .. حطيتهن قدامي وبلشت طلع الكريم وامسح وشي .. استخدمت كل العلب .. كنت رح اختنق من الريحة ومن الكمية الي صارت على جسمي .. فجأة انفتح باب الغرفة .. التفتت وشفت جلال على الباب .. تطلعت فيه وصرت ابكي .. جلال : رنا ! شو عامله بحالك ! صرت اشهق وابكي وامسح الكريم بايدي و امسحو بتيابي .. قرب لعندي ومسكني من كتافي و وقفني .. جلال : لك خلص طولي بالك .. ما تزعلي رنا .. هاد نصيبك حطيت ايدي على تيابو و حكيت بصعوبة : لا هاد مو نصيبي انت تخليت عني انت عملت فيني كل هاد .. انا بكرهك يا جلال بكرهك بكرهك جلال : هاد مو ذنبي .. مو ذنبي لا تحمليني المسؤولية .. هاد نصيبك من الحياة ولازم ترضي فيه .. ازا بتضلك هيك انا ما عاد فيني خليكي هون رنا الأفضل النا كل واحد يعيش بعيد على التاني مشان ما نبشع حياة بعض .. هيك ما بصير رنا : خلص صار بدك تخلص مني ؟ ما بكفي زاتني هون وما عم تسال عني ؟ نسيت رنا الي كنت تقلها بموت بدونك وبدي ولادي يكونو منك ؟ خلص كل شي تبخر ؟ وكل الوعود احترقت مع وشي يا جلال ؟ جلال : تعالي خليني غسلك تعالي .. لا حول ولا قوة إلا بالله .. وبعدين مع هالشغله اخدين على المغسلة و غسلي و مسحلي وشي ورجلي .. وبعدين راح وتركني بدون ما يحكي معي ... صارت تمرق علي الأيام بدون نوم .. ضل سهرانة وعقلي مو معي .. كان عقلي عند قمر و جلال .. كيف بدي اسرق فرحتهن متل ما سرقو فرحتي .. بالليل وانا سهرانة والبيت كلو هادي وما في اي صوت .. سمعت حركشة و صوت متل شي عم يخرمش بالبيت .. قمت من مكاني و شغلت ضو الصالة .. وقفت شوي لاعرف من وين الصوت .. و نشف الدم بعروقي لما لقيتو جاي من غرفة هالة .. حبست انفاسي و طفيت الضو مشان ما تحس علي .. مشيت باتجاه الغرفة شوي شوي .. حطيت ادني على الباب ... ما في صوت .. معقول كنت عم اتوهم !! جيت بدي ارجع .. وقبل ما اتحرك .. اجت ضربة قوية على الباب لدرجة حسيت الصوت فات من ادني وطلع من التانيه و راسي رح ينفجر رجعت لورا و حطيت ايدي التنتين على راسي وصرخت